Read Original Shona Union Bible 1949 Baiberi Magwaro Matȿene aMŋari I Madzