Read Original Shona Union Bible 1949 Baiberi Magwaro Matȿene aMŋari II Samueri 9 Bible Online

II Samueri 9 - Original Shona Union Bible 1949 Baiberi Magwaro Matȿene aMŋari bible

II Samueri 9

¹Ɀino Davidi wakati: Kucinomumŋe wakasara weimba yaSauro, wandiŋgaitira ɀakanaka nokuɗa kwaJonatani here?

²Ɀino kwakaŋga kucinomuranda weimba yaSauro wainzi Ziba, ʋakamuɗanira kunaDavidi; mambo akati kwaari: Ndiwe Ziba here? Iye akati: Muranda wenyu ndiye.

³Mambo akati kwaari: Hakucinomumŋe weimba yaSauro, wandiŋgaitira kunaka kwaMŋari here? Ziba akati kunamambo: Jonatani ucinomŋanakomana wakaremara tsoka.

⁴Mambo akati kwaari: Uripi? Ziba akati kunamambo: Tarirai, uri kumba kwaMakiri mŋanakomana waAmieri paRo‐debari.

⁵Ipapo mambo Davidi akatuma nhume kundomutora kumba kwaMakiri mŋanakomana waAmieri paRo‐debari.

⁶Naiɀoɀo Mefibosheti mŋanakomana waJonatani, mŋanakomana waSauro, akaȿika kunaDavidi, akawira pasi neciso cake, akamufugamira. Davidi akati: Mefibosheti! Iye akapindura, akati: Tarirai muranda wenyu.

⁷Davidi akati kwaari: Usatya, nokuti ɀirokwaɀo ndicakuitira ɀakanaka nokuɗa kwaJonatani ɓaɓa ʋako, ʋuye ndicakudzosera nyika yose yaɓaɓa ʋako Sauro; iwe ucagara ucidya ɀokudya patafura yaŋgu.

⁸Iye akamufugamira, akati: Muranda wenyu cinyiko, ɀamakatarira imbga yakafa seni?

⁹Ipapo mambo akaɗana Ziba muranda waSauro, akati kwaari: Ɀose ɀakaŋga ɀiri ɀaSauro neimba yake yose, ndakaɀipa mŋanakomana watenzi wako.

¹⁰Iwe unofanira kumurimira minda, iwe naʋanakomana ʋako, naʋaranda ʋako, nokukohwa micero, kuti mŋanakomana watenzi wako aʋe neɀokudya ɀaaŋgadya; asi Mefibosheti mŋanakomana watenzi wako, ucagara acidya ɀokudya patafura yaŋgu. Ɀino Ziba waiʋa naʋanakomana ʋanegumi naʋashanu naʋaranda ʋanamakumi maʋiri.

¹¹Ipapo Ziba akati kunamambo: Muranda wenyu ucaita ɀose ɀinorairwa muranda wenyu nashe waŋgu mambo. Mambo akati: Kana ari Mefibosheti, iye ucaramba acidya patafura yaŋgu, somumŋe waʋanakomana ʋamambo.

¹²Ɀino Mefibosheti waiʋa nomŋanakomana muɗuku, wainzi Mika. Ʋuye ʋose ʋakaŋga ʋagere mumba maZiba ʋaiʋa ʋaranda ʋaMefibosheti.

¹³Naiɀoɀo Mefibosheti wakagara Jerusarema, nokuti waigara acidya patafura yamambo; wakaŋga akaremara tsoka dzake dzose.