Read Original Shona Union Bible 1949 Baiberi Magwaro Matȿene aMŋari I Madzimambo 14 Bible Online

I Madzimambo 14 - Original Shona Union Bible 1949 Baiberi Magwaro Matȿene aMŋari bible

I Madzimambo 14

¹Ɀino neŋguʋa iyo Abija mŋanakomana waJeroboami akarwara.

²Jeroboami akati kumukadzi wake: Simuka hako, ushandure ŋguʋo dzako, kuti urege kuzikanwa kuti ndiwe mukadzi waJeroboami, ugoenda Shiro; tarira, muprofita Ahija uri’po, iye wakaɗeya kutaura pamsoro paŋgu, kuti ndizoʋa mambo waʋanhu aʋa.

³Uende neɀiŋgwa ɀinegumi, neɀiŋgwa ɀiɗuku, necitende coʋuci, uɀiise kwaari; iye ucakuʋudza ɀicaitirwa mŋana.

⁴Mukadzi waJeroboami akaita saiɀoɀo, akasimuka, akaenda Shiro, akaȿika paimba yaAhija. Ɀino Ahija wakaŋga asiŋgagoni kuʋona, nokuti meso ake akaŋga oʋonera madzerere nemhaka yokukwegura kwake.

⁵Ɀino Jehova akati kunaAhija: Tarira, mukadzi waJeroboami unoʋuya kuzokubvunza pamsoro pomŋanakomana wake, nokuti unorwara; unofanira kutaura ɀokuti neɀokuti kwaari, nokuti kana acipinda, ucaɀiita somumŋe mukadzi.

⁶Ɀino Ahija wakati acinzwa kufamba kwetsoka dzake, acipinda pamukoʋa, akati: Cipinda hako, iwe mukadzi waJeroboami, unoɀiitireiko somumŋe? Nokuti ndatumŋa kwauri namashoko anorwadza mŋoyo.

⁷Enda, uʋudze Jeroboami, uti: Ɀanzi naJehova Mŋari waIsraeri: Ndakakukudza pakati paʋanhu, ndikakuita mutuŋgamiriri waʋanhu ʋaŋgu ʋaIsraeri,

⁸ndikabvarura ʋushe, ndikabgubvisa paimba yaDavidi, ndikabgupa iwe; asi iwe hauna‐kuʋa saDavidi muranda waŋgu, waiceŋgeta mirairo yaŋgu, akanditeʋera nomŋoyo wake wose, aciita ɀakanaka ɀoga pameso aŋgu;

⁹asi iwe wakaita ɀakaipa kupfuʋura ʋose ʋakakutaŋgira, ukandoɀiitira ʋamŋe ʋamŋari nemifananidzo yakaʋumbga, kuti unditsamŋise; ukandirashira shure kwomusana wako.

¹⁰Naiɀoɀo, tarira, ndicaitira imba yaJeroboami ɀakaipa; ndicaparadza kunaJeroboami ʋana ʋakomana ʋose, ʋaɗuku naʋakuru kuʋaIsraeri, nditȿaire cose imba yaJeroboami, somunhu unotȿaira marara kuȿikira abva ose.

¹¹Aninani weimba yaJeroboami unofira paguta ucadyiwa nembga; unofira kusaŋgo ucadyiwa neshiri dzokuɗeŋga; nokuti Jehova wakataura saiɀoɀo.

¹²Naiɀoɀo iwe, simuka uende kumba kwako; kana tsoka dzako dzicipinda paguta, mŋana ucafa.

¹³ƲaIsraeri ʋose ʋacamucema, ʋakamuʋiga; nokuti ndiye woga waJeroboami ucaȿika pabgiro, nokuti maari makawanikwa cinhu cakanaka cakafadza Jehova Mŋari waIsraeri, paimba yaJeroboami.

¹⁴Jehova ucaɀimutsira ʋo mambo kuʋaIsraeri, ucaparadza imba yaJeroboami nomusi uyo. Nomusi uyo here? Ɀotoitwa ɀino.

