Read Original Shona Union Bible 1949 Baiberi Magwaro Matȿene aMŋari I Madzimambo 10 Bible Online

I Madzimambo 10 - Original Shona Union Bible 1949 Baiberi Magwaro Matȿene aMŋari bible

I Madzimambo 10

¹Ɀino mambokadzi weSheba, wakati anzwa mbiri yaSoromoni pamsoro pezita raJehova, akaʋuya kuzomuidza nemibvunzo mikukutu.

²Akaȿika Jerusarema naʋanhu ʋazhinji namakamera aitakura ɀinonhuwira, nendarama zhinji‐zhinji, neɀibge ɀinokosha; ɀino wakati aȿika kunaSoromoni, akataurirana naye pamsoro peɀose ɀaiʋa mumŋoyo make.

³Soromoni akapindura mibvunzo yake yose; hakunecinhu cakaŋga cakaʋanzirwa mambo, caakaŋga asiŋgagoni kumuʋudza.

⁴Ɀino mambokadzi weSheba wakati aʋona kuŋgwara kwose kwaSoromoni, neimba yaakaŋga aʋaka,

⁵neɀokudya ɀaiʋa patafura yake, nokugara kwaʋaranda ʋake, nokushumira kwaʋaɓatiri ʋake, neŋguʋo dzaʋo, naʋaɗiri ʋake, necikwiriso cake caaikwira naco kuimba yaJehova, akapera mŋeya.

⁶Akati kunamambo: Guhu randakanzwa munyika yaŋgu ramashoko enyu nokuŋgwara kwenyu rakaŋga riri raɀokwaɗi.

⁷Asi handina‐kutenda mashoko iwayo, kuȿikira ndaʋuya, ndikaʋona nameso aŋgu; asi tarirai, handina‐kuʋudzwa kunyaŋge hafu yaɀo; kuŋgwara kwenyu neɀakanaka ɀenyu ɀinokunda ɀose ɀandakanzwa.

⁸Ʋarume ʋenyu ʋanomufarwa, naʋaranda ʋenyu aʋa ʋanomufarwa, ʋanomira pamberi penyu ŋguʋa dzose ʋacinzwa kuŋgwara kwenyu.

⁹Jehova Mŋari wenyu ŋgaakudzwe, wakafadzwa nemi, akakugadzai pacigaro coʋushe caIsraeri; Jehova wakaɗa Israeri nokusiŋgaperi, saka wakakuitai mambo kuti mutoŋge nokururamisa.

¹⁰Akapa mambo matarenta anezana namakumi maʋiri endarama,[11] neɀinonhuwira ɀizhinji kwaɀo, neɀibge ɀinokosha; ɀinonhuwira ɀakawanda ɀakaɗai, ɀakapiwa mambo Soromoni namambokadzi weSheba, haɀina‐kuzoʋuyiswa ɀe.

¹¹Ɀikepe ɀaHirami, ɀaibva Ofiri nendarama, ɀaiʋuya ʋo nemiti yemiarmugi neɀibge ɀinokosha ɀaibva Ofiri.

¹²Mambo akaita namatanda iwayo emiarmugi mbiru dzeimba yaJehova, nedzeimba yamambo, ʋuye mbira, nemiteŋgeranwa ɀaʋaimbi; miti yemiarmugi yakaɗai haina‐kumboʋuyiswa kana kuʋonekwa kuȿikira nhasi.

¹³Mambo Soromoni akapa mambokadzi weSheba ɀose ɀaaiɗa neɀaakakumbira; ɀimŋe ɀaakapiwa naSoromoni ɀefuma yake ɀisiŋgaʋereŋgwi. Naiɀoɀo akadzoka, akaenda kunyika yake, iye naʋaranda ʋake.

¹⁴Ɀino ndarama yakaʋuyiswa kunaSoromoni gore rimŋe nerimŋe yakaȿika matarenta anamazana matanhatu namakumi matanhatu namatanhatu[12] pakurema kwayo;

¹⁵ʋasiŋgaʋereŋgi iyo yaiʋuya naʋashambadziri, neyaiʋuya nokuteŋga kwaʋateŋgesi, neyaibva kumadzimambo ose endudzi dzakaveŋgana, nokuʋaɓati ʋenyika.

