Read Original Shona Union Bible 1949 Baiberi Magwaro Matȿene aMŋari II Samueri 20 Bible Online

II Samueri 20 - Original Shona Union Bible 1949 Baiberi Magwaro Matȿene aMŋari bible

II Samueri 20

¹Ɀino kwakaŋga kuri’po munhu wakaipa, wainzi Sheba, mŋanakomana waBikri, muBenjamini; iye akaridza hwamanda, akati: Isu hatinomugoʋe kunaDavidi, ʋuye hatinenhaka kumŋanakomana waJese; ʋaIsraeri, mumŋe nomumŋe ŋgaaende kutente rake.

²Naiɀoɀo ʋarume ʋose ʋaIsraeri ʋakarega kuteʋera Davidi, ʋakateʋera Sheba mŋanakomana waBikri; asi ʋarume ʋaJuda ʋakanamatira mambo waʋo, kubva paJoridani kuȿikira paJerusarema.

³Davidi akaȿika kumba kwake Jerusarema, mambo akatora ʋakadzi ʋanegumi, iʋo ʋaroŋgo ʋake ʋaakaŋga asiya kuti ʋarinde imba, akaʋaisa panɀimbo paʋaŋgaceŋgetwa, akaʋatumira ɀokudya, asi haana‐kupinda kwaʋari. Naiɀoɀo ʋakapfigirwa kuȿikira pazuʋa rokufa kwaʋo, ʋakagara secirikadzi.

⁴Ɀino mambo akati kunaAmasa: Ndikokere ʋarume ʋaJuda ʋaʋuŋgane namazuʋa matatu; newe uʋe pano ʋo.

⁵Naiɀoɀo Amasa akaenda akakokera ʋarume ʋaJuda, asi wakanonoka akaɗarika ŋguʋa yaakaŋga atarirwa naye.

⁶Davidi akati kunaAbishai: Ɀino Sheba mŋanakomana waBikri ucatitadzira kupfuʋura Absaromi. Tora ʋaranda ʋashe wako, umuteʋerere, arege kuɀiwanira maguta akakombga namaȿiŋgo, akatipukunyukira.

⁷Ipapo ʋarume ʋaJoabi, naʋaKereti naʋaPereti, naʋarume ʋose ʋemhare ʋakamuteʋera, ʋakaɓuɗa Jerusarema kuzoteʋerera Sheba mŋanakomana waBikri.

⁸Ʋakati ʋaciȿika pabge guru raiʋa paGibeoni, Amasa akasoŋgana naʋo. Ɀino Joabi wakaŋga akaɀisuŋga ŋguʋo yake yokurwa nayo yaakaŋga afuka; iyo yakaŋga yakasuŋgwa nebanhire rakaŋga rinomunondo wakasuŋgirwa paciʋuno cake, uri mumuhara mawo; ɀino wakati acifamba, ukawira pasi.

⁹Joabi akati kunaAmasa: Wakaɗiniko, munuŋuna waŋgu? Joabi akaɓata ndebvu dzaAmasa noruʋoko rwake rworudyi, kuti amuȿete.

¹⁰Asi Amasa haana‐kucenjera munondo wakaŋga uri muruʋoko rwaJoabi; naiɀoɀo akamuɓaya nawo nomuɗumbu, akatumburira ʋura bgake pasi, akasamuɓaya rwecipiri, akafira’po. Joabi nomunuŋuna wake Abishai ʋakateʋerera Sheba mŋanakomana waBikri.

¹¹Ɀino rimŋe jaya raJoabi rakaŋga rimire’po naye, rikati: Aninani unoɗa Joabi, nouri kurutiʋi rwaDavidi, ŋgaateʋere Joabi.

¹²Asi Amasa wakaŋga aciʋumburuka muropa rake pakati penzira. Ɀino murume uyu wakati aciʋona kuti ʋanhu ʋose ʋakaramba ʋamire, akabvisa Amasa panzira, akamutakurira kusaŋgo, akamufukidza neŋguʋo, nokuti wakaʋona kuti ʋanhu ʋose, ʋakaȿika kwaari, ʋakaramba ʋamire.

¹³Iye wakati abviswa panzira, ʋanhu ʋose ʋakateʋera Joabi, kuzoteʋerera Sheba mŋanakomana waBikri.

¹⁴Akafamba namarudzi ose aIsraeri kuȿikira paAberi, neBeti‐maaka, naʋaBeri ʋose; ʋanhu ʋose ʋakaʋuŋgana, ʋakamuteʋera ʋo.

¹⁵Ʋakandomukomba paAberi reBeti‐maaka, ʋakatutira gomo reʋu paguta, rikaenzana noruȿingo; ʋanhu ʋose ʋaiʋa naJoabi ʋakarwa noruȿiŋgo kuti ʋaruputse.

¹⁶Ipapo mumŋe mukadzi, wakaŋga akacenjera, akaɗanidzira ari muguta, akati: Inzwai, inzwai, ɗoʋudzai Joabi, muti: Sweɗera pano, nditaure newe.

¹⁷Iye akasweɗera kwaari. Mukadzi akati: Ndiwe Joabi here? Iye akapindura, akati: Ndini. Ipapo akati kwaari: Inzwai mashoko omurandakadzi wenyu. Iye akapindura, akati: Ndinonzwa.

¹⁸Ɀino akataura, akati: Kare ʋanhu ʋaiti: Ɀirokwaɀo, ʋacabvunza mano paAberi, mhoȿa ndokuperera’po.

¹⁹Ini ndiri mumŋe waʋanotȿaka rugare nowaʋakarurama pakati paIsraeri, asi imi munotȿaka kuparadza guta, rakaita samai pakati paIsraeri; munotȿakireiko kumedza nhaka yaJehova?

²⁰Joabi akapindura, akati: Haiȿa, haiȿa, handiŋgatoŋgomedzi kana kuparadza;

²¹haɀizi iɀo; asi munhu wenyika yamakomo yaEfraimi, unonzi Sheba mŋanakomana waBikri, ndiye wakasimudzira mambo Davidi ruʋoko rwake kuti arwe naye; mumuisei pano iye oga, ipapo ini ndicabva paguta. Mukadzi akati kunaJoabi: Tarirai, musoro wake ucakandirwa kwamuri napamsoro poruȿiŋgo.

²²Ipapo mukadzi akaenda kuʋanhu ʋose nokucenjera kwake. Iʋo ʋakagura musoro waSheba mŋanakomana waBikri, ʋakaukandira kunaJoabi. Iye akaridza hwamanda, ʋanhu ʋakapararira ʋakabva paguta, mumŋe nomumŋe akaenda kutente rake. Joabi akadzokera Jerusarema kunamambo.

²³Ɀino Joabi ndiye wairaira hondo yose yaIsraeri, naBenaya mŋanakomana waJehoyada ndiye wairaira ʋaKereti naʋaPereti;

²⁴Adorami ndiye wairaira cibaro, naJehoshafati mŋanakomana waAhirudi waiʋa sahwira;

²⁵Sheva waiʋa munyori; naZadoki naAbiatari ʋaiʋa ʋaprista;

²⁶Ira muJairi waiʋa muprista ʋo waDavidi.