Read Original Shona Union Bible 1949 Baiberi Magwaro Matȿene aMŋari I Madzimambo 12 Bible Online

I Madzimambo 12 - Original Shona Union Bible 1949 Baiberi Magwaro Matȿene aMŋari bible

I Madzimambo 12

¹Ɀino Rehoboami wakaenda Shekemi, nokuti ʋaIsraeri ʋose ʋakaŋga ʋaʋuŋgana paShekemi kuzomuita mambo.

²Ɀino Jeroboami mŋanakomana waNebati, wakati aciɀinzwa, (nokuti wakaŋga aciri Egipita kwaakaŋga atizira nokuɗa kwaSoromoni, Jeroboami akagara Egipita,

³ʋakatuma nhume kundomuɗana;) Jeroboami neʋuŋgano yose yaʋaIsraeri ʋakaȿika ʋakataura naRehoboami, ʋakati:

⁴Ƃaɓa ʋenyu ʋakatitakudza joko rinogozha; naiɀoɀo ɀino imi cirerusai ɓasa raɓaɓa ʋenyu rakaŋga ricigozha; nejoko raʋo rinorema raʋakaisa pamsoro peɗu, tigokushumirai.

⁵Iye akati kwaʋari: Cimboendai henyu, mugare mazuʋa matatu, mugodzokera kwandiri. Ʋanhu ʋakaenda.

⁶Ipapo mambo Rehoboami akaraŋgana naʋakuru, ʋaimira pamberi paSoromoni ɓaɓa ʋake, ʋaciri ʋapenyu, akati: Muŋgandipa zano reiko, randiŋgapindura ʋanhu aʋa naro?

⁷Iʋo ʋakataura kwaari, ʋakati: Kana mukatenda kuʋa muranda waʋanhu aʋa nhasi, mukaʋashumira, mukaʋapindura nokutaura mashoko akanaka kwaʋari, ipapo ʋacaʋa ʋaranda ʋenyu nokusiŋgaperi.

⁸Asi iye wakaramba zano raʋakuru, raʋakaŋga ʋamupa, akaraŋgana namajaya ezero rake, aimira pamberi pake.

⁹Akati kwaʋari: Imi muŋgandipa zano reiko, ratiŋgapindura naro ʋanhu aʋa ʋakataura neni, ʋaciti: Rerusai joko rakaiswa pamsoro peɗu naɓaɓa ʋenyu?

¹⁰Ɀino majaya ezero rake akataura kwaari, aciti: Iti kuʋanhu aʋa ʋakataura newe, ʋaciti: Ƃaɓa ʋenyu ʋakatitakudza joko rinogozha, asi imi citirerusirai iro, utaure kwaʋari, uti: Munwe waŋgu muɗuku mukobvu kupfuʋura ciʋuno caɓaɓa ʋaŋgu.

¹¹Ɀino, ɓaɓa ʋaŋgu ɀaʋakakutakudzai joko rinorema, ini ndicawedzera pajoko renyu; ɓaɓa ʋaŋgu ʋaikuroʋai neshamhu; asi ini ndicakuroʋai neɀinyaʋaɗa.

¹²Naiɀoɀo Jeroboami naʋanhu ʋose ʋakaȿika kunaRehoboami nomusi wetatu, seɀaʋakaŋga ʋarairwa namambo, aciti: Dzokerai kwandiri ɀe nomusi wetatu.

¹³Mambo akapindura ʋanhu nehasha, akarasha zano raʋakuru, raʋakaŋga ʋamupa;

¹⁴akataura kwaʋari seɀaakaŋga apiwa zano namajaya, akati: Ƃaɓa ʋaŋgu ʋakakutakudzai joko rinorema, asi ini ndicawedzera pajoko renyu; ɓaɓa ʋaŋgu ʋaikuroʋai neshamhu, asi ini ndicakuroʋai neɀinyaʋaɗa.

¹⁵Naiɀoɀo mambo haana‐kuterera ʋanhu; nokuti cinhu ico cakaŋga cabva kunaJehova, kuti Jehova asimbise shoko rake, raakataura naAhija muShiro kunaJeroboami mŋanakomana waNebati.

¹⁶Ɀino ʋaIsraeri ʋose ʋakati ʋaciʋona kuti mambo haana‐kuʋaterera, ʋanhu ʋakapindura mambo ʋakati: Tinomugoʋe weiko kunaDavidi? Ʋuye hatinenhaka kumŋanakomana waJese; endai kumatente enyu, ʋaIsraeri; iwe Davidi, citarira hako imba yako; naiɀoɀo ʋaIsraeri ʋakaenda kumatente aʋo.

