Read Original Shona Union Bible 1949 Baiberi Magwaro Matȿene aMŋari II Samueri 14 Bible Online

II Samueri 14 - Original Shona Union Bible 1949 Baiberi Magwaro Matȿene aMŋari bible

II Samueri 14

¹Ɀino Joabi mŋanakomana waZeruya, wakaʋona kuti mŋoyo wamambo wakaŋga uciɗa Absaromi.

²Joabi akatumira Tekoa, akatora’ko mukadzi wakaŋga akaŋgwara, akati kwaari: Uɀiite hako somucemi, ufuke ŋguʋo dzokucema, usaɀizora mafuta, asi uɀiite somukadzi wakaŋguʋa acema wakafa;

³ɀino upinde kunamambo, utaure naye ɀokuti neɀokuti. Naiɀoɀo Joabi akaisa mashoko mumuromo make.

⁴Ɀino mukadzi weTekoa wakati acitaura namambo, akawira pasi neciso cake, akakotama, akati: Ndiɓatsirei, mambo waŋgu!

⁵Mambo akati kwaari: Unonzweiko? Akapindura, akati: Ɀirokwaɀo, ndiri cirikadzi, murume waŋgu wakafa.

⁶Murandakadzi wenyu wakaŋga anaʋanakomana ʋaʋiri, iʋo ʋaʋiri ʋakarwa kusaŋgo; kwakaŋga kusinomunhu wakaʋanunura, mumŋe akaroʋa mumŋe, akamuʋuraya.

⁷Ɀino tarirai, imba yose yamukira murandakadzi wenyu, ʋakati: Tipei uyo wakaʋuraya munuŋuna wake, timuʋuraye pamsoro poʋupenyu bgomunuŋuna wake waakaʋuraya, tiʋuraye nomudyi wenhaka ʋo; naiɀoɀo ʋacadzima zimbe raŋgu rakasara, ʋakasasiyira murume waŋgu zita kana mumŋe wakasara panyika.

⁸Mambo akati kumukadzi: Enda hako kumba kwako, ndicaraira shoko pamsoro pako.

⁹Mukadzi weTekoa akati kunamambo: Ishe waŋgu mambo, mhoȿa ŋgaiʋe kwandiri nokuimba yaɓaɓa ʋaŋgu, asi mambo necigaro cake coʋushe ŋgaɀirege kuʋa nemhoȿa.

¹⁰Mambo akati: Aninani unotaura cinhu kwauri, ʋuya naye kwandiri, haaŋgazokugunɀi ɀe.

¹¹Ipapo iye akati: Mambo ŋgaaraŋgarire Jehova Mŋari wenyu, kuti mutsiʋi weropa arege kuramba aciparadza, ʋarege kuzoparadza mŋanakomana waŋgu. Iye akati: NaJehova mupenyu, ruvudzi rumŋe rwomŋanakomana wako haruŋgawiri pasi.

¹²Ɀino mukadzi akati: Murandakadzi wenyu ŋgaatenderwe hake kutaura shoko rimŋe kunashe waŋgu mambo. Iye akati: Taura hako.

¹³Mukadzi akati: Ɀino makaraŋgarireiko kuitira ʋanhu ʋaIsraeri cinhu cakaɗai? Nokuti pakutaura kwenyu shoko rakaɗai, mambo wafanana nomunhu unemhoȿa, nokuti mambo haadzoseri ɀe kumusha kwake mŋanakomana wake waakadziŋga.

¹⁴Nokuti tinofanira kufa, takafanana nemvura yakateʋurirwa pasi, isiŋgagoni kuworerwa ɀe; Mŋari haatoreri munhu ʋupenyu, asi unofuŋga mano kuti wakadziŋgwa arege kurashwa cose naye.

¹⁵Naiɀoɀo ɀino, ndaʋuya ini kuzotaura shoko iri kunashe waŋgu mambo, nokuti ʋanhu ʋakandityisa; murandakadzi wenyu akati: Ndicataura ɀino namambo; ɀimŋe mambo ucatenda ɀinokumbirwa nomurandakadzi wake.

¹⁶Nokuti mambo ucaterera hake, akarwira murandakadzi wake paruʋoko rwomunhu unoɗa kundiparadza ini pamŋe cete nomŋanakomana waŋgu, tirege kudya nhaka yaMŋari.

