Read Original Shona Union Bible 1949 Baiberi Magwaro Matȿene aMŋari I Madzimambo 11 Bible Online

I Madzimambo 11 - Original Shona Union Bible 1949 Baiberi Magwaro Matȿene aMŋari bible

I Madzimambo 11

¹Ɀino mambo Soromoni wakaŋga aciɗa ʋakadzi ʋazhinji ʋatorwa pamŋe cete nomukunda waFarao, ʋakadzi ʋaʋaMoabi, naʋaAmoni, naʋaEdomi, naʋaZidoni, naʋaHiti;

²ʋaiʋa ʋendudzi dzakaŋga dzanzi naJehova kuʋana ʋaIsraeri: Musaenda pakati paʋo, naiʋo ŋgaʋarege kupinda pakati penyu; nokuti ɀirokwaɀo, ʋacatsausa mŋoyo yenyu mukazoteʋera ʋamŋari ʋaʋo; ɀino Soromoni wakanamatira iʋaʋo aciʋaɗa.

³Wakaŋga anaʋakadzi ʋanamazana manomŋe, ʋakunda ʋamadzimambo, naʋaroŋgo ʋanamazana matatu; ʋakadzi ʋake ʋakatsausa mŋoyo wake.

⁴Nokuti Soromoni wakati akwegura, ʋakadzi ʋake ʋakatsausa mŋoyo wake kuti ateʋere ʋamŋe ʋamŋari; mŋoyo wake hauna‐kuzoʋa wakarurama kwaɀo kunaJehova Mŋari wake, seɀakaŋga ɀakaita mŋoyo waDavidi ɓaɓa ʋake.

⁵Nokuti Soromoni wakateʋera Ashtoreti, mŋarikadzi waʋaZidoni, naMirkomi mŋari unonyaŋgadza waʋana ʋaAmoni.

⁶Naiɀoɀo Soromoni wakaita ɀakaipa pamberi paJehova, haana‐kuteʋera Jehova kwaɀo, seɀakaita Davidi ɓaɓa ʋake.

⁷Ɀino Soromoni akaʋakira Kemoshi, mŋari unonyaŋgadza waMoabi, ɗunhu rakakwirira pagomo riri pamberi peJerusarema; naMoreki, mŋari unonyaŋgadza waʋana ʋaAmoni.

⁸Saiɀoɀo akaitira ʋo ʋakadzi ʋake ʋose ʋatorwa, ʋaipisira ʋamŋari ʋaʋo ɀinonhuwira nokuʋaɓayira.

⁹Ɀino Jehova akatsamŋira Soromoni, nokuti mŋoyo wake wakatsauka kunaJehova Mŋari waIsraeri, iye wakaŋga aɀiratidza kaʋiri kwaari,

¹⁰akamuraira pamsoro pecinhu ici, kuti arege kuteʋera ʋamŋe ʋamŋari; asi haana‐kuita iɀo ɀaakaŋga arairwa naMŋari.

¹¹Naiɀoɀo Jehova akati kunaSoromoni: Ɀawaita iɀoɀi, ukasaceŋgeta suŋgano yaŋgu nemitemo yaŋgu, yandakakuraira, ɀirokwaɀo ndicabvarura ʋushe bgako, ndibgubvise kwauri, ndibgupe muranda wako.

¹²Kunyaŋge ɀakaɗaro handiŋgaɀiiti pamazuʋa ako nokuɗa kwaDavidi ɓaɓa ʋako; asi ndicabgubvarura, ndikabgubvisa paruʋoko rwomŋanakomana wako.

¹³Kunyaŋge ɀakaɗaro handiŋgabgubvaruri ndikabgubvisa bgose, asi ndicapa mŋanakomana wako rudzi rumŋe nokuɗa kwaDavidi muranda waŋgu, ʋuye nokuɗa kweJerusarema, iro guta randakatsaura.

¹⁴Ɀino Jehova akamutsira Soromoni Hadadi muEdomi, kuti arwe naye; iye wakaŋga ari worudzi rwamambo paEdomi.

¹⁵Nokuti paŋguʋa iya Davidi ari paEdomi, Joabi mukuru wehondo wakati akwira kundoʋiga ʋakaŋga ʋaʋurawa, apedza kuʋuraya ʋarume ʋose paEdomi;

¹⁶(nokuti Joabi naʋaIsraeri ʋose ʋakagara’po mŋedzi mitanhatu, kuȿikira aparadza ʋarume ʋose paEdomi;)

¹⁷Hadadi akatiza, akaenda Egipita, iye naʋamŋe ʋaEdomi pakati paʋaranda ʋaɓaɓa ʋake, iye Hadadi aciri mŋana muɗuku.

¹⁸Iʋo ʋakasimuka, ʋakabva Midiani, ʋakaȿika Parani; ʋakatora ʋamŋe ʋarume ʋeParani, ʋakaenda Egipita kunaFarao mambo weEgipita; iye akamupa imba, akaraira kuti apiwe ɀokudya, akamupa ʋo nyika pokugara.

¹⁹Hadadi akazofarirwa kwaɀo naFarao; naiɀoɀo akamupa muramu wake, munuŋuna waʋahosi ʋake Tapenesi, aʋe mukadzi wake.

²⁰Munuŋuna waTapenesi akamuɓerekera mŋanakomana wake Genubati, wakarumurwa naTapenesi mumba maFarao; Genubati akagara mumba maFarao, pakati paʋanakomana ʋaFarao.

²¹Ɀino Hadadi wakati acinzwa paEgipita, kuti Davidi waʋata namadziɓaɓa ake, ʋuye kuti Joabi mukuru wehondo wafa, Hadadi akati kunaFarao: Regai ndiende haŋgu kunyika yaŋgu.

