Read Original Shona Union Bible 1949 Baiberi Magwaro Matȿene aMŋari II Samueri 19 Bible Online

II Samueri 19 - Original Shona Union Bible 1949 Baiberi Magwaro Matȿene aMŋari bible

II Samueri 19

¹Ɀino Joabi akaʋudzwa, ɀicinzi: Tarira, mambo unocema nokuwuŋgudzira Absaromi.

²Naiɀoɀo kukunda kwezuʋa iro kwakashandurwa kukaʋa kucema kwaʋanhu ʋose, nokuti ʋanhu ʋakanzwa zuʋa iro ɀicinzi: Mambo unocema mŋanakomana wake.

³Ʋanhu ʋakapinda muguta zuʋa iro ʋaciʋereʋedza, saʋanhu ʋanonyara kana ʋacitiza kurwa.

⁴Mambo akafukidza ciso cake, mambo akacema nenzwi guru, aciti: Haiwa, mŋana waŋgu Absaromi, Absaromi, mŋana waŋgu, mŋana waŋgu!

⁵Ipapo Joabi akapinda mumba kunamambo, akati: Nhasi manyadza ɀiso ɀaʋaranda ʋenyu ʋose ʋakaponesa ʋupenyu bgenyu nhasi, noʋupenyu bgaʋanakomana naʋanasikana ʋenyu, noʋupenyu bgaʋakadzi ʋenyu, noʋupenyu bgaʋaroŋgo ʋenyu;

⁶nokuti munoɗa iʋo ʋanokuʋeŋgai, muciʋeŋga ʋanokuɗai. Nokuti makatiratidza nhasi, kuti hamunehanya namacinda naʋaranda, nokuti nhasi ndaʋona, kuti ɗai Absaromi akaŋga aciri mupenyu, nesu tose takafa heɗu nhasi, maifarira iɀoɀo.

⁷Naiɀoɀo ɀino simukai, muɓuɗe, mundotaura naʋaranda ʋenyu, muʋanyaradze; nokuti ndinokupikirai naJehova, kuti kana musiŋgaɓuɗi, hakunomunhu uŋgasara nemi ʋusiku bguno; iɀoɀo ɀiŋgaʋa ɀakaipa kwamuri kukunda ɀakaipa ɀose ɀakakuwirai kubva paʋuɗuku bgenyu kuȿikira ɀino.

⁸Ipapo mambo akasimuka, akandogara pasuʋo. Ʋakaʋudza ʋanhu ʋose, ʋaciti: Tarirai, mambo ugere pasuʋo; ʋanhu ʋose ʋakaʋuya pamberi pamambo. Ɀino ʋaIsraeri ʋose ʋakaŋga ʋatizira mumŋe nomumŋe kutente rake.

⁹Asi ʋanhu ʋose ʋakaŋga ʋaciita ɓope kumarudzi ose aʋaIsraeri, ʋaciti: Mambo wakatirwira pamaʋoko aʋaʋeŋgi ʋeɗu, akatiponesa pamaʋoko aʋaFiristia, ɀino wabva panyika acitiza Absaromi.

¹⁰Asi Absaromi watakaŋga tazodza kuti aʋe mambo weɗu, wafa pakurwa. Ɀino munoregereiko kutaurirana kudzosa mambo?

¹¹Ɀino mambo Davidi wakatuma nhume kunaZadoki naAbiatari ʋaprista, akati: Taurai kuʋakuru ʋaJuda, muti: Imi munononokireiko kudzosa mambo kumba kwake? Nokuti mambo wakanzwa kuti ʋaIsraeri ʋose ʋanotaura kuti adzoswe kumba kwake.

¹²Imi muri hama dzaŋgu, muri mafupa aŋgu nenyama yaŋgu: ɀino munononokirei kudzosa mambo?

¹³Ɀino muti kunaAmasa: Iwe hauzi fupa raŋgu nenyama yaŋgu here? Mŋari ŋgaandiroʋe, arambe aciɗaro, kana iwe usiŋgazoʋi mukuru wehondo ŋguʋa yose pamberi paŋgu panɀimbo yaJoabi.

