Read Original Shona Union Bible 1949 Baiberi Magwaro Matȿene aMŋari I Madzimambo 1 Bible Online

I Madzimambo 1 - Original Shona Union Bible 1949 Baiberi Magwaro Matȿene aMŋari bible

I Madzimambo 1

¹Ɀino mambo Davidi wakaŋga akwegura, aʋa namakore mazhinji; ʋakamufukidza namacira, asi haana‐kudziyirwa.

²Naiɀoɀo ʋaranda ʋake ʋakati kwaari: Ishe waŋgu mambo ŋgaatȿakirwe mhandara, iye amire pamberi pamambo, aʋaceŋgete, aʋate pacifuʋa cenyu, kuti ishe waŋgu mambo ʋadziyirwe.

³Ipapo ʋakatȿaka musikana wakanaka panyika yose yaIsraeri, ʋakawana Abishagi muShunami, ʋakamuisa kunamambo.

⁴Uyu musikana wakaŋga akanaka kwaɀo, akaceŋgeta mambo, akamushandira, asi mambo haana‐kupinda kwaari.

⁵Ɀino Adonia mŋanakomana waHagiti wakaɀikudza, akati: Ini ndicaʋa mambo; akaɀigadzirira ŋgoro naʋataȿi ʋamabiza, naʋarume ʋanamakumi mashanu kuzomhanya pamberi pake.

⁶Asi ɓaɓa ʋake ʋakaŋga ʋasina‐kutoŋgomuraira paʋupenyu bgake bgose, ʋaciti: Unoitireiko kuɗaro? Wakaŋga ari murume wakanaka kwaɀo pamuʋiri wake; wakaŋga aciteʋera Absaromi pakuɀarwa kwake.

⁷Akaraŋgana naJoabi, mŋanakomana waZeruya, naAbiatari muprista, iʋo ʋakateʋera Adonia, ʋakamuɓatsira.

⁸Asi Zadoki muprista, naBenaya mŋanakomana waJehoyada, naNatani muprofita, naShimei, naRei, nemhare dzakaŋga dzinaDavidi, haʋana‐kuteʋera Adonia.

⁹Adonia akaɓaya makwai nenzombe, nemhuru dzakakora, pabge reZohereti, raiʋa paEni‐rogeri, akaɗana hama dzake dzose iʋo ʋanakomana ʋamambo, naʋarume ʋose ʋaJuda, ʋaranda ʋamambo;

¹⁰asi haana‐kuɗana Natani muprofita, naBenaya, nemhare, naSoromoni munuŋuna wake.

¹¹Ipapo Natani akataura naBati‐sheba mai ʋaSoromoni, akati: Hauna‐kunzwa here kuti Adonia mŋanakomana waHagiti, woɓata ʋushe, asi Davidi ishe weɗu haaɀiziʋi?

¹²Naiɀoɀo ɀino ʋuya ndikupe zano, kuti urwire ʋupenyu bgako, noʋupenyu bgomŋanakomana wako Soromoni.

¹³Enda upinde kunamambo Davidi, uti kwaari: Ishe waŋgu mambo, hamunakupikira murandakadzi wenyu here, mukati: Ɀirokwaɀo, Soromoni mŋanakomana wako, ndiye ucanditeʋera paʋushe, iye ucagara pacigaro caŋgu coʋushe? Ɀino Adonia unoɓatireiko ʋushe?

¹⁴Ɀino tarira, iwe uciri pakutaura namambo, ini ndicapinda ʋo shure kwako, ndicisimbisa mashoko ako.

¹⁵Bati‐sheba akapinda kunamambo mumba; ɀino mambo wakaŋga akwegura kwaɀo, Abishagi muShunemi waishandira mambo.

¹⁶Ipapo Bati‐sheba akakotama, akanamata kunamambo. Mambo akati: Unoreʋeiko?

¹⁷Iye akati kwaari: Ishe waŋgu, imi makapikira murandakadzi wenyu naJehova Mŋari wenyu, mukati: Ɀirokwaɀo, Soromoni mŋanakomana wako ndiye ucanditeʋera paʋushe, ndiye ucagara pacigaro caŋgu coʋushe.

