Read Original Shona Union Bible 1949 Baiberi Magwaro Matȿene aMŋari II Samueri 7 Bible Online

II Samueri 7 - Original Shona Union Bible 1949 Baiberi Magwaro Matȿene aMŋari bible

II Samueri 7

¹Ɀino mambo wakati agere mumba make, Jehova amuzorodza paʋaʋeŋgi ʋake ʋose ʋakaŋga ʋakamupoteredza,

²mambo akati kumuprofita Natani: Ɀino tarira, ini ndigere muimba yomusidari, asi areka yaMŋari igere pakati pemiceka.

³Natani akati kunamambo: Endai, muite henyu ɀose ɀiri mumŋoyo menyu, nokuti Jehova unemi.

⁴Ɀino noʋusiku ubgo shoko raJehova rakaȿika kunaNatani, riciti:

⁵Enda undoʋudza muranda waŋgu Davidi, uti: Ɀanzi naJehova: Iwe ucandiʋakira imba mandiŋgagara here?

⁶Nokuti handina‐kugara mumba kubva pazuʋa randakandotora ʋana ʋaIsraeri Egipita kuȿikira zuʋa ranhasi, asi ndaifamba mutente nomutabernakeri.

⁷Pose pandakafamba naʋana ʋaIsraeri ʋose, ndakatoŋgotaura here shoko rimŋe kunomumŋe waʋatoŋgi ʋaIsraeri, ʋandakaraira kufudza ʋanhu ʋaŋgu ʋaIsraeri, ndiciti: Makaregereiko kundiʋakira imba yomusidari?

⁸Naiɀoɀo ɀino, unofanira kuti kumuranda waŋgu Davidi: Ɀanzi naJehova wehondo: Ndakakutora kumafuro, kwawakaŋga ucifudza makwai, kuti uʋe muɓati waʋanhu ʋaŋgu ʋaIsraeri;

⁹ndikaʋa newe pose pawakafamba, ndikaparadza ʋaʋeŋgi ʋako ʋose pamberi pako; ndicakuitira zita guru, riŋgafanana namazita aʋakuru ʋari panyika.

¹⁰Ndicatarira ʋanhu ʋaŋgu ʋaIsraeri nɀimbo, ndicaʋasima, ʋagare panɀimbo yaʋo, ʋarege kubviswa ɀe; naʋakaipa haʋaŋgaʋatambudzi ɀe sapakutaŋga,

¹¹nokubva pazuʋa randakaraira ʋatoŋgi kuti ʋaɓate ʋanhu ʋaŋgu ʋaIsraeri. Asi iwe ndicakuzorodza paʋaʋeŋgi ʋako ʋose. Ʋuye ɀe Jehova unokuʋudza kuti Jehova ucakumisira imba.

¹²Kana ŋguʋa yako yaȿika, iwe ukaʋata namadziɓaɓa ako, ndicamutsa mumŋe worudzi rwako ucakuteʋera, ucaɓuɗa muʋura mako, ndikasimbisa ʋushe bgake.

¹³Iye ucaʋakira zita raŋgu imba, neni ndicasimbisa cigaro cake coʋushe nokusiŋgaperi.

¹⁴Ini ndicaʋa ɓaɓa ʋake, naiye ucaʋa mŋanakomana waŋgu; kana akazoita ɀakaipa, ndicamuraŋga neshamhu yaʋanhu, ʋuye nokurobga kwaʋana ʋaʋanhu;

¹⁵asi nyasha dzaŋgu hadziŋgabvi kwaari, seɀandakadzibvisa kunaSauro, wandakabvisa pamberi pako.

¹⁶Imba yako noʋushe bgako ɀicasimbiswa pamberi pako nokusiŋgaperi; necigaro cako coʋushe cicasimbiswa nokusiŋgaperi.

¹⁷Natani akaʋudza Davidi mashoko awa ose, neɀose ɀaakaŋga aratidzwa.

¹⁸Ipapo mambo Davidi akapinda, akagara pamberi paJehova, akati: Jehova Mŋari, ndini aniko, neimba yaŋgu cinyiko, ɀamakandiȿitsa kuȿikira pano?

¹⁹Asi cinhu ici cakaŋga cici ciɗuku pamberi penyu, Jehova Mŋari, asi makataura ʋo pamsoro peimba yomuranda wenyu kuȿikira paŋguʋa huru inozoʋuya; asi iyi ndiyo tsika yaʋanhu, Jehova Mŋari!

²⁰Ko Davidi uŋgareʋei ɀe kwamuri? Nokuti munoziʋa henyu muranda wenyu, Jehova Mŋari.

²¹Nokuɗa kweshoko renyu, ʋuye seɀamakafuŋga mumŋoyo menyu, makaita ɀinhu iɀi ɀikuru ɀose, kuɀiziʋisa muranda wenyu.

²²Naiɀoɀo muri mukuru, Jehova Mŋari, nokuti hakunomumŋe wakafanana nemi, hakunomumŋe Mŋari kunze kwenyu, seɀatakanzwa ɀose nenzeʋe dzeɗu.

²³Rumŋe rudzi ruripiko panyika rwakafanana naʋanhu ʋenyu ʋaIsraeri, ʋakandodzikinurwa naMŋari, ʋaʋe ʋanhu ʋake, kuti iye akurumbire, ʋuye akuitirei imi ɀinhu ɀikuru, nenyika yenyu ɀinhu ɀinotyisa, pamberi paʋanhu ʋenyu, ʋamakaɀidzikinurira paEgipita, ʋabve pakati paʋahedeni naʋamŋari ʋaʋo?

²⁴Mukaɀisimbisira ʋanhu ʋenyu ʋaIsraeri, kuti ʋaʋe ʋanhu ʋenyu nokusiŋgaperi; imi Jehova mukaʋa Mŋari waʋo.

²⁵Ɀino Jehova Mŋari, shoko ramakataura pamsoro pomuranda wenyu napamsoro peimba yake, murisimbisei henyu nokusiŋgaperi, muite seɀamakataura.

²⁶Zita renyu ŋgarikudzwe nokusiŋgaperi, ɀicinzi: Jehova wehondo ndiMŋari waIsraeri; imba yomuranda wenyu Davidi icasimbiswa pamberi penyu.

²⁷Nokuti imi Jehova wehondo, Mŋari waIsraeri, makaziʋisa muranda wenyu, muciti: Ndicakuʋakira imba; naiɀoɀo muranda wenyu wakatsuŋga kunyeŋgetera munyeŋgetero uyu kwamuri.

²⁸Ɀino Jehova Mŋari, ndimi Mŋari, ʋuye mashoko enyu ndeeɀokwaɗi, makapikira muranda wenyu cinhu ici cakanaka;

²⁹naiɀoɀo ɀino ciropafadzai henyu imba yomuranda wenyu, kuti irambe iri’po pamberi penyu nokusiŋgaperi, nokuti imi Jehova Mŋari makataura saiɀoɀo; imba yomuranda wenyu ŋgairopafadzwe nokuropafadza kwenyu nokusiŋgaperi.