¹⁴Akarereʋudza mŋoyo yaʋanhu ʋose ʋaJuda somŋoyo womunhu mumŋe; naiɀoɀo ʋakatuma shoko kunamambo, ʋakati: Dzokai, imi naʋaranda ʋenyu ʋose.

¹⁵Naiɀoɀo mambo akadzoka, akaȿika paJoridani. ƲaJuda ʋakaȿika paGirgari, ʋakasoŋgana namambo, ʋakayambusa mambo Joridani.

¹⁶Ɀino Shimei mŋanakomana waGera, muBenjamini, wakaŋga agere Bahurimi, wakakurumidza akaɓuruka naʋarume ʋaJuda kundosoŋgana namambo Davidi.

¹⁷Iye waiʋa naʋarume ʋaBenjamini ʋanecuru cimŋe, naZiba, muranda weimba yaSauro, naʋanakomana ʋake ʋanegumi naʋashanu, naʋaranda ʋake ʋanamakumi maʋiri; iʋo ʋakayambuka Joridani pamberi pamambo.

¹⁸Igwa rikaenda kundoyambusa ʋeimba yamambo, nokuita seɀaʋaiɗa. Ipapo Shimei mŋanakomana waGera akaɀiwisira pasi pamberi pamambo, iye akayambuka Joridani.

¹⁹Akati kunamambo: Ishe waŋgu ŋgaarege kundipa mhaka; regai henyu kuraŋgarira kutadza kwomuranda wenyu zuʋa riya rokuɓuɗa kwashe waŋgu paJerusarema; mambo ŋgaarege hake kuraŋgarira iɀoɀo pamŋoyo pake.

²⁰Nokuti muranda wenyu unoziʋa kuti ndakatadza; naiɀoɀo tarirai, nhasi ndaʋuya ndicitaŋgira ʋose ʋeimba yaJosefa, ndakaɓuruka kuzosoŋgana nashe waŋgu mambo.

²¹Asi Abishai mŋanakomana waZeruya, akapindura, akati: Shimei haafaniri here kuʋurawa pamsoro pecinhu ici, nokuti wakatuka muzodzwa waJehova?

²²Davidi akati: Ndinemhoȿa yeiko nemi, imi ʋanakomana ʋaZeruya, ɀamunoɗa kuʋa ʋaʋeŋgi ʋaŋgu nhasi? Kuŋgaʋurawa munhu mumŋe waIsraeri nhasi here? Munoti handiziʋi here kuti ndiri mambo waIsraeri nhasi?

²³Mambo akati kunaShimei: Hauŋgafi. Mambo akapika kwaari.

²⁴Ɀino Mefibosheti mŋanakomana waSauro wakaɓuruka kuzosoŋgana namambo; asi iye wakaŋga asinakushambidza tsoka dzake, kana kupetura ndebvu dzake, kana kusuka ŋguʋo dzake, kubva pazuʋa rakaenda mambo kuȿikira zuʋa raakadzoka naro norugare.

²⁵Ɀino wakati aȿika Jerusarema kuzosoŋgana namambo, mambo akati kwaari: Wakaregereiko kuenda neni, Mefibosheti?

²⁶Iye akapindura, akati: Ishe waŋgu mambo, muranda waŋgu wakandinyeŋgera; nokuti muranda wenyu wakati: Ndicaɀiisira cigaro pamboŋgoro, ndiitaȿe, ndiende namambo, nokuti muranda wenyu cirema;

²⁷iye akandocera muranda wenyu kunashe waŋgu mambo; asi ishe waŋgu mambo wakafanana nomutumŋa waMŋari; naiɀoɀo itai henyu seɀamunoɗa.

²⁸Nokuti ʋose ʋeimba yaɓaɓa ʋaŋgu ʋaifanira kuʋurawa nashe waŋgu mambo; kunyaŋge ɀakaɗaro makagadza muranda wenyu pakati paʋaidya patafura yenyu. Ini ndicinesimba reiko rokucema naro kunamambo?

