Read Original Shona Union Bible 1949 Baiberi Magwaro Matȿene aMŋari I Madzimambo 13 Bible Online

I Madzimambo 13 - Original Shona Union Bible 1949 Baiberi Magwaro Matȿene aMŋari bible

I Madzimambo 13

¹Ɀino tarira, mumŋe munhu waMŋari wakaŋga arairwa neshoko raJehova, wakabva kwaJuda, akaȿika Beteri; Jeroboami wakaŋga amire paartari acipisa ɀinonhuwira.

²Iye akaɗanidzira kuartari, neshoko raJehova, akati: Iwe artari, artari, ɀanzi naJehova: Tarirai, imba yaDavidi icaponerwa mŋanakomana, ucanzi Josia; iye ucaɓaya pamsoro pako ʋaprista ʋamatunhu akakwirira, ʋanopisira ɀinonhuwira pamsoro pako, ʋuye ʋacapisa mafupa aʋanhu pamsoro pako.

³Akaʋapa ciratidzo nezuʋa iro, akati: Ndico ciratidzo cakataurwa naJehova: Tarirai, artari icapamuka, namaɗota ari pamsoro payo acarashirwa pasi.

⁴Ɀino mambo wakati acinzwa shoko romunhu waMŋari, raakaɗanidzira kuartari paBeteri, Jeroboami akasimudza ruʋoko rwake paartari, akatendeka narwo, akati: Muɓatei! Ipapo ruʋoko rwake rwaakaŋga amutendeka narwo rwakawoma, akasagona kurudzosa ɀe.

⁵Artari ʋo yakapamuka, namaɗota akarashirwa pasi paartari, ciratidzo cakaŋga capiwa nomunhu waMŋari cikaitika, ico cakaŋga carairwa naJehova.

⁶Ipapo mambo akapindura, akati kumunhu waMŋari: Kumbira hako kunaJehova Mŋari wako andinzwire nyasha, undinyeŋgeterere, kuti ndiporeserwe ɀe ruʋoko rwaŋgu. Munhu waMŋari akanyeŋgetera kunaJehova, mambo akaporeserwa ɀe ruʋoko rwake, rukaita sakare.

⁷Ipapo mambo akati kumunhu waMŋari: Enda neni kumba kwaŋgu, uɀisimbise’po, ini ndikupe ʋo muɓairo.

⁸Asi munhu waMŋari wakati kunamambo: Kunyaŋge mukandiganhurira imba yenyu napakati, handiŋgapindi kwamuri, kunyaŋge kudya ɀokudya, kana kunwa pano;

⁹nokuti Jehova wakandiraira neshoko rake, akati: Usadya ɀokudya, kana kunwa mvura, kana kudzoka nenzira yawaenda nayo.

¹⁰Naiɀoɀo akadzoka neimŋe nzira, haana‐kudzoka nenzira yaakaŋga aenda nayo Beteri.

¹¹Ɀino paBeteri pakaŋga pagere muprofita mutana; mŋanakomana wake akandomuʋudza maɓasa ose akaitwa nomunhu waMŋari paBeteri pazuʋa iro; namashoko aakataura kunamambo, naiwo ʋakaʋudza ʋo ɓaɓa ʋaʋo.

¹²Ipapo ɓaɓa ʋaʋo ʋakati kwaʋari: Waenda nenzira ipiko? Ɀino ʋana ʋake ʋakaŋga ʋaʋona nzira yaendwa nayo nomunhu waMŋari wokwaJuda.

¹³Akati kuʋanakomana ʋake: Ndisuŋgirei cigaro pamboŋgoro; iʋo ʋakamusuŋgirira cigaro pamboŋgoro, akaitasa.

¹⁴Akateʋera munhu waMŋari, akamuwana agere pasi pomuti womuouki, ndokuti kwaari: Ndiwe munhu waMŋari wakabva kwaJuda here? Akati: Ndini.

¹⁵Ipapo akati kwaari: Hendei kumba kwaŋgu, undodya ɀokudya.

