Read Original Shona Union Bible 1949 Baiberi Magwaro Matȿene aMŋari I Madzimambo 15 Bible Online

I Madzimambo 15 - Original Shona Union Bible 1949 Baiberi Magwaro Matȿene aMŋari bible

I Madzimambo 15

¹Ɀino negore regumi namasere ramambo Jeroboami mŋanakomana waNebati, Abijami wakataŋga kuɓata ʋushe bgaJuda.

²Akaɓata ʋushe paJerusarema makore matatu; zita ramai ʋake rakaŋga riri Maaka, mukunda waAbisharomi.

³Iye akafamba paɀiʋi ɀose ɀaɓaɓa ʋake, ɀaʋakamutaŋgira kuita; mŋoyo wake wakaŋga usina‐kururama kwaɀo kunaJehova Mŋari wake, somŋoyo waDavidi ɓaɓa ʋake.

⁴Kunyaŋge ɀakaɗaro nokuɗa kwaDavidi, Jehova Mŋari wake akamupa mŋenje paJerusarema, akamumutsira mŋanakomana wake shure kwake, asimbise Jerusarema;

⁵nokuti Davidi waiita ɀakarurama pamberi paJehova, haana‐kutsauka pacinhu cimŋe caakamuraira mazuʋa ose oʋupenyu bgake, asi pamhaka yaUria muHiti ɓedzi.

⁶Kurwa kwakaŋga kuri’po pakati paRehoboami naJeroboami mazuʋa ose oʋupenyu bgake.

⁷Ɀino mamŋe maɓasa aAbijami, neɀose ɀaakaita, haɀina‐kunyorwa here mubuku yamakoronike amadzimambo aJuda? Kurwa kwakaŋga kuri’po pakati paAbijami naJeroboami.

⁸Abijami akaʋata namadziɓaɓa ake, ʋakamuʋiga muguta raDavidi; Asa mŋanakomana wake akamuteʋera paʋushe.

⁹Negore ramakumi maʋiri raJeroboami mambo waIsraeri, Asa wakataŋga kuɓata ʋushe paJuda.

¹⁰Akaɓata ʋushe paJerusarema makore makumi manna nerimŋe; zita ramai ʋake rakaŋga riri Maaka mukunda waAbisharomi.

¹¹Asa akaita ɀakarurama pamberi paJehova, seɀakaita Davidi ɓaɓa ʋake.

¹²Akabvisa ʋasodomi panyika, akabvisa ʋo ɀifananidzo ɀose ɀakaitwa namadziɓaɓa ake.

¹³Akabvisa ʋo Maaka mai ʋake paʋuhosi bgaʋo, nokuti ʋakaŋga ʋaitira matanda okunamata nawo cifananidzo cinonyaŋgadza; Asa akaparadza cifananidzo caʋo, akacipisa parukoʋa Kidroni.

¹⁴Asi matunhu akakwirira haana‐kubviswa; kunyaŋge ɀakaɗaro mŋoyo waAsa wakaŋga wakarurama kwaɀo kunaJehova mazuʋa ake ose.

¹⁵Akaisa mumba maJehova nhumbi dzakaŋga dzatsaurwa naɓaɓa ʋake, nenhumbi dzaakaŋga atsaura iye amene, sirveri, nendarama, nemidziyo.

¹⁶Ɀino kurwa kwakaŋga kuri’po pakati paAsa naBaasha mambo waIsraeri mazuʋa aʋo ose.

¹⁷Baasha mambo waIsraeri akakwira kundorwa naJuda, akaʋaka Rama, kuti arege kutendera munhu kuɓuɗa kana kupinda kunaAsa mambo waJuda.