²⁹Mambo akati kwaari: Ucaramba ucitaurireiko? Ndinoti: Iwe naZiba goʋanai nyika.

³⁰Mefibosheti akati kunamambo: Iye ŋgaatore hake ɀose, ishe waŋgu mambo ɀaakadzokera kumba kwake norugare.

³¹NaBarzirai muGireadi wakaɓuruka ʋo acibva Rogerimi, akayambuka Joridani namambo, kuzomuperekedzera mhiri kwaJoridani.

³²Ɀino Barzirai wakaŋga ari mutana kwaɀo, wakaŋga aȿika makore anamakumi masere; wakaŋga aʋigira mambo ɀokudya paŋguʋa yokugara kwake paMahanaimi, nokuti wakaŋga akafuma kwaɀo.

³³Mambo akati kunaBarzirai: Hendei, tiyambuke tose, ini ndicakuraramisa kwandiri paJerusarema.

³⁴Barzirai akati kunamambo: Makore oʋupenyu bgaŋgu acaʋa maŋganiko, kuti ndikwire Jerusarema namambo?

³⁵Nhasi ndaʋa namakore makumi masere; ini ndicagona kutsaura ɀakanaka kuneɀakaipa here? Muranda wenyu ucagona kuraʋira ɀakanaka ɀaanodya kana ɀaanonwa here? Ndicagona kunzwa manzwi aʋarume naʋakadzi kana ʋaciimba here? Muranda wenyu ucaremedzereiko ishe waŋgu mambo?

³⁶Muranda wenyu wakaŋga aciŋgoɗa hake kuyambuka Joridani namambo; ɀino mambo ucandiripira iɀoɀo nomuɓairo wakaɗai seiko?

³⁷Regai, muranda wenyu adzoke hake, ndindofira haŋgu muguta raŋgu, pamarinda aɓaɓa ʋaŋgu namai ʋaŋgu; asi hoyo muranda wenyu Kimhami, iye ŋgaayambuke nashe waŋgu mambo, mugomuitira iye seɀamunoɗa.

³⁸Mambo akapindura, akati: Kimhami ucayambuka neni, ini ndicamuitira iye seɀaunoɗa iwe; ɀose ɀaunoreʋa kwandiri ndicakuitira iɀo.

³⁹Ʋanhu ʋose ʋakayambuka Joridani, naiye mambo akayambuka ʋo; mambo akaȿeta Barzirai akamuropafadza, iye akadzokera kumusha kwake.

⁴⁰Naiɀoɀo mambo akayambukira Girgari, Kimhami akayambuka naye, naʋanhu ʋose ʋaJuda ʋakayambusa mambo, ʋuye ʋo hafu yaʋanhu ʋaIsraeri.

⁴¹Ɀino ʋarume ʋose ʋaIsraeri ʋakaʋuya kunamambo, ʋakati kunamambo: Hama dzeɗu, ʋarume ʋaJuda, ʋakakuɓireiko, ʋakayambusa mambo naʋeimba yake Joridani, pamŋe cete naʋarume ʋose ʋaDavidi?

⁴²Ʋarume ʋose ʋaJuda ʋakapindura ʋarume ʋaIsraeri, ʋakati: Nokuti mambo ihama yeɗu yomumba; matsamŋireiko nemhaka iyi? Ko isu takatoŋgodya ɀamambo here? Iye wakatoŋgotipa cipo here?

⁴³Ʋarume ʋaIsraeri ʋakapindura ʋarume ʋaJuda, ʋakati: Isu tinemigoʋe inegumi kunamambo, naDavidi ndoweɗu kukunda imi; ɀino imi makatiɀidzireiko, ɀamusina‐kutaŋga kuraŋgana nesu pamsoro pokudzosa mambo weɗu? Asi mashoko aʋarume ʋaJuda akaŋga acityisa kukunda mashoko aʋarume ʋaIsraeri.