Read Original Shona Union Bible 1949 Baiberi Magwaro Matȿene aMŋari II Samueri 2 Bible Online

II Samueri 2 - Original Shona Union Bible 1949 Baiberi Magwaro Matȿene aMŋari bible

II Samueri 2

¹Ɀino shure kwaiɀoɀo Davidi wakabvunza Jehova, akati: Ndokwira kunerimŋe guta raJuda here? Jehova akati: Kwira. Davidi akati: Ndokwira kuneripi? Iye akati: Hebroni.

²Naiɀoɀo Davidi akakwira’ko, naʋakadzi ʋake ʋaʋiri ʋo, ʋana‐Ahinoami muJezreeri, naAbigairi, mukadzi waNabari muKarmeri.

³Davidi akakwira ʋo naʋanhu ʋake ʋaiʋa naye, mumŋe nomumŋe neimba yake, ʋakandogara pamaguta eHebroni.

⁴Ʋarume ʋaJuda ʋakaʋuya ʋakazodza Davidi’po, kuti aʋe mambo weimba yaJuda. Ʋakaʋudza Davidi, ʋaciti: Ʋarume ʋeJabeshi‐gireadi ndiʋo ʋakaʋiga Sauro.

⁵Davidi akatuma nhume kuʋarume ʋeJabeshi‐gireadi, akati kwaʋari: Muropafadzwe naJehova, ɀamakaitira ishe wenyu Sauro cinhu ici cakanaka, mukamuʋiga.

⁶Ɀino Jehova ŋgaakuitirei ʋo ɀakanaka neɀokwaɗi; neni ʋo ndicakuitirai ɀakanaka, ɀamakaita iɀoɀi.

⁷Naiɀoɀo ɀino, maʋoko enyu ŋgaaʋe nesimba, muʋe noʋumhare; nokuti Sauro ishe wenyu wakafa, ɀino ʋeimba yaJuda ʋakandizodza, kuti ndiʋe mambo waʋo.

⁸Ɀino Abineri, mŋanakomana waNeri, mukuru wehondo yaSauro, wakaŋga atora Ishi‐bosheti, mŋanakomana waSauro, akamuisa Mahanaimi;

⁹akamuita mambo weGireadi, nowaʋaAshuri, noweJezreeri, nowaEfraimi, nowaBenjamini, nowaʋaIsraeri ʋose.

¹⁰(Ishi‐bosheti, mŋanakomana waSauro, wakaŋga aʋa namakore anamakumi manna ŋguʋa yokutaŋga kwake kuɓata ʋushe bgaIsraeri, akaɓata ʋushe makore maʋiri). Asi ʋeimba yaJuda ʋakateʋera Davidi.

¹¹Ŋguʋa yakaɓata Davidi ʋushe bgeimba yaJuda paHebroni aiʋa makore manomŋe nemŋedzi mitanhatu.

¹²Ɀino Abineri, mŋanakomana waNeri, naʋaranda ʋaIshi‐bosheti, mŋanakomana waSauro, ʋakabva Mahanaimi, ʋakaenda Gibeoni.

¹³NaJoabi, mŋanakomana waZeruya, naʋaranda ʋaDavidi ʋakaɓuɗa ʋo, ʋakasoŋgana naʋo padziʋa reGibeoni; ʋakagara pasi, ʋamŋe necoʋuno kwedziʋa, ʋamŋe necemhiri kwedziʋa.

¹⁴Abineri akati kunaJoabi: Majaya ŋgaasimuke, atambe pamberi peɗu. Joabi akati: Ŋgaʋasimuke haʋo.

¹⁵Ipapo ʋakasimuka, ʋakaenda namapoka; gumi naʋaʋiri kurutiʋi rwaBenjamini naIshi‐bosheti, mŋanakomana waSauro, ʋuye gumi naʋaʋiri ʋaʋaranda ʋaDavidi.