¹⁶Mambo akaita nhoʋo huru dzinamazana maʋiri nendarama yakapambadzirwa; nhoʋo imŋe neimŋe yakaŋga yakaitwa namashekeri anamazana matatu endarama;[13]

¹⁷akaita ʋo nhoʋo ɗuku dzinamazana matatu dzendarama yakapambadzirwa; ndarama, yakaȿika mapaundi matatu pakurema, yaiiswa panhoʋo imŋe neimŋe; mambo akaɀiisa muimba yeɗondo reRebanoni.

¹⁸Mambo akaita ʋo cigaro cikuru coʋushe cenyaŋga dzenzou, akacifukidza nendarama yakaiȿo‐naka.

¹⁹Cigaro ico coʋushe caiʋa neɀikwiriso ɀitanhatu, ʋuye musoro wecigaro wakaŋga wakatenderedzwa shure kwaco; kwaiʋa neɀitsigiro kunhiʋi mbiri dzecigaro, ʋuye shumba mbiri dzakaŋga dzimire kunhiʋi dzecitsigiro.

²⁰Kwaiʋa neshumba gumi nembiri dzakaŋga dzimire paɀikwiriso ɀitanhatu, mbiri‐mbiri kunhiʋi dzecimŋe necimŋe; hakuna‐kumboitwa cakaɗai kunobgumŋe ʋushe.

²¹Mikombe yose yokunwira nayo yamambo Soromoni yaiʋa yendarama, ʋuye midziyo yose yeimba yeɗondo reRebanoni yaiʋa yendarama yakaiȿo‐naka; kwakaŋga kusinecinhu cimŋe cesirveri; iyo yainzi hainomurimo pamazuʋa aSoromoni.

²²Nokuti mambo waiʋa neɀikepe ɀeTarshishi paguŋgwa pamŋe cete neɀikepe ɀaHirami; ɀikepe ɀeTarshishi ɀaiʋuya kamŋe pamakore matatu ɀinendarama, nesirveri, nenyaŋga dzenzou, netsoko, namatendera.

²³Naiɀoɀo mambo Soromoni wakakunda madzimambo ose enyika pakufuma nokucenjera.

²⁴Ʋanhu ʋenyika dzose ʋaiʋuya kushanyira Soromoni, kuzonzwa kuŋgwara kwake, kwakaŋga kwaiswa naJehova mumŋoyo make.

²⁵Mumŋe nomumŋe waiʋuya necipo cake cemidziyo yesirveri, nemidziyo yendarama, neŋguʋo, nenhumbi dzokurwa nadzo, neɀinonhuwira, namabiza, namahesera, gore rimŋe nerimŋe.

²⁶Soromoni akaʋuŋganidza ŋgoro naʋataȿi ʋamabiza; wakaŋga aneŋgoro dzinecuru cimŋe namazana manna, naʋataȿi ʋamabiza ʋaneɀuru ɀinegumi neɀiʋiri, ʋaakaisa kumaguta eŋgoro, nokunamambo paJerusarema.

²⁷Mambo akaʋuŋganidza sirveri paJerusarema, ikawanda ikaita samabge, nemisidari ikaita semiʋonde yaiʋa pamapani.

²⁸Mabiza aSoromoni aaiʋa nawo aibva Egipita; ʋateŋgesi ʋamambo ʋaindoatora’ko, ʋaciita mapoka‐mapoka, ɓoka rimŋe nerimŋe rinomuteŋgo waro.

²⁹Ŋgoro imŋe neimŋe, yaibva Egipita, yaiteŋgwa namashekeri esirveri anamazana matanhatu,[14] ʋuye biza rimŋe nerimŋe namashekeri anezana namakumi mashanu;[15] saiɀoɀo ʋo madzimambo ose aʋaHiti, namadzimambo aʋaSiria, aiʋigirwa iɀoɀo naʋo.