¹⁸Asi ɀino tarirai, Adonia woɓata ʋushe; asi imi ishe waŋgu mambo, hamuɀiziʋi.

¹⁹Iye waɓaya nzombe, nemhuru dzakakora, namakwai mazhinji, akaɗana ʋanakomana ʋose ʋamambo, naAbiatari muprista, naJoabi mukuru wehondo, asi haana‐kuɗana Soromoni muranda wenyu.

²⁰Ɀino ishe waŋgu mambo, meso aʋaIsraeri ʋose anotarira kwamuri, kuti muʋaʋudze kuti ndianiko unofanira kukuteʋerai pakugara pacigaro coʋushe cashe waŋgu mambo.

²¹Kana musiŋgaɗaro, kana ishe waŋgu mambo aʋata namadziɓaɓa ake, ini nomŋanakomana waŋgu Soromoni ticaidzwa ʋatadzi.

²²Ɀino wakati acataura namambo, Natani muprofita akapinda ʋo.

²³Ʋakaʋudza mambo, ʋakati: Natani muprofita waȿika. Iye wakati apinda pamberi pamambo, akakotamira pasi neciso cake pamberi pamambo.

²⁴Ɀino Natani akati: Ishe waŋgu, mambo, makareʋa here kuti Adonia ucakuteʋerai pakuɓata ʋushe, ucagara pacigaro cenyu coʋushe here?

²⁵Nokuti waɓuruka nhasi, akaɓaya nzombe nemhuru dzakakora, namakwai mazhinji, akaɗana ʋanakomana ʋose ʋamambo, naʋakuru ʋehondo, naAbiatari muprista; tarirai, ʋodya nokunwa pamberi pake, ʋaciti: Mambo Adonia ŋgaararame!

²⁶Asi ini muranda wenyu, naZadoki muprista, naBenaya mŋanakomana waJehoyada, nomuranda wenyu Soromoni, haana‐kutiɗana.

²⁷Cinhu ici cinoitwa nashe waŋgu mambo here, mukasaziʋisa ʋaranda ʋenyu kuti ndianiko unofanira kukuteʋerai pakugara pacigaro coʋushe cashe waŋgu mambo?

²⁸Ipapo mambo Davidi akapindura, akati: Ndiɗanirei Bati‐sheba. Iye akapinda kunamambo, akamira pamberi pamambo.

²⁹Ɀino mambo akapika, akati: NaJehova mupenyu, iye wakadzikinura ʋupenyu bgaŋgu panjodzi dzose,

³⁰ɀirokwaɀo, seɀandakakupikira naJehova Mŋari waIsraeri, ndiciti: Ɀirokwaɀo, Soromoni mŋanakomana wako ucanditeʋera paʋushe, ucagara pacigaro caŋgu coʋushe panɀimbo yaŋgu; ɀirokwaɀo ndicaɀiita nhasi.

³¹Ipapo Bati‐sheba akakotamira pasi neciso cake, akafugamira mambo, akati: Ishe waŋgu mambo Davidi ŋgaararame nokusiŋgaperi.

³²Mambo Davidi akati: Ndiɗanirei Zadoki muprista, naNatani muprofita, naBenaya mŋanakomana waJehoyada. Iʋo ʋakapinda kunamambo.

³³Mambo akati kwaʋari: Endai naʋaranda ʋashe wenyu, mutaȿise Soromoni mŋanakomana waŋgu pahesera raŋgu, mumuɓurusire Gihoni;

³⁴Zadoki muprista naNatani muprofita ʋamuzodze ipapo, aʋe mambo waIsraeri; muridze hwamanda, muciti: Mambo Soromoni ŋgaararame.

³⁵Ɀino mukwire mucimuteʋera, iye aʋuye kuzogara pacigaro coʋushe, nokuti ucaʋa mambo panɀimbo yaŋgu; ini ndakaraira kuti aʋe mucinda waIsraeri nowaJuda.

³⁶Ipapo Benaya mŋanakomana waJehoyada, akapindura mambo, akati: Ameni! Jehova, Mŋari washe waŋgu mambo, unoɗaro ʋo.