¹⁸Ipapo Asa akatora sirveri yose nendarama ɀakaŋga ɀasara pafuma yeimba yaJehova, napafuma yeimba yamambo, akaɀipa mumaʋoko aʋaranda ʋake, mambo Asa akaɀitumira kunaBeni‐hadadi mŋanakomana waTabrimoni, mŋanakomana waHezioni, mambo weSiria wakaŋga agere Damasko, akati:

¹⁹Suŋgano iri’po pakati paŋgu nemi, pakati paɓaɓa ʋaŋgu naɓaɓa ʋenyu; tarirai, ndinokutumirai cipo cesirveri nendarama, endai muputse suŋgano yenyu naBaasha mambo waIsraeri, abve kwandiri.

²⁰Beni‐hadadi akaterera mambo Asa, akatuma ʋakuru ʋehondo dzake kundorwa namaguta aIsraeri, akakunda Ijoni, neDani, neAberi‐beti‐maaka, neKineroti rose, nenyika yose yaNaftari.

²¹Ɀino Baasha wakati aciɀinzwa, akarega kuʋaka Rama, akandogara Tirza.

²²Ipapo mambo Asa akakoka ʋaJuda ʋose, hakuna‐wakaɗarikwa, ʋakandotora mabge eRama, namatanda aro, ɀaakaŋga aciʋaka naɀo iye Baasha; mambo Asa akaʋaka naɀo Geba rokwaBenjamini neMizpa.

²³Ɀino mamŋe maɓasa ose aAsa, nesimba rake rose, neɀose ɀaakaita, namaguta aakaʋaka, haɀina‐kunyorwa here mubuku yamakoronike amadziɓaɓa aJuda? Asi paŋguʋa yokukwegura kwake wakaŋga acinzwa makumbo.

²⁴Asa akaʋata namadziɓaɓa ake, akaʋigwa kunamadziɓaɓa ake paguta raDavidi ɓaɓa ʋake; Josafati mŋanakomana wake, akamuteʋera paʋushe.

²⁵Ɀino Nadabi mŋanakomana waJeroboami, wakataŋga kuɓata ʋushe bgaIsraeri negore recipiri raAsa mambo waJuda, akaɓata ʋushe bgaIsraeri makore maʋiri.

²⁶Akaita ɀakaipa pamberi paJehova, akafamba nenzira yaɓaɓa ʋake, nomuɀiʋi ɀake ɀaakatadzisa Israeri naɀo.

²⁷Ipapo Baasha mŋanakomana waAhija, weimba yaIsakari, akamumukira; Baasha akamuʋuraya paGibetoni raiʋa raʋaFiristia; nokuti Nadabi naʋaIsraeri ʋose ʋakaŋga ʋakomba Gibetoni.

²⁸Baasha akamuʋuraya negore retatu raAsa mambo waJuda, akamuteʋera paʋushe.

²⁹Ɀino wakati acaŋgogara ʋushe, akaʋuraya ʋose ʋeimba yaJeroboami; haana‐kusiyira Jeroboami mumŋe wakaŋga acafema, kuȿikira amuparadza, seɀaɀakarebga naJehova nomuromo womuranda wake Ahija muShiro;

³⁰nokuɗa kweɀiʋi ɀaJeroboami, ɀaakaita iye, neɀaakatadzisa Israeri naɀo, nokuɗa kwokutambudza kwaakatambudza Jehova Mŋari waIsraeri nako.

³¹Ɀino mamŋe maɓasa aNadabi, neɀose ɀaakaita, haɀina‐kunyorwa here mubuku yamakoronike amadzimambo aIsraeri?

³²Kurwa kwakaŋga kuri’po ŋguʋa dzose pakati paAsa naBaasha mambo waIsraeri.

³³Negore recitatu raAsa mambo waJuda, Baasha mŋanakomana waAhija, wakataŋga kuɓata ʋushe bgaʋaIsraeri ʋose paTirza, akaɓata makore makumi maʋiri namanna.

³⁴Akaita ɀakaipa pamberi paJehova, akafamba nenzira yaJeroboami, nomuɀiʋi ɀake, ɀaakatadzisa Israeri naɀo.