Read Original Shona Union Bible 1949 Baiberi Magwaro Matȿene aMŋari II Samueri 17 Bible Online

II Samueri 17 - Original Shona Union Bible 1949 Baiberi Magwaro Matȿene aMŋari bible

II Samueri 17

¹Ɀino Ahitoferi wakati kunaAbsaromi: Nditenderei ɀino nditsaure ʋarume ʋaneɀuru ɀinegumi neɀiʋiri, ndisimuke, nditeʋerere Davidi ʋusiku bguno;

²ndimuʋambe akaneta, asinesimba, ndimutyise, ʋanhu ʋose ʋaanaʋo ʋatize; ini ndicaʋuraya mambo oga.

³Ipapo ndicadzosera ʋanhu ʋose kwamuri; kana mawana munhu mumŋe wamunotȿaka, ʋanhu ʋose ʋacadzoka; naiɀoɀo ʋanhu ʋose ʋacaʋa norugare.

⁴Shoko iro rikafadza Absaromi naʋakuru ʋose ʋaIsraeri.

⁵Ipapo Absaromi akati: Ƌanai Hushai muArki ʋo, tinzwe ɀaanotaura.

⁶Hushai wakati aȿika kunaAbsaromi, Absaromi akataura naye akati: Ahitoferi wataura ɀokuti neɀokuti; ɀino toita seɀaakataura here? Kana tisiŋgafaniri kuɗaro, taura iwe.

⁷Hushai akati kunaAbsaromi: Zano ramapiwa ŋguʋa ino naAhitoferi harina‐kunaka.

⁸Hushai akawedzera, akati: Munoziʋa ɓaɓa ʋenyu naʋanhu ʋaʋo, kuti ʋanhu ʋoʋumhare, ɀino ʋaneshuŋgu pamŋoyo paʋo, seɓere ratorerwa ʋana ʋaro kusaŋgo; ɓaɓa ʋenyu munhu wokurwa, haʋaŋgaʋati naʋanhu.

⁹Tarirai, ɀino ʋandoʋanda paɓako, kana pamŋe; ɀino kana ʋamŋe ʋakataŋga kuʋurawa, aninani unoɀinzwa ucati: Ʋanhu, ʋanoteʋera Absaromi, ʋoʋurawa.

¹⁰Ipapo kunyaŋge munhu wemhare, unomŋoyo wakafanana noweshumba, ucaʋora mŋoyo, nokuti ʋaIsraeri ʋose ʋanoziʋa kuti ɓaɓa ʋenyu imhare, naiʋo ʋaʋanaʋo ʋanhu ʋoʋumhare ʋo.

¹¹Ɀino zano raŋgu ndiro, kuti ʋaIsraeri ʋose ʋaʋuŋganidzwe kwamuri, kubva paDani kuȿikira paBeeri‐sheba, ʋawande sejeca riri paguŋgwa; nemi ʋo muende mumene kuhondo.

¹²Naiɀoɀo ticamuʋamba paaneŋge aciwanikwa, tigomhara pamsoro pake somumharire weʋeta pasi; hatiŋgasiyi kunyaŋge mumŋe waʋo, kunyaŋge iʋo kunyaŋge ʋanhu ʋaʋanaʋo.

¹³Ʋuye, kana ʋakapinda muguta, ʋaIsraeri ʋose ʋaŋgaʋuya namaɓote kuguta iro, tirikweʋere murwizi, kuȿikira pacishaikwa kunyaŋge ibge rimŋe ɗuku.

¹⁴Ipapo Absaromi naʋarume ʋose ʋaIsraeri ʋakati: Zano raHushai muArki rakanaka kukunda zano raAhitoferi. Nokuti Jehova wakaŋga atema kuti zano rakanaka raAhitoferi rikoneswe, kuti Jehova apinze Absaromi panjodzi.

¹⁵Ɀino Hushai akati kunaZadoki nokunaAbiatari ʋaprista: Ahitoferi wakapa Absaromi naʋakuru ʋaIsraeri zano rokuti nerokuti, asi ini ndakaʋapa zano rokuti nerokuti.

