Read Original Shona Union Bible 1949 Baiberi Magwaro Matȿene aMŋari II Samueri 18 Bible Online

II Samueri 18 - Original Shona Union Bible 1949 Baiberi Magwaro Matȿene aMŋari bible

II Samueri 18

¹Ɀino Davidi akaʋereŋga ʋanhu ʋaakaŋga anaʋo, akagadza ʋakuru ʋeɀuru naʋakuru ʋamazana pamsoro paʋo.

²Davidi akatuma ʋanhu, cetatu caʋo ʋacirairwa naJoabi, necetatu caʋo ʋacirairwa naAbishai mŋanakomana waZeruya, munuŋuna waJoabi, necetatu caʋo ɀe ʋacirairwa naItai muGiti. Mambo akati kuʋanhu: Ɀirokwaɀo, neni ʋo ndimene ndicaenda nemi.

³Asi ʋanhu ʋakati: Hamuŋgaendi, nokuti kana tikatiza isu, haʋaŋgaʋi nehanya nesu; kunyaŋge hafu yaʋanhu ʋeɗu ʋakaʋurawa, haʋaŋgaʋi nehanya nesu; asi imi makafanana naʋanhu ʋeɗu ʋaneɀuru ɀinegumi; naiɀoɀo ɀirinani kuti mugare makaɀigadzira kuzotiɓatsira muri muguta.

⁴Mambo akati kwaʋari: Ndicaita seɀamunofuŋga. Mambo akandomira kurutiʋi rwesuʋo, ʋanhu ʋose ʋakaɓuɗa ʋaciita mazana‐mazana neɀuru‐ɀuru.

⁵Ɀino mambo akaraira Joabi naAbishai naItai, akati: Nzwirai henyu jaya nyasha, iye Absaromi, nokuɗa kwaŋgu. Ʋanhu ʋose ʋakanzwa mambo aciraira ʋakuru ʋose pamsoro paAbsaromi.

⁶Ɀino ʋanhu ʋakaɓuɗira kusaŋgo kundorwa naIsraeri, ʋakarwa muɗondo raEfraimi.

⁷Ʋanhu ʋaIsraeri ʋakakundwa’po pamberi paʋaranda ʋaDavidi, ʋakaʋuraya ʋanhu ʋazhinji‐zhinji zuʋa iro ʋakaȿika ɀuru ɀinamazana maʋiri.

⁸Nokuti kurwa kwakapararira panyika yose, ɗondo rikaparadza ʋanhu ʋazhinji kukunda ʋakaparadzwa nomunondo.

⁹Ɀino Absaromi akasoŋgana naʋaranda ʋaDavidi. Absaromi wakaŋga akataȿa hesera rake, hesera rikapinda napasi pamataʋi makobvu omuouki mukuru, musoro wake ukaɓatwa pamuouki, iye ndokurembera pakati peɗeŋga napasi; hesera raakaŋga akataȿa rikaramba ricifamba.

¹⁰Ɀino mumŋe murume akaɀiʋona, akandoʋudza Joabi, akati: Tarira, ndaʋona Absaromi akarembera mumuouki.

¹¹Joabi akati kumunhu wakamuʋudza: Wakaɀiʋona, ukaregereiko kumuɓaya ipapo? Ndiŋgaɗai ndakakupa masirveri anegumi[2] nebanhire.

¹²Murume akati kunaJoabi: Kunyaŋge ndikapiwa masirveri anecuru[3] muruʋoko rwaŋgu, handiŋgatambanudziri ruʋoko rwaŋgu kumŋanakomana wamambo, nokuti mambo wakaraira imi naAbishai naItai, isu ticiɀinzwa, akati: Cenjerai kuti kusaʋa nomunhu unogunɀa jaya, iye Absaromi.

¹³Ƌai ndakaŋga ndamuʋuraya pakaʋanda (hakuneshoko rinoʋanzirwa mambo), imi muŋgaɗai mandiregera.

¹⁴Ipapo Joabi akati: Handigoni kunonoka kuɗai newe pano. Ɀino akatora mapfumo matatu muruʋoko rwake, akaɓaya Absaromi nawo pamŋoyo, aciri mupenyu mukati momuouki.

¹⁵Ipapo majaya anegumi, aiɓata nhumbi dzokurwa nadzo dzaJoabi, akakomba Absaromi, akamuɓaya, akamuʋuraya.

¹⁶Ɀino Joabi akaridza hwamanda, ʋanhu ʋakadzoka pakuteʋerera ʋaIsraeri, nokuti Joabi wakadziʋisa ʋanhu.

