Read Original Shona Union Bible 1949 Baiberi Magwaro Matȿene aMŋari I Madzimambo 16 Bible Online

I Madzimambo 16 - Original Shona Union Bible 1949 Baiberi Magwaro Matȿene aMŋari bible

I Madzimambo 16

¹Ɀino shoko raJehova rakaȿika kunaJehu mŋanakomana waHanani, pamsoro paBaasha, riciti:

²Ndakakukudza ndikakubvisa paguruʋa, ndikakuita mutuŋgamiriri waʋanhu ʋaŋgu ʋaIsraeri; asi wakafamba nenzira yaJeroboami, ukatadzisa ʋanhu ʋaŋgu ʋaIsraeri, ʋakamutsa shuŋgu dzaŋgu neɀiʋi ɀaʋo.

³Tarira, ndicabvisa Baasha neimba yake cose; ndicaita imba yako seɀandakaita imba yaJeroboami mŋanakomana waNebati.

⁴Aninani weimba yaBaasha unofira muguta, ucadyiwa nembga; aninani unofira kusaŋgo, ucadyiwa neshiri dzokuɗeŋga.

⁵Mamŋe maɓasa aBaasha, neɀaakaita, nesimba rake, haɀina‐kunyorwa here mubuku yamakoronike amadzimambo aIsraeri?

⁶Baasha akaʋata namadziɓaɓa ake, akaʋigwa paTirza, Era mŋanakomana wake, akamuteʋera paʋushe.

⁷Shoko raJehova rikaʋuya ʋo nomuromo womuprofita Jehu mŋanakomana waHanani, pamsoro paBaasha, napamsoro peimba yake, nokuɗa kweɀakaipa ɀose ɀaakaita pamberi paJehova, akamutsa shuŋgu dzake pamsoro pamaɓasa amaʋoko ake, akaŋga akafanana neeimba yaJeroboami, ʋuye nokuti wakaŋga amuparadza.

⁸Negore ramakumi maʋiri namatanhatu raAsa mambo waJuda, Era mŋanakomana waBaasha, wakataŋga kuɓata ʋushe bgaIsraeri paTirza, akaɓata makore maʋiri.

⁹Ipapo muranda wake Zimri, mukuru wehafu yeŋgoro dzake, akamumukira; ɀino iye wakaŋga ari paTirza, acinwa aciɓatwa mumba maArza, mutariri weimba yake paTirza.

¹⁰Zimri akapinda, akamuɓaya, akamuʋuraya negore ramakumi maʋiri namanomŋe raAsa mambo waJuda, akamuteʋera paʋushe.

¹¹Ɀino pakutaŋga kwake kuɓata ʋushe, acaŋgogara pacigaro cake coʋushe, akaʋuraya ʋose ʋeimba yaBaasha; haana‐kumusiyira mŋana mumŋe womukomana, kana mumŋe wehama dzake, kana mumŋe weshamŋari dzake.

¹²Naiɀoɀo Zimri wakaparadza imba yose yaBaasha, seɀakaŋga ɀarebga naJehova, shoko iro raakataura pamsoro paBaasha nomuprofita Jehu,

¹³nokuɗa kweɀiʋi ɀose ɀaBaasha, neɀiʋi ɀaEra mŋanakomana wake, ɀaʋakaita, neɀaʋakatadzisa Israeri naɀo, ʋakamutsa shuŋgu dzaJehova Mŋari waIsraeri, neɀinhu ɀaʋo ɀisinamaturo.

¹⁴Mamŋe maɓasa aEra, neɀose ɀaakaita, haɀina‐kunyorwa here mubuku yamakoronike amadzimambo aIsraeri?

¹⁵Negore ramakumi maʋiri namanomŋe raAsa mambo waJuda, Zimri akaɓata ʋushe paTirza mazuʋa manomŋe. Ɀino ʋanhu ʋakaŋga ʋari kumisasa, ʋaciɗa kurwa naʋaGibetoni raiʋa raʋaFiristia.

¹⁶Ɀino ʋanhu, ʋakaŋga ʋari kumisasa, ʋakanzwa, ɀicinzi: Zimri wamukira mambo akamuʋuraya; naiɀoɀo ʋaIsraeri ʋose, ʋakaŋga ʋari kumisasa, ʋakagadza Omri, mukuru wehondo, aʋe mambo waIsraeri zuʋa iro.