¹⁶Iye akati: Handiŋgagoni kudzoka nemi, kana kupinda kwamuri, handiŋgadyi ɀokudya, kana kunwa mvura nemi pano;

¹⁷nokuti ndakarairwa neshoko raJehova, akati: Usadya ɀokudya, kana kunwa mvura’po, kana kudzoka nenzira yawaenda nayo.

¹⁸Ipapo akati kwaari: Neni ʋo ndiri muprofita sewe; ɀino mutumŋa wakandiʋudza shoko raJehova, akati: Dzoka naye kumba kwako, adye ɀokudya nokunwa mvura. Akareʋa nhema kwaari.

¹⁹Naiɀoɀo akadzoka naye, akandodya ɀokudya mumba make nokunwa mvura.

²⁰Ɀino ʋakati ʋagere patafura, shoko raJehova rikaȿika kumuprofita wakamudzosa,

²¹akaɗanidzira kumunhu waMŋari, wakaŋga abva kwaJuda, akati: Ɀanzi naJehova: Ɀausina‐kuterera muromo waJehova, ukasaceŋgeta murairo wawakarairwa naJehova Mŋari wako,

²²ukadzoka, ukadya ɀokudya, ukanwa mvura ipapo paakati kwauri: Usadya ɀokudya nokunwa mvura, naiɀoɀo citunha cako haciŋgaȿiki mubgiro bgamadziɓaɓa ako.

²³Ɀino wakati adya ɀokudya, nokunwa, akamusuŋgirira cigaro pamboŋgoro, iye muprofita waakadzosa.

²⁴Ɀino wakati aenda, shumba ikasoŋgana naye munzira, ikamuʋuraya, citunha cake cikakandirwa munzira, mboŋgoro ikamira naco, ʋuye shumba ʋo ikamira pacitunha.

²⁵Ɀino ʋonei, ʋanhu ʋakapfuʋura napo, ʋakaʋona citunha cakakandirwa munzira, ʋuye shumba imire pacitunha; ʋakaenda, ʋakandoɀiʋudza ʋanhu muguta, makaŋga mugere muprofita mutana.

²⁶Ɀino muprofita, wakamudzosa panzira, wakati aciɀinzwa, akati: Ndiye munhu waMŋari usina‐kuterera muromo waJehova; naiɀoɀo Jehova wakamukweʋerera pashumba, ikamubvambura, ikamuʋuraya, seɀakarebga neshoko raJehova raakataura kwaari.

²⁷Akati kuʋanakomana ʋake: Ndisuŋgirirei cigaro pamboŋgoro, ʋakaisuŋgira cigaro.

²⁸Akaenda, akandowana citunha cake cakakandirwa munzira, ʋuye mboŋgoro neshumba ɀimire pacitunha; shumba yakaŋga isina‐kudya citunha kana kubvambura mboŋgoro.

²⁹Ipapo muprofita akasimudza citunha comunhu waMŋari, akaciisa pamsoro pemboŋgoro, akadzoka naco; akaȿika kuguta romuprofita mutana, akamucema nokumuʋiga.

³⁰Akaisa citunha cake mubgiro bgake; ʋakamucema, aciti: Haiwa, munuŋuna waŋgu!

³¹Ɀino wakati amuʋiga, akataura naʋanakomana ʋake, akati: Kana ndafa, mundiʋige mubgiro makaʋigwa munhu waMŋari; muise mafupa aŋgu kurutiʋi rwamafupa ake;

³²nokuti iɀo ɀaakataura, paakaɗanidzira acirairwa naJehova, kuartari paBeteri, nokudzimba dzose dzamatunhu akakwirira, ari pamaguta eSamaria, ɀicaitika ɀirokwaɀo.

³³Pashure pecinhu ici Jeroboami haana‐kutendeʋuka panzira yake yakaipa, asi wakatsaura ɀe ʋamŋe pakati paʋanhu ʋose, akaʋaita ʋaprista pamatunhu akakwirira; aninani waaiɗa, waimugadza, akaʋaita ʋaprista pamatunhu akakwirira.

³⁴Cinhu ici cikaʋa ciʋi paimba yaJeroboami, kuti iparadzwe nokupedzwa panyika.