Read Original Shona Union Bible 1949 Baiberi Magwaro Matȿene aMŋari II Samueri 6 Bible Online

II Samueri 6 - Original Shona Union Bible 1949 Baiberi Magwaro Matȿene aMŋari bible

II Samueri 6

¹Ɀino Davidi wakaʋuŋganidza ɀe ʋarume ʋose ʋakaŋga ʋakatsaurwa ʋaʋaIsraeri, ʋakaŋga ʋaneɀuru ɀinamakumi matatu.

²Davidi akasimuka, akaenda naʋanhu ʋose ʋaakaŋga anaʋo, ʋacibva Baari‐juda, kuti ʋatore’po areka yaMŋari, panoɗanwa Zita, iro Zita raJehova wehondo, ugere pamsoro pamakerubi.

³Ʋakaisa areka yaMŋari pamsoro peŋgoro itȿa, ʋakaibvisa paimba yaAbinadabi, yakaŋga iri pacikomo, Uza naAhiyo, ʋanakomana ʋaAbinadabi, ʋakafambisa ŋgoro itȿa.

⁴Ʋakaibvisa paimba yaAbinadabi, yakaŋga iri pacikomo, ineareka yaMŋari; Ahiyo akatuŋgamirira areka.

⁵Davidi neimba yose yaIsraeri ʋakaridza pamberi paJehova ɀinoridzwa ɀamarudzi ose, ɀomusipresi, nembira, nemiteŋgeranwa, neŋgoma, namatare, anoridzwa, namakandira.

⁶Ɀino ʋakati ʋaciȿika paɓuriro raNakoni, Uza ndokutambanudzira ruʋoko rwake kuareka yaMŋari, akaiɓata, nokuti nzombe dzakaŋga dzogumburwa.

⁷Kutsamŋa kwaJehova kukamukira Uza, Mŋari akamuʋuraya ipapo nemhaka yokutadza kwake, iye akafira’po paareka yaMŋari.

⁸Davidi akaʋora mŋoyo nokuti Jehova wakaŋga aroʋa Uza, akatumidza nɀimbo iyo Perezi‐uza kuȿikira zuʋa ranhasi.

⁹Davidi akatya Jehova zuʋa iro, akati: Ɀino areka yaJehova icaȿika seiko kwandiri?

¹⁰Naiɀoɀo Davidi akaramba kuisa areka yaJehova kwaari muguta raDavidi; asi Davidi wakaitsausira kumba kwaObedi‐edomi muGiti.

¹¹Areka yaJehova ikagara mumba maObedi‐edomi muGiti mŋedzi mitatu; Jehova akaropafadza Obedi‐edomi neimba yake yose.

¹²Ɀino ʋakaʋudza mambo Davidi, ʋaciti: Jehova wakaropafadza imba yaObedi‐edomi neɀose ɀake nokuɗa kweareka yaMŋari. Ipapo Davidi akaenda akatora areka yaMŋari kumba kwaObedi‐edomi, akakwira nayo kuguta raDavidi nomufaro.

¹³Ɀino ŋguʋa dzose kana iʋo, ʋakaŋga ʋakatakura areka ʋaciŋge ʋafamba nhambge nhanhatu, akaɓaya ŋombe nemhuru yakakora.

¹⁴Davidi akatamba pamberi paJehova nesimba rake rose; Davidi akaŋga akafuka efodi yomuceka.

¹⁵Naiɀoɀo Davidi neimba yose yaIsraeri ʋakakwira neareka yaJehova ʋacipururudza nokuridza hwamanda.

¹⁶Ɀino areka yaJehova yakati iciȿika muguta raDavidi, Mikari mukunda waSauro akatarira napawindi, akaʋona mambo Davidi acipembera nokutamba pamberi paJehova, akamushoʋora mumŋoyo make.

¹⁷Ʋakapinda neareka yaJehova, ʋakaiisa panɀimbo yayo pakati petente rayakaŋga yadzikirwa naDavidi; Davidi akaɓayira ɀipiriso ɀinopiswa neɀipiriso ɀokuyananisa pamberi paJehova.

¹⁸Ɀino Davidi wakati apedza kuɓayira ɀipiriso ɀinopiswa neɀipiriso ɀokuyananisa, akaropafadza ʋanhu nezita raJehova wehondo.

¹⁹Akagoʋera ʋanhu ʋose, iʋo ʋaIsraeri ʋazhinji ʋose, ʋarume naʋakadzi, mumŋe nomumŋe ɓundu reciŋgwa, nenhindi yenyama, nesumbu ramazambiriŋga akawomeswa. Ɀino ʋanhu ʋose ʋakabva, mumŋe nomumŋe akaenda kumba kwake.

²⁰Davidi akadzoka kuzoropafadza imba yake. Mikari mukunda waSauro akaɓuɗa kuzosoŋgana naDavidi, akati: Haiwa, mambo waIsraeri waɀikudza sei nhasi, ɀaakaɀifukura pamberi paʋarandakadzi ʋaʋaranda ʋake, sokuɀifukura kweɓenzi risiŋganyari!

²¹Davidi akati kunaMikari: Ndakaɀiita pamberi paJehova, wakanditsaura pamsoro paɓaɓa ʋako, napamsoro peimba yake yose, kuti andiite muɓati waʋanhu ʋaJehova, iʋo ʋaIsraeri; naiɀoɀo ndicatamba haŋgu pamberi paJehova.

²²Ndicaɀiɗukupisa kupfuʋura iɀoɀo, ndicaɀininipisa pacaŋgu; asi kana ʋari ʋarandakadzi ʋawareʋa, ndicakudzwa naʋo.

²³Mikari mukunda waSauro, wakaŋga asinaʋana kuȿikira zuʋa rokufa kwake.