Read Original Shona Union Bible 1949 Baiberi Magwaro Matȿene aMŋari II Samueri 15 Bible Online

II Samueri 15 - Original Shona Union Bible 1949 Baiberi Magwaro Matȿene aMŋari bible

II Samueri 15

¹Ɀino shure kwaiɀoɀo Absaromi akaɀigadzirira ŋgoro namabiza naʋarume ʋanamakumi mashanu kuti ʋamhanye pamberi pake.

²Absaromi waimuka maŋgwanani, akandomira parutiʋi rwenzira pasuʋo; ɀino kana kuciŋge kunomunhu wakaŋga oʋuya kunamambo kuzotambirwa mhoȿa yake, Absaromi ndokumuɗana, akati: Uri weguta ripiko? Kana akati: Muranda wenyu unobva kunorumŋe rwamarudzi aIsraeri,

³Absaromi waiti kwaari: Tarira, mashoko ako akanaka, akarurama hawo, asi hakunomunhu wakatumŋa namambo kuzokunzwa.

⁴Ʋuye Absaromi akati ʋo: Ƌai ini ndiciitwa mutoŋgi panyika, kuti aninani aneŋge anemhaka kana shoko aʋuye kwandiri, ini ndimururamisire.

⁵Ɀino kana aninani akasweɗera kuzofugama pamberi pake, iye waitambanudza ruʋoko rwake, acimuɓata, acimuȿeta.

⁶Ɀino Absaromi waiita nomutoʋo uyu naʋaIsraeri ʋose ʋaiʋuya kunamambo kuzotambirwa mhoȿa dzaʋo; naiɀoɀo Absaromi akanyeŋgera mŋoyo yaʋanhu ʋaIsraeri kuti imuɗe.

⁷Ɀino makore manna akati apfuʋura, Absaromi akati kunamambo: Nditenderei henyu ndiende Hebroni, ndindoripira kupika kwaŋgu kwandakapikira Jehova.

⁸Nokuti muranda wenyu wakapika mhiko ndicigere Geshuri paSiria, ndikati: Ɀirokwaɀo, kana Jehova akandidzosera Jerusarema, ndicanamata Jehova.

⁹Mambo akati: Cienda hako norugare. Naiɀoɀo akasimuka, akaenda Hebroni.

¹⁰Asi Absaromi wakatuma ʋashori pakati pamarudzi ose aIsraeri, akati: Kana mukanzwa kurira kwehwamanda, ipapo muti: Absaromi ndimambo paHebroni.

¹¹Ɀino Absaromi akaperekedzwa naʋarume ʋanamazana maʋiri ʋeJerusarema, ʋakaŋga ʋakokwa; iʋo ʋakaenda haʋo ʋakafara, ʋasiŋgaziʋi cinhu.

¹²Absaromi akatuma munhu kundoɗana Ahitoferi muGironi, gurukota raDavidi, paguta rake Giro, paŋguʋa yaakaŋga aciɓayira ɀiɓayiro. Kuraŋgana uku kukaʋa nesimba, nokuti ʋanhu ʋakaramba ʋaciwanda kunaAbsaromi.

¹³Ɀino nhume yakaȿika kunaDavidi, ikati: Mŋoyo yaʋarume ʋaIsraeri yoteʋera Absaromi.

¹⁴Ipapo Davidi akati kuʋaranda ʋake ʋose ʋakaŋga ʋanaye paJerusarema: Simukai, titize, nokuti kana tikasaɗaro, hapanomumŋe weɗu uŋgapukunyuka kunaAbsaromi; kurumidzai tiende, arege kutiɓata pakarepo, atiitire ɀakaipa, nokuparadza guta nomunondo unopinza.

¹⁵Ʋaranda ʋamambo ʋakati kunamambo: Tarirai, ʋaranda ʋenyu ʋakamirira kuita ɀose ɀinoɗikanwa naishe weɗu mambo.

¹⁶Mambo akaɓuɗa, ʋose ʋeimba yake ʋakamuteʋera. Mambo akasiya ʋakadzi ʋanegumi, ʋaiʋa ʋaroŋgo, kuti ʋaceŋgete imba.

¹⁷Mambo akaɓuɗa naʋanhu ʋose ʋakamuteʋera, ʋakandomira paBeti‐merhaki.

¹⁸Ʋaranda ʋake ʋose ʋakapfuʋura kurutiʋi rwake, naʋaKereti ʋose, naʋaPereti ʋose, naʋaGiti ʋose, ʋarume ʋanamazana matanhatu ʋakaŋga ʋamuteʋera ʋacibva Gati, ʋakatuŋgamirira pamberi pamambo.