¹⁵Nokuti Jehova ucaroʋa Israeri, sorutsaŋga runozunuŋguswa mumvura; ucadzura Israeri panyika ino yakanaka, yaakapa madziɓaɓa aʋo, nokuʋaparadzira mhiri kwoRwizi; nokuti ʋakaɀiitira matanda okunamata nawo ʋakatsamŋisa Jehova.

¹⁶Ucaisa Israeri kuʋaʋeŋgi nokuɗa kweɀiʋi ɀaJeroboami, ɀaakaita iye, neɀaakatadzisa Israeri ʋo naɀo.

¹⁷Ɀino mukadzi waJeroboami akasimuka, akaenda, akaȿika Tirza; wakati aciȿika pacikumbaridzo ceimba, mŋana akafa.

¹⁸ƲaIsraeri ʋose ʋakamuʋiga, ʋakamucema, seɀakaŋga ɀarebga naJehova nomuromo womuranda wake muprofita Ahija.

¹⁹Ɀino mamŋe maɓasa aJeroboami, kurwa kwake, nokuɓata kwake ʋushe, tarirai ɀakanyorwa pabuku yamakoronike amadzimambo aIsraeri.

²⁰Mazuʋa okuɓata ʋushe kwaJeroboami akaŋga ari makore makumi maʋiri namaʋiri; akaʋata namadziɓaɓa ake, Nadabi mŋanakomana wake, akamuteʋera paʋushe.

²¹Ɀino Rehoboami mŋanakomana waSoromoni, wakaɓata ʋushe bgaJuda. Rehoboami wakaŋga anamakore makumi manna nerimŋe pakutaŋga kwake kuɓata ʋushe, akaɓata ʋushe makore anegumi namanomŋe paJerusarema, iro guta rakaŋga ratsaurwa naJehova pakati pamarudzi ose aIsraeri, kuti aise zita rake’po. Zita ramai ʋake rakaŋga riri Naama muAmoni.

²²ƲaJuda ʋakaita ɀakaipa pamberi paJehova, ʋakamutsa shuŋgu dzake neɀiʋi ɀaʋo ɀaʋakaŋga ʋaciita, ʋakapfuʋura ɀose ɀakaitwa namadziɓaɓa aʋo.

²³Nokuti naiʋo ʋakaɀiʋakira matunhu akakwirira, neshoŋgwe, namatanda okunamata nawo paɀikomo ɀose ɀakakwirira, napasi pemiti yose mitema.

²⁴Ʋasodomi ʋakaŋga ʋari’po ʋo panyika; iʋo ʋakaita nemitoʋo yokunyaŋgadza kwose kwendudzi dzakaŋga dzadziŋgwa naJehova pamberi paʋana ʋaIsraeri.

²⁵Ɀino pagore recishanu ramambo Rehoboami, Shishaki mambo weEgipita akakwira kuzorwa naJerusarema;

²⁶akatora fuma yeimba yaJehova, nefuma yeimba yamambo; akaɀitora ɀose, akatora ʋo nhoʋo ɗuku dzose dzendarama dzakaŋga dzaitwa naSoromoni.

²⁷Ipapo mambo Rehoboami akaita panɀimbo yadzo nhoʋo ɗuku dzendarira, akadziisa pamaʋoko aʋakuru ʋaʋarindi, ʋairinda mukoʋa weimba yamambo.

²⁸Ɀino ŋguʋa dzose kana mambo acipinda mumba maJehova, ʋarindi ʋaidziɓata, ndokudzidzosera ɀe mumba maʋarindi.

²⁹Mamŋe maɓasa aRehoboami, neɀose ɀaakaita, haɀina‐kunyorwa here pabuku yamakoronike amadzimambo aJuda.

³⁰Asi kurwa kwaiʋa’po ŋguʋa dzose pakati paRehoboami naJeroboami.

³¹Rehoboami akaʋata namadziɓaɓa ake, akaʋigwa kunamadziɓaɓa ake muguta raDavidi; zita ramai ʋake rakaŋga riri Naama muAmoni. Abijami mŋanakomana wake akamuteʋera paʋushe.