²²Farao akati kwaari: Washaiweiko kwandiri, ɀowoɗakudzokera kunyika yako? Akapindura, akati: Handina‐kushaiwa cinhu; kunyaŋge ɀakaɗaro ndiregei henyu ndiende.

²³Ɀino Jehova akamumutsira ɀe mumŋe kuzorwa naye, Rezoni mŋanakomana waEriada, wakaŋga atiza kunashe wake Hadadezeri mambo weZoba;

²⁴akaʋuŋganidzira ʋanhu kwaari, akaʋa mukuru wehondo paŋguʋa Davidi yaakaʋuraya ʋeZoba; ʋakaenda Damasko, ʋakagara’po, ʋakaɓata ʋushe paDamasko.

²⁵Iye akarwa naIsraeri mazuʋa ose aSoromoni, ɀimŋe ɀakashata ɀakaitwa naHadadi ɀisiŋgarebgi; iye akaʋeŋga ʋaIsraeri, akaɓata ʋushe paSiria.

²⁶Jeroboami ʋo, mŋanakomana waNebati, muEfraimi weZereda, muranda waSoromoni, zita ramai ʋake rainzi Zerua, yaiʋa cirikadzi, wakamukira ʋo mambo.

²⁷Iye wakamukira mambo nemhaka yokuti Soromoni wakaŋga aʋaka Miro, akagadzira pakaŋga pakaputsika paguta raDavidi ɓaɓa ʋake.

²⁸Ɀino murume uyu Jeroboami wakaŋga ari murume wesimba noʋumhare, Soromoni akaʋona kuti jaya iro raiɓata kwaɀo, akamuita mutariri wamaɓasa ose eimba yaJosefa.

²⁹Ɀino paŋguʋa iyo Jeroboami wakati aciɓuɗa Jerusarema, muprofita Ahija muShiro akasoŋgana naye panzira; ɀino Ahija wakaŋga akafuka ŋguʋo itȿa; iʋo ʋakaŋga ʋari ʋaʋiri ʋoga kusaŋgo.

³⁰Ahija akaɓata ŋguʋo itȿa yaakafuka, akaibvaruranya akaita mapande anegumi namaʋiri.

³¹Akati kunaJeroboami: Ciɀitorera mapande anegumi, nokuti ɀanzi naJehova, Mŋari waIsraeri: Tarira, ndinobvarura ʋushe, ndibgubvise kunaSoromoni, ndikupe marudzi anegumi.

³²(Asi iye ucaʋa norudzi rumŋe nokuɗa kwaDavidi muranda waŋgu, ʋuye nokuɗa kweJerusarema, guta randakatsaura kumarudzi ose aIsraeri;)

³³nokuti ʋakandirasha, ʋakanamata kunaAshtoreti mŋarikadzi waʋaZidoni, naKemoshi mŋari waʋaMoabi, naMirkomi mŋari waʋana ʋaAmoni; haʋana kufamba panzira dzaŋgu, nokuita ɀakarurama pamberi paŋgu, nokuceŋgeta mitemo yaŋgu neɀandakatoŋga, seɀakaita Davidi ɓaɓa ʋake.

³⁴Kunyaŋge ɀakaɗaro handiŋgabvisi ʋushe bgose paruʋoko rwake, asi ndicamuita mucinda mazuʋa ose oʋupenyu bgake nokuɗa kwaDavidi muranda waŋgu, wandakatsaura; nokuti wakaceŋgeta mirairo yaŋgu neɀandakatema.

³⁵Asi ndicabvisa ʋumambo kumŋanakomana wake, ndibgupe iwe, iwo marudzi anegumi.

³⁶Asi mŋanakomana wake ndicamupa rudzi rumŋe, kuti Davidi muranda waŋgu aʋe nomŋenje ŋguʋa dzose pamberi paŋgu paJerusarema, iro guta randakaɀitsaurira, ndiise zita raŋgu’po.

³⁷Ndicakutora iwe, ugoɓata ʋushe seɀinoɗa mŋoyo wako, ugoʋa mambo waIsraeri.

³⁸Kana ukaterera ɀose ɀandinokuraira, ukafamba munzira dzaŋgu, ukaita ɀakarurama pamberi paŋgu, ukaceŋgeta ɀandatema nemirairo yaŋgu, seɀakaita Davidi muranda waŋgu, ini ndicaʋa newe, ndicakuʋakira imba yakasimba, seɀandakaʋakira Davidi, ndigokupa Israeri.

³⁹Nokuti nemhaka iyi ndicatambudza ʋana ʋaDavidi, asi handiŋgaɀiiti nokusiŋgaperi.

⁴⁰Naiɀoɀo Soromoni akatȿaka kuʋuraya Jeroboami; asi Jeroboami wakasimuka, akatizira Egipita kunaShishaki mambo weEgipita, akagara’po paEgipita kuȿikira pakufa kwaSoromoni.

⁴¹Ɀino mamŋe mashoko aSoromoni, neɀose ɀaakaita, nokuŋgwara kwake, haɀina‐kunyorwa here pabuku yamaɓasa aSoromoni?

⁴²Ɀino ŋguʋa yakaɓata Soromoni ʋaIsraeri ʋose paJerusarema aiʋa makore makumi manna.

⁴³Ipapo Soromoni akaʋata namadziɓaɓa ake, akaʋigwa muguta raDavidi ɓaɓa ʋake, Rehoboami mŋanakomana wake akazomuteʋera pakuɓata ʋushe.