Read Original Shona Union Bible 1949 Baiberi Magwaro Matȿene aMŋari II Samueri 3 Bible Online

II Samueri 3 - Original Shona Union Bible 1949 Baiberi Magwaro Matȿene aMŋari bible

II Samueri 3

¹Ɀino kwakaŋga kunokurwa ŋguʋa huru pakati peimba yaSauro neimba yaDavidi; Davidi akaramba aciwedzerwa simba, asi imba yaSauro yakaramba icitorerwa simba.

²Davidi akaɓerekerwa ʋanakomana paHebroni; ɗaŋgwe rake raiʋa Amoni, mŋanakomana waAhinoami muJezreeri;

³wecipiri waiʋa Kireabi, mŋanakomana waAbigairi, waiʋa mukadzi waNabari muKarmeri; wecitatu waiʋa Absaromi, mŋanakomana waMaaka, mukunda waTarmai, mambo weGeshuri;

⁴wecinna waiʋa Adonia, mŋanakomana waHagiti; wecishanu waiʋa Shefatia, mŋanakomana waAbitari;

⁵wecitanhatu waiʋa Itreami, mŋanakomana waEgra mukadzi waDavidi. Ndiʋo ʋakaɓerekerwa Davidi paHebroni.

⁶Ɀino kurwa kwakati kuri’po pakati peimba yaSauro neimba yaDavidi, Abineri akaɀisimbisa paimba yaSauro.

⁷Ɀino Sauro wakaŋga anomuroŋgo, wainzi Rizpa, mukunda waAya; Ishi‐bosheti akati kunaAbineri: Wapindireiko kumuroŋgo waɓaɓa ʋaŋgu?

⁸Ipapo Abineri akatsamŋa kwaɀo namashoko aIshi‐bosheti, akati: Ndiri musoro wembga yokwaJuda here? Ikonhasi ndinoitira imba yaSauro, ɓaɓa ʋako, naʋanuŋuna ʋake, nehama dzake, ɀakanaka, newe handina‐kukuisa paruʋoko rwaDavidi; kunyaŋge ɀakaɗaro, unondipomera mhaka nhasi pamsoro pomukadzi uyu.

⁹Mŋari ŋgaaroʋe Abineri, arambe aciɗaro, kana ndisiŋgaitiri Davidi seɀakapika Jehova kwaari;

¹⁰aciti ucatamisa ʋushe paimba yaSauro, amutse cigaro coʋushe caDavidi pakati paIsraeri naJuda, kubva paDani kuȿikira paBeeri‐sheba.

¹¹Akasagona kupindura Abineri kunyaŋge neshoko rimŋe, nokuti wakaŋga acimutya.

¹²Ɀino Abineri akatuma nhume kunaDavidi kwaakaŋga ari, akati: Nyika iyi ndeyaniko? Akati: Ita suŋgano neni, ruʋoko rwaŋgu ruʋe newe, ndiʋuyise ʋaIsraeri ʋose kwauri.

¹³Akati: Ɀakanaka, ndicaita suŋgano newe, asi ndinokuʋudza cinhu cimŋe, kuti hauŋgaʋoni ciso caŋgu, kana usiŋgaʋuyi naMikari, mukunda waSauro, kana uciʋuya kuzoʋona ciso caŋgu.

¹⁴Davidi akatuma nhume kunaIshi‐bosheti, mŋanakomana waSauro, akati: Ndipe Mikari mukadzi waŋgu, wandakanyeŋga neɀikanda ɀapamberi ɀaʋaFiristia ɀinezana.

¹⁵Ipapo Ishi‐bosheti akatuma nhume kundomutora kumurume wake Partieri, mŋanakomana waRaishi.

¹⁶Murume wake akamuteʋera aciŋgocema, kuȿikira paBahurimi. Ipapo Abineri akati kwaari: Enda, udzoke; iye akadzoka hake.

¹⁷Abineri akaraŋgana naʋakuru ʋaIsraeri, akati: Kare makaŋga mucitȿaka Davidi kuti aʋe mambo wenyu.

¹⁸Naiɀoɀo ɀino ciitai henyu kuɗaro, nokuti Jehova wakataura pamsoro paDavidi, akati: Noruʋoko rwomuranda waŋgu Davidi ndicaponesa ʋanhu ʋaŋgu ʋaIsraeri pamaʋoko aʋaFiristia, napamaʋoko aʋaʋeŋgi ʋaʋo ʋose.

¹⁹Abineri akataura ʋo naʋaBenjamini, Abineri akaenda akataura ʋo naDavidi, ɀose ɀakaŋga ɀicifadza Israeri neimba yose yaBenjamini.

²⁰Naiɀoɀo Abineri akaȿika kunaDavidi paHebroni, anaʋarume ʋanamakumi maʋiri. Davidi akaitira Abineri naʋanhu ʋakaŋga ʋanaye mutambo.