¹⁷Ipapo Omri akabva paGibetoni, akaenda naʋaIsraeri ʋose kuzokomba Tirza.

¹⁸Ɀino Zimri wakati aciʋona kuti guta rakundwa, akapinda munhare paimba yamambo, akapisira imba yamambo pamsoro pake, akafa;

¹⁹nokuɗa kweɀiʋi ɀake pakuita kwake ɀakaipa pamberi paJehova, acifamba nenzira yaJeroboami, nomuɀiʋi ɀake ɀaakaita, acitadzisa Israeri naɀo.

²⁰Mamŋe maɓasa aZimri, nokumukira kwake mambo, haɀina‐kunyorwa here mubuku yamakoronike amadzimambo aIsraeri?

²¹Ɀino ʋanhu ʋaIsraeri ʋakaparadzana, ʋakaita mapoka maʋiri; ʋamŋe ʋakateʋera Tibni mŋanakomana waGinati, ʋaciɗa kumuita mambo waʋo, asi ʋamŋe ʋakateʋera Omri.

²²Asi ʋanhu, ʋakateʋera Omri, ʋakakunda ʋanhu ʋakateʋera Tibni mŋanakomana waGinati; naiɀoɀo Tibni akafa, Omri akaɓata ʋushe.

²³Negore ramakumi matatu nerimŋe raAsa mambo waJuda, Omri akataŋga kuɓata ʋushe bgaIsraeri, akaɓata makore anegumi namaʋiri; akaɓata ʋushe paTirza makore matanhatu.

²⁴Akateŋga gomo reSamaria kunaShemeri namatarenta maʋiri esirveri,[16] akaʋaka pagomo, akatumidza zita reguta raakaʋaka Samaria, aciteʋedzera zita raShemeri, mŋene wegomo.

²⁵Asi Omri wakaita ɀakaipa pamberi paJehova, akapfuʋura ʋose ʋakamutaŋgira pakuita ɀakaipa.

²⁶Nokuti wakafamba nenzira yose yaJeroboami mŋanakomana waNebati, nomuɀiʋi ɀaakatadzisa Israeri naɀo, ʋakamutsa shuŋgu dzaJehova Mŋari waIsraeri neɀinhu ɀaʋo ɀakaŋga ɀisinamaturo.

²⁷Mamŋe maɓasa aOmri, aakaita, nesimba rakaʋonekwa kwaari, haɀina‐kunyorwa here mubuku yamakoronike amadzimambo aIsraeri?

²⁸Naiɀoɀo Omri akaʋata namadziɓaɓa ake, akaʋigwa paSamaria, Ahabi mŋanakomana wake, akamuteʋera paʋushe.

²⁹Negore ramakumi matatu namasere raAsa mambo waJuda, Ahabi mŋanakomana waOmri wakataŋga kuɓata ʋushe bgaIsraeri; Ahabi mŋanakomana waOmri akaɓata ʋushe bgaIsraeri paSamaria makore anamakumi maʋiri namaʋiri.

³⁰Ahabi mŋanakomana waOmri akaita ɀakaipa pamberi paJehova, akakunda ʋose ʋakamutaŋgira.

³¹Cakaŋga ciri cinhu ciɗuku haco kwaari kufamba muɀiʋi ɀaJeroboami mŋanakomana waNebati, asi wakawana Izeberi mukunda waEti‐baari, mambo waʋaZidoni, akandoshumira Baari, akanamata kwaari.

³²Akaʋakira Baari artari muimba yaBaari, yaakaʋaka paSamaria.

³³Ahabi akaita ʋo matanda okunamata nawo, Ahabi akawedzera kumutsa shuŋgu dzaJehova Mŋari waIsraeri, kupfuʋura madzimambo ose akamutaŋgira.

³⁴Pamazuʋa ake Hieri muBeteri akaʋaka Jeriko; akafirwa neɗaŋgwe rake, Abirami, ŋguʋa yaakaroŋga nheyo dzaro, ʋuye akafirwa nomŋanakomana wake worugotwe, Segubi, paŋguʋa yaakamisa masuʋo; seɀaɀakarebga naJehova nomuromo waJoshua mŋanakomana waNuni.