¹⁷Ɀino murandakadzi wenyu akati: Ndinokumbira kuti shoko rashe waŋgu mambo riʋe rokunyaradza; nokuti ishe waŋgu mambo wakafanana nomutumŋa waMŋari pakuziʋa ɀakanaka neɀakaipa; Jehova Mŋari wenyu ŋgaaʋe nemi.

¹⁸Ipapo mambo akapindura, akati kumukadzi: Usandiȿisira hako shoko randinokubvunza. Mukadzi akati: Ishe waŋgu ŋgaataure hake ɀino.

¹⁹Mambo akati: Joabi wakaɓatsirana newe paɀinhu iɀi ɀose here? Mukadzi akapindura, akati: Noʋupenyu bgomŋeya waŋgu, ishe waŋgu mambo, hakunomunhu uŋgatsauka kurudyi kana kuruɓoshwe pashoko rimŋe rakataurwa nashe waŋgu mambo; nokuti muranda wenyu Joabi ndiye wakandiraira, ndiye wakaisa mashoko awa ose mumuromo womurandakadzi wenyu.

²⁰Muranda wenyu Joabi wakandiraira kushandura shoko iri kuɗai; asi ishe waŋgu wakaŋgwara, nokuŋgwara kwakafanana nokwomutumŋa waMŋari, nokuti munoziʋa ɀose ɀiri panyika.

²¹Ipapo mambo akati kunaJoabi: Tarira ɀino, ndatenda haŋgu cinhu ici; naiɀoɀo cienda undotora jaya Absaromi.

²²Joabi akawira pasi neciso cake, akakotama, akaʋoŋga mambo. Joabi akati: Nhasi muranda wenyu unoziʋa kuti ndanzwirwa nyasha nemi, ishe waŋgu mambo; nokuti mambo wakaita ɀakumbirwa nomuranda wake.

²³Naiɀoɀo Joabi akasimuka, akaenda Geshuri, akadzosera Absaromi Jerusarema.

²⁴Mambo akati: Ŋgaatsaukire kumba kwake, asi ŋgaarege kuʋona ciso caŋgu. Naiɀoɀo Absaromi akatsaukira kumba kwake, akasaʋona ciso camambo.

²⁵Ɀino pakati paʋaIsraeri ʋose kwakaŋga kusinomunhu wairumbidzwa kwaɀo saAbsaromi pamsoro pokunaka kwake; kubva patsoka dzake kuȿikira kumusoro wake kwakaŋga kusinecinhu cakaremara kwaari.

²⁶Ŋguʋa yaaigurira vudzi rake, (ɀino wairigurira pakupera kwegore rimŋe nerimŋe, nokuti ʋudzi rake raimuremera, naiɀoɀo wairigurira), waiyera vudzi romusoro wake, rikaȿika mashekeri anamazana maʋiri,[1] acienzanisa neciyero camambo.

²⁷Absaromi akaɓerekerwa ʋanakomana ʋatatu nomŋanasikana mumŋe, wainzi Tamari; iye waiʋa mukadzi wakaŋga aneciso cakanaka.

²⁸Ɀino Absaromi akagara makore maʋiri paJerusarema asiŋgaʋoni ciso camambo.

²⁹Ipapo Absaromi akaɗana Joabi, kuti amutumire kunamambo; asi wakaramba kuʋuya kwaari; akatuma ɀe rwecipiri, asi wakaramba ɀe kuʋuya.

³⁰Ɀino akati kuʋaranda ʋake: Tarirai munda waJoabi uri pedyo nowaŋgu, ʋuye unebari’po; endai mundoupisa. Ʋaranda ʋaAbsaromi ʋakandopisa munda.

³¹Joabi akasimuka, akaenda kunaAbsaromi kumba kwake, akati kwaari: Ʋaranda ʋako ʋapisireiko munda waŋgu?

³²Absaromi akapindura Joabi, akati: Tarira, ndakatuma shoko kwauri, ndiciti: Ʋuya pano, ndikutume kunamambo, undoti: Ndakabvireiko Geshuri? Ɀaiʋa ɀirinani kuti ndiʋe’po naɀino; naiɀoɀo ɀino nditendere ndiʋone ciso camambo; kana ndinemhoȿa, ŋgaandiʋuraye hake.

³³Naiɀoɀo Joabi akaenda kunamambo, akamuʋudza; iʋo ʋakaɗana Absaromi, akaȿika kunamambo, akakotamira pasi neciso cake pamberi pamambo, mambo akaȿeta Absaromi.