²¹Abineri akati kunaDavidi: Ndicasimuka, ndikaenda kundoʋuŋganidzira ishe waŋgu mambo ʋaIsraeri ʋose, kuti ʋaite suŋgano nemi, muɓate ʋushe pose pamunoɗa napo nomŋoyo wenyu. Davidi akaendisa Abineri, akaenda norugare.

²²Ɀino ʋaranda ʋaDavidi naJoabi ʋakadzoka pakundopambara, ʋakaʋuya neɀakapambga ɀizhinji; asi Abineri wakaŋga asi’po kunaDavidi paHebroni, nokuti wakaŋga amuendisa, akaenda hake norugare.

²³Ɀino Joabi nehondo yose yakaŋga inaye ʋakati ʋaȿika, Joabi akaʋudzwa, ɀicinzi: Abineri, mŋanakomana waNeri, wakaȿika kunamambo, akaendiswa hake norugare.

²⁴Ipapo Joabi akaenda kunamambo, akati: Maiteiko? Tarirai, Abineri wakaŋga aȿika kwamuri, mamuregereiko acienda, ɀino waenda cose?

²⁵Munoziʋa Abineri mŋanakomana waNeri, kuti wakaŋga aʋuya kuzokunyeŋgerai, aziʋe kuɓuɗa kwenyu nokupinda kwenyu, nokuziʋa ɀose ɀamunoita.

²⁶Joabi akati aɓuɗa kunaDavidi, akatuma nhume dziteʋere Abineri, idzo dzikamudzora patsime reSira; asi Davidi wakaŋga asiŋgaɀiziʋi.

²⁷Ɀino Abineri wakati adzoswa Hebroni, Joabi akaenda naye ʋari ʋoga pakati pesuʋo, kuti ataurirane naye ʋari ʋoga, akamuɓaya’po nomuɗumbu, akafa, nokuɗa kweropa romunuŋuna wake Asaheri.

²⁸Pashure Davidi wakati aciɀinzwa, akati: Ini noʋushe bgaŋgu hatinemhoȿa pamberi paJehova nokusiŋgaperi pamsoro peropa raAbineri mŋanakomana waNeri;

²⁹ŋgaɀiʋe pamusoro waJoabi napamsoro peimba yose yaɓaɓa ʋake; imba yaJoabi igare inaʋanhu ʋanehosha yokuyerera, kana ʋanamaperembudzi, kana ʋanoɗonɀa nomuɗonɀo, kana ʋanoʋurawa nomunondo, kana ʋanoshaiwa ɀokudya.

³⁰Naiɀoɀo Joabi naAbishai munuŋuna wake ʋakaʋuraya Abineri, nokuti wakaŋga aʋuraya munuŋuna waʋo Asaheri pakurwa paGibeoni.

³¹Ɀino Davidi akati kunaJoabi, nokunaʋanhu ʋose ʋakaŋga ʋanaʋo: Bvarurai ŋguʋo dzenyu, musimire magumbu paɀiʋuno ɀenyu, muceme pamberi paAbineri. Mambo Davidi akateʋera bganyanza.

³²Ʋakaʋiga Abineri paHebroni, mambo akacema kwaɀo pabgiro bgaAbineri; naʋanhu ʋose ʋakacema.

³³Mambo akacema Abineri, akati: Abineri waifanira kufa nomufire weɓenzi here?

³⁴Maʋoko ako akaŋga asino‐kusuŋgwa, namakumbo ako akaŋga asino‐kupinzwa mumatare; Iwe wakafa sokufa kwomunhu pamberi paʋana ʋeɀakaipa. Ʋanhu ʋose ʋakamucema ɀe.

³⁵Ɀino ʋanhu ʋose ʋakaʋuya kuzokurudzira Davidi kudya ɀokudya aciri masikati; asi Davidi wakapika, akati: Mŋari ŋgaandiroʋe, arambe aciɗaro, kana ndikaraʋira ciŋgwa kana cimŋe cinhu zuʋa ricigere kuʋira.

³⁶Ʋanhu ʋose ʋakaɀiʋona, ʋakafara naɀo, nokuti ɀose ɀineŋge ɀakaŋga ɀiciitwa namambo ɀakafadza ʋanhu ʋose.

³⁷Naiɀoɀo ʋanhu ʋose naʋaIsraeri ʋose ʋakaziʋa kuti wakaŋga asi mambo wakaraira kuti Abineri mŋanakomana waNeri aʋurawe.

³⁸Ɀino mambo akati kuʋaranda ʋake: Hamuziʋi here kuti nhasi mucinda nomunhu mukuru wafa pakati paIsraeri?

³⁹Ini nhasi handinesimba, kunyaŋge ndiri mambo wakazodzwa; ʋarume aʋa ʋanakomana ʋaZeruya ʋanondikurira; Jehova ŋgaatsiʋe muiti weɀakaipa ɀakafanira kuipa kwake.