¹⁶Naiɀoɀo ɀino, tumai munhu pakarepo, aʋudze Davidi, ati: Regai kuʋata ʋusiku bguno kumazambuko erenje, asi munofanira kuyambuka, kuti mambo arege kumedzwa naʋanhu ʋose ʋaanaʋo.

¹⁷Ɀino Jonatani naAhimazi ʋakaŋga ʋari paEni‐rogeri, murandakadzi akaenda kundoʋaʋudza; iʋo ʋakandoʋudza mambo Davidi, nokuti haʋazaifanira kuʋonekwa ʋacipinda paguta.

¹⁸Asi mumŋe mukomana wakaʋaʋona, akandoʋudza Absaromi; iʋo ʋaʋiri ʋakakurumidza kuenda, ʋakaȿika paimba yomumŋe munhu paBahurimi; iye wakaŋga anetsime paruʋazhe rwake, iʋo ʋakaɓurukira’mo.

¹⁹Mukadzi akatora cokufukidzira naco, akaciwarira pamsoro pomuromo wetsime, akanika ɀiyo ɀakaswiwa pamsoro paco; hakunecinhu cakazozikanwa.

²⁰Ɀino ʋaranda ʋaAbsaromi ʋakaȿika kumukadzi kumba, ʋakati: Ahimaazi naJonatani ʋaripiko? Mukadzi akati kwaʋari: Ʋayambuka rukoʋa. Iʋo ʋakaʋatȿaka, ʋakaʋashaiwa, ʋakadzokera Jerusarema.

²¹Ɀino ʋakati ʋabva, iʋo ʋakaɓuɗa mutsime, ʋakandoʋudza mambo Davidi; ʋakati kunaDavidi: Simukai, mukurumidze kuyambuka mvura, nokuti Ahitoferi wakapa zano rokuti nerokuti pamsoro penyu.

²²Davidi akasimuka, naʋanhu ʋose ʋaakaŋga anaʋo, ʋakayambuka Joridani; kwakati kwoedza maŋgwanani, kwakaŋga kusinomumŋe waʋo wakaŋga acigere kuyambuka Joridani.

²³Ɀino Ahitoferi wakati aciʋona kuti ʋakaŋga ʋasinehanya nezano rake, akaisa cigaro pamsoro pemboŋgoro yake, akasimuka, akaenda kumba kwake kuguta rake, akaraira ʋose ʋeimba yake, akaɀisuŋgirira, akafa, akaʋigwa mubgiro bgaɓaɓa ʋake.

²⁴Ɀino Davidi akaȿika Mahanaimi. Absaromi akayambuka Joridani, iye naʋarume ʋose ʋaIsraeri, ʋaakaŋga anaʋo.

²⁵Absaromi akagadza Amasa aʋe mutuŋgamiriri wehondo panɀimbo yaJoabi. Amasa wakaŋga ari mŋanakomana womunhu wainzi Jitra muIsraeri, wakaŋga apinda kunaAbigairi, mukunda waNahasi, munuŋuna waZeruya, mai ʋaJoabi.

²⁶ƲaIsraeri naAbsaromi ʋakadzika matente aʋo panyika yeGireadi.

²⁷Ɀino Davidi wakati aciȿika paMahanaimi, Shobi mŋanakomana waNahashi weRaba, waʋana ʋaAmoni, naMakiri mŋanakomana waAmieri weRo‐debari, naBarzirai muGireadi weRogerimi,

²⁸ʋakaʋuya nenhoʋo, nehari, nemidziyo yevu, neɀiyo, nebari, noʋupfu, neɀiyo ɀakakaŋgwa, nenyimo, nenyemba, neɀakakaŋgwa,

²⁹noʋuci, namafuta, namakwai, namapundu omukaka, kuti Davidi naʋanhu ʋose ʋaakaŋga anaʋo ʋadye; nokuti ʋakati: Ʋanhu ʋanenzara, ʋaneta, ʋanenyota murenje.