¹⁷Asi kana ʋari ʋana ʋaIsraeri, ʋakaŋga ʋagere mumaguta aJuda, Rehoboami wakaŋga ari mambo waʋo.

¹⁸Ɀino mambo Rehoboami akatuma Adorami mutariri waʋanhu ʋecibaro, ʋaIsraeri ʋose ʋakamutaka namabge, akafa. Ipapo mambo Rehoboami akakurumidza kukwira ŋgoro yake, akatizira Jerusarema.

¹⁹Saiɀoɀo ʋaIsraeri ʋakamukira imba yaDavidi kuȿikira zuʋa ranhasi.

²⁰Ɀino ʋaIsraeri ʋose ʋakati ʋacinzwa kuti Jeroboami wadzoka, ʋakatuma nhume kuzomuɗanira kuʋuŋgano, ʋakamuita mambo waʋaIsraeri ʋose; hakuna‐wakateʋera imba yaDavidi, asi rudzi rwaJuda ɓedzi.

²¹Ɀino Rehoboami wakati aciȿika Jerusarema, akaʋuŋganidza ʋose ʋeimba yaJuda, noʋorudzi rwaBenjamini, ʋarume ʋakatsaurwa ʋaiʋa neɀuru ɀinezana namakumi masere, ʋaigona kurwa, kuzorwa neimba yaIsraeri, kuti ʋadzosere ʋushe ɀe kunaRehoboami mŋanakomana waSoromoni.

²²Asi shoko raMŋari rakaȿika kunaShemaya munhu waMŋari, riciti:

²³Taura naRehoboami mŋanakomana waSoromoni, mambo waʋaJuda, nokuimba yose yaJuda neyaBenjamini, nokunaʋamŋe ʋanhu, uti:

²⁴Ɀanzi naJehova: Hamufaniri kukwira kundorwa nehama dzenyu iʋo ʋana ʋaIsraeri; mumŋe nomumŋe ŋgaadzokere kumba kwake, nokuti cinhu ici cinobva kwandiri. Naiɀoɀo ʋakaterera shoko raJehova, ʋakadzoka, ʋakaenda haʋo, seɀaʋakaʋudzwa naJehova.

²⁵Ipapo Jeroboami wakaʋaka Shekemi panyika yamakomo yaEfraimi, akagara’mo; akabva’po, akandoʋaka Penueri.

²⁶Jeroboami akati mumŋoyo make: Ɀino ʋushe bgucadzokera ɀe kuimba yaDavidi.

²⁷Kana ʋanhu aʋa ʋakakwira kundoɓayira ɀiɓayiro ɀaʋo mumba maJehova paJerusarema, ipapo mŋoyo yaʋanhu aʋa icadzokera kunashe waʋo, iye Rehoboami mambo waJuda; ʋacandiʋuraya, ʋakadzokera kunaRehoboami mambo waJuda.

²⁸Naiɀoɀo mambo akaraŋgana naʋakuru, akaʋumba mhuru mbiri dzendarama, akati kwaʋari: Kukwira Jerusarema kwaʋa kure; tarirai, ʋaIsraeri, ʋamŋari ʋenyu ʋakakuɓuɗisai panyika yeEgipita.

²⁹Akagadza imŋe paBeteri, imŋe akaiisa paDani.

³⁰Cinhu ici cikaʋa ciʋi, nokuti ʋanhu ʋakandonamata kwadziri idzo mbiri, kuȿikira paDani.

³¹Akaʋaka ʋo dzimba pamatunhu akakwirira, akatora ʋamŋe pakati paʋanhu akaʋaita ʋaprista, ʋasati ʋari ʋaʋana ʋaRevi.

³²Ɀino Jeroboami akaraira mutambo pamŋedzi worusere, nezuʋa regumi namashanu romŋedzi, wakaŋga wakafanana nomutambo waiʋa kuʋaJuda; akaɓayira paartari; akaita ʋo saiɀoɀo paBeteri, akaɓayira mhuru dzaakaʋumba; akagadza ʋo paBeteri ʋaprista ʋamatunhu akakwirira aakaita.

³³Akandoɓayira paartari yaakaʋaka paBeteri nezuʋa regumi namashanu romŋedzi worusere, iwo mŋedzi waakafuŋga hake mumŋoyo make; akaraira ʋana ʋaIsraeri mutambo, akandoɓayira paartari, akapisa ɀinonhuwira.