¹⁹Mambo akati kunaItai muGiti: Iwe unoendireiko nesu? Dzoka hako, ugare namambo, nokuti iwe uri mutorwa wakadziŋgwa; dzokera kunyika yako.

²⁰Iwe ucaŋgoȿika zuro, ɀino ini ndicakufambisa‐fambisa seiko nesu, ɀandisiŋgaziʋi ini kwandinoenda? Dzoka hako, udzoke ʋo nehama dzako; nenyasha neɀokwaɗi ŋgaɀiʋe newe.

²¹Itai akapindura mambo, akati: NaJehova mupenyu, naishe waŋgu mambo mupenyu, ɀirokwaɀo, panondogara ishe waŋgu mambo, kana kufira’po kana kuraramira’po, ndi’po pacaʋa muranda wenyu ʋo.

²²Davidi akati kunaItai: Cienda hako, uyambuke. Itai muGiti akayambuka, naʋanhu ʋake ʋose, naʋana ʋaɗuku ʋose ʋakaŋga ʋanaye.

²³Ʋanhu ʋenyika yose ʋakacema nenzwi guru, ʋanhu ʋose ʋakayambuka; naiye mambo amene akayambuka ʋo rukoʋa Kidroni, naʋanhu ʋose ʋakayambuka ʋo ʋakaenda nenzira yokurenje.

²⁴Ɀino Zadoki akaȿika ʋo naʋaRevi ʋose ʋanaye, ʋakatakura areka yesuŋgano; ʋakagadzika areka yaMŋari pasi, Abiatari akakwira ʋo, kuȿikira ʋanhu ʋose ʋapedza kuɓuɗa paguta.

²⁵Ipapo mambo akati kunaZadoki: Dzoserai areka yaMŋari muguta; kana Jehova akandinzwira nyasha, ucandidzosa ɀe, akandiʋonesa iyo nenɀimbo yayo ɀe.

²⁶Asi kana akati: Handifari newe; tarirai, ndiri pano haŋgu, ŋgaandiitire seɀaanoɗa.

²⁷Mambo akati kunaZadoki muprista: Iwe hauzi muʋoni here? Dzokera muguta norugare, iwe naʋanakomana ʋako ʋaʋiri ʋaunaʋo, mŋanakomana wako Ahimaazi, naJonatani mŋanakomana waAbiatari.

²⁸Tarira, ini ndicandomira pamazambuko erenje, kuȿikira shoko rinobva kwauri raȿika, kundiziʋisa.

²⁹Naiɀoɀo Zadoki naAbiatari ʋakadzosera areka yaMŋari ɀe Jerusarema; iʋo ʋakagara’po.

³⁰Davidi akakwira nokumukwidza wegomo reMiorivi, akafamba aciŋgocema; akafukidza musoro wake, akafamba asineshaŋgu, naʋanhu ʋose ʋakaŋga ʋanaye ʋakafukidza misoro yaʋo, ʋakakwira, ʋakaŋgocema pakukwira kwaʋo.

³¹Ɀino mumŋe akaʋudza Davidi, akati: Ahitoferi unoraŋgana ʋo naʋamŋe naAbsaromi. Davidi akati: Haiwa Jehova, shandurai henyu mashoko aAhitoferi, aʋe mashoko oʋupenzi.

³²Ɀino Davidi wakati aȿika kumsoro kwainamatwa Mŋari, akaʋona Hushai muArki osoŋgana naye, ŋguʋo dzake dzakabvarurwa nevu pamusoro wake.

³³Davidi akati kwaari: Kana iwe ukapfuʋura neni, ucandiremedza;

³⁴asi kana ukadzokera kuguta, ukandoti kunaAbsaromi: Ndicaʋa muranda wenyu, mambo; seɀandaiʋa muranda waɓaɓa ʋenyu kare, saiɀoɀo ndicaʋa muranda wenyu ɀino; ipapo uŋgandikundira mano aAhitoferi.

³⁵Zadoki naAbiatari ʋaprista, haʋazi’po newe here? Naiɀoɀo ɀose ɀaunonzwa mumba mamambo, uʋudze Zadoki naAbiatari ʋaprista iɀoɀo.

³⁶Tarira, ʋanaʋanakomana ʋaʋo ʋaʋiri’po, Ahimaazi mŋanakomana waZadoki, naJonatani mŋanakomana waAbiatari; ɀino unditumire naʋo ɀose ɀaucanzwa.

³⁷Naiɀoɀo Husai, shamŋari yaDavidi, akaenda kuguta; naAbsaromi akapinda Jerusarema.