³⁷Jehova seɀaaiʋa nashe waŋgu mambo, saiɀoɀo ʋo ŋgaaʋe naSoromoni, akurise cigaro cake coʋushe, cipfuʋure cigaro coʋushe cashe waŋgu mambo Davidi.

³⁸Ipapo Zadoki muprista, naNatani muprofita, naBenaya mŋanakomana waJehoyada, naʋaKereti naʋaPereti ʋakaɓuruka, ʋakataȿisa Soromoni pahesera ramambo Davidi, ʋakamuisa Gihoni.

³⁹Ɀino Zadoki muprista akatora gonaŋombe ramafuta paTente akazodza Soromoni. Ʋakaridza hwamanda, ʋanhu ʋose ʋakati: Mambo Soromoni ŋgaararame!

⁴⁰Ɀino ʋanhu ʋose ʋakakwira, ʋakamuteʋera; ʋanhu ʋakaridza nyere, ʋakafara nomufaro mukuru; naiɀoɀo nyika ikawuŋga nenzwi radzo.

⁴¹Ɀino Adonia naʋose ʋakaŋga ʋakokwa naye, ʋakaɀinzwa, ʋapedza kudya. Ipapo Joabi wakati acinzwa inzwi rehwamanda, akati: Mhere‐mhere iyi inoitirweiko muguta, ɀaranyoŋganiswa?

⁴²Wakati acataura, Jonatani mŋanakomana waAbiatari muprista, akaȿika; Adonia akati kwaari: Pinda, nokuti uri munhu wakatendeka, unoʋuya namashoko akanaka.

⁴³Ipapo Jonatani akapindura, akati kunaAdonia: Ɀirokwaɀo ishe weɗu mambo Davidi wakagadza Soromoni paʋushe.

⁴⁴Ʋuye mambo wakatuma Zadoki muprista, naNatani muprofita, naBenaya mŋanakomana waJehoyada, naʋaKereti naʋaPereti, ʋakamutaȿisa pahesera ramambo;

⁴⁵ʋuye Zadoki muprista, naNatani muprofita ʋakamuzodza paGihoni kuti aʋe mambo; ʋakabva ipapo, ʋakakwira nomufaro, naiɀoɀo guta rinowuŋga. Ndiyo mhere‐mhere yamanzwa.

⁴⁶Ɀino Soromoni wogara pacigaro coʋushe.

⁴⁷Ʋuye ʋo, ʋaranda ʋamambo ʋakaenda kuzokudza ishe weɗu mambo Davidi, ʋaciti: Mŋari ŋgaakurise zita raSoromoni, ripfuʋure zita renyu, akurise cigaro cake, cipfuʋure cigaro cenyu coʋushe; mambo akakotama panhoʋo dzake.

⁴⁸Ʋuye ɀe mambo wakataura akati: Jehova Mŋari waIsraeri ŋgaakudzwe, wakagadza mumŋe nhasi kuti agare pacigaro caŋgu coʋushe, meso aŋgu aciɀiʋona.

⁴⁹Ɀino ʋose ʋakaŋga ʋakakokwa naAdonia ʋakatya, ʋakasimuka, mumŋe nomumŋe akaenda hake.

⁵⁰Adonia akatya nokuɗa kwaSoromoni, akasimuka, akandoɓata nyaŋga dzeartari.

⁵¹Ɀino Soromoni akaʋudzwa, ɀicinzi: Tarirai, Adonia unotya mambo Soromoni, nokuti wandoɓata nyaŋga dzeartari, akati: Mambo Soromoni ŋgaandipikire nhasi, kuti haaŋgaʋurayi muranda wake nomunondo.

⁵²Ipapo Soromoni akati: Kana akazoʋa munhu kwaye, ruvudzi rwake kunyaŋge rumŋe haruŋgawiri pasi; asi kana ɀakaipa ɀikawanikwa maari, ucafa.

⁵³Naiɀoɀo mambo Soromoni akatuma ʋanhu, ʋakandomubvisa paartari. Akaʋuya, akanamata kunamambo Soromoni. Soromoni akati kwaari: Enda kumba kwako.