¹⁶Mumŋe nomumŋe akaɓata musoro wowakatarisana naye, ʋakaɓayana neminondo kunhiʋi dzaʋo, naiɀoɀo ʋakawira pasi pamŋe cete; naiɀoɀo nɀimbo iyo yakanzi Herkati‐haruzimi, iri paGibeoni.

¹⁷Kurwa kukanyanya kwaɀo zuʋa iro; Abineri naʋarume ʋaIsraeri ʋakakundwa naʋaranda ʋaDavidi.

¹⁸Ʋanakomana ʋatatu ʋaZeruya ʋakaŋga ʋari’po, ʋana‐Joabi, naAbishai, naAsaheri; Asaheri waigona kumhanya seceŋgu.

¹⁹Asaheri akateʋerera Abineri; ɀino pakumhanya kwake haana‐kutsaukira kurudyi kana kuruɓoshwe pakuteʋerera Abineri.

²⁰Abineri akaceuka, akati: Ndiwe Asaheri here? Akapindura, akati: Ndini.

²¹Abineri akati kwaari: Tsaukira hako kurudyi kana kuruɓoshwe, uɓate hako rimŋe ramajaya, utore nhumbi dzake dzokurwa nadzo. Asi Asaheri wakaramba kutsauka pakumuteʋerera.

²²Abineri akati ɀe kunaAsaheri: Tsauka hako pakunditeʋerera; ndicakuʋurayireiko? Ndiŋgazondoʋonana sei naJoabi mukuru wako?

²³Asi wakaramba kutsauka; naiɀoɀo Abineri wakamuɓaya nomuɗumbu necireya cepfumo, pfumo rikaɓuɗa neseri kwake; akawira pasi ipapo, akafira’po; ɀino ʋanhu ʋose ʋakati ʋaciȿika pakaŋga pawira Asaheri pasi pakufa kwake, ʋakamira.

²⁴Asi Joabi naAbishai ʋakateʋerera Abineri, zuʋa rikaʋira pakuȿika kwaʋo pacikomo ceAma, caiʋa pamberi peGiya panzira yerenje inoenda Gibeoni.

²⁵Ɀino ʋana ʋaBenjamini ʋakaʋuŋgana kuzoteʋera Abineri, ʋakaita ɓoka rimŋe, ʋakamira pamsoro pecikomo.

²⁶Abineri akasheʋedzera kunaJoabi, akati: Ko munondo ucaramba uciŋgoparadza nokusiŋgaperi here? Hauziʋi kuti ɀicaʋaʋa pakupedzisira here? Ucanonoka kuȿikira riniko kuraira ʋanhu kuti ʋadzoke pakuteʋerera hama dzaʋo?

²⁷Joabi akati: NaMŋari mupenyu, ɗai usina‐kutaura, ɀirokwaɀo ʋanhu ʋaŋgaɗai ʋarega maŋgwana kuteʋerera mumŋe nomumŋe hama yake.

²⁸Naiɀoɀo Joabi akaridza hwamanda, ʋanhu ʋose ʋakamira, ʋakarega kuzoteʋerera Israeri, ʋakasazorwa ɀe.

²⁹Abineri naʋanhu ʋake ʋakagura neAraba ʋusiku ubgo bgose, ʋakayambuka Joridani, ʋakagura neBitroni yose, ʋakaȿika Mahanaimi.

³⁰Ipapo Joabi akadzoka pakuteʋerera Abineri; ɀino wakati aʋuŋganidza ʋanhu ʋose, ʋarume ʋanegumi naʋapfumbamŋe naAsaheri ʋakashaikwa kuʋaranda ʋaDavidi.

³¹Asi ʋaranda ʋaDavidi ʋakaŋga ʋaʋuraya ʋarume ʋanamazana matatu namakumi matatu ʋaʋaBenjamini naʋarume ʋaAbineri.

³²Ʋakasimudza Asaheri, ʋakandomuʋiga mubgiro bgaɓaɓa ʋake, bgaiʋa paBeti‐rehemi. Joabi naʋanhu ʋake ʋakafamba ʋusiku bgose, ʋutoŋga bgukatȿuka pakuȿika kwaʋo paHebroni.