¹⁷Ʋakatora Absaromi, ʋakamukanda mugomba muɗondo, ʋakatutira pamsoro pake murwi mukuru wamabge; ʋaIsraeri ʋose ʋakatizira mumŋe nomumŋe kutente rake.

¹⁸Ɀino Absaromi aciri mupenyu wakaŋga atora shoŋgwe akaɀimutsira iyo pamupata wamambo, nokuti wakati: Handinomŋanakomana uŋgayeudza ʋanhu zita raŋgu; akatumidza shoŋgwe iyo zita rake, rikanzi shoŋgwe yokuyeudzira Absaromi kuȿikira nhasi.

¹⁹Ɀino Ahimaazi mŋanakomana waZadoki, akati: Regai ndimhanye ɀino ndindoʋudza mambo shoko iri, kuti Jehova wakamutsiʋa kuʋaʋeŋgi ʋake.

²⁰Joabi akati kwaari: Iwe hauŋgaendi neshoko nhasi, asi uŋgaenda neshoko rimŋe zuʋa; asi nhasi hauŋgaendi neshoko, nokuti mŋanakomana wamambo wafa.

²¹Ɀino Joabi akati kumuKushi: Enda iwe undoʋudza mambo ɀawaʋona. MuKushi akakotamira pasi pamberi paJoabi, akamhanya.

²²Ahimaazi mŋanakomana waZadoki akati ɀe kunaJoabi: Kunyaŋge ɀakaɗaro haɀo, nditendere ndimhanye neni ʋo, nditeʋere muKushi. Joabi akati: Unoɗa kumhanyireiko, mŋana waŋgu, nokuti hauŋgapiwi muɓairo pamsoro peshoko?

²³Iye akati: Kunyaŋge ɀakaɗaro haɀo, ndicamhanya haŋgu. Akati kwaari: Mhanya hako. Ipapo Ahimaazi akamhanya nenzira yomuɓani, akapfuʋura muKushi.

²⁴Ɀino Davidi wakaŋga agere pakati pamasuʋo maʋiri, nharirire ikakwira paɗeŋga resuʋo paruȿiŋgo rweguta, akatarira, akaʋona murume acimhanya ari oga.

²⁵Nharirire ikaɗanidzira, ikaʋudza mambo. Mambo akati: Kana ari oga, uneshoko mumuromo make. Akaramba acifamba, akasweɗera.

²⁶Nharirire ikaʋona mumŋe munhu ɀe acimhanya; nharirire ikaɗanidzira kumutariri wesuʋo, ikati: Tarira, kunomumŋe munhu ɀe unomhanya ari oga. Mambo akati: Naiye unoʋuya neshoko.

²⁷Nharirire ikati: Ndinofuŋga kuti kumhanya kwowokutaŋga kwakafanana nokumhanya kwaAhimaazi mŋanakomana waZadoki. Mambo akati: Iye munhu wakanaka, unoʋuya neshoko rakanaka.

²⁸Ahimaazi akaɗanidzira akati kunamambo: Rugare! Akakotamira pasi neciso cake pamberi pamambo, akati: Jehova Mŋari wenyu ŋgaakudzwe, wakaisa kwamuri ʋanhu ʋakaŋga ʋatambanudzira maʋoko aʋo kunashe waŋgu mambo.

²⁹Mambo akati: Ko jaya, iye Absaromi, wakafara here? Ahimaazi akapindura, akati: Pakutumŋa kwomuranda wenyu, iyeni muranda wenyu, naJoabi, ndakaʋona nyoŋgano huru, asi ndakaŋga ndisiŋgaziʋi kuti cinyiko.

³⁰Mambo akati: Tseɗuka, umire pano. Akatseɗuka, akaramba amire’po.

³¹Ɀino muKushi akaȿika. MuKushi akati: Ndineshoko kunashe waŋgu mambo; nokuti Jehova wakakutsiʋai nhasi kunaʋose ʋakaŋga ʋakumukirai.

³²Mambo akati kumuKushi: Ko jaya, iye Absaromi, wakafara here? MuKushi akapindura, akati: Ʋaʋeŋgi ʋashe waŋgu mambo, naʋose ʋanokumukirai, ŋgaʋaʋe sejaya iro.

³³Mambo akavunduka kwaɀo, akakwira kukamuri yakaŋga iri pamsoro pesuʋo, akacema; akaramba acifamba, aciti: Haiwa, mŋana waŋgu Absaromi, mŋana waŋgu, mŋana waŋgu Absaromi! Ndiŋgaɗai ndakafa haŋgu panɀimbo yako, haiwa Absaromi, mŋana waŋgu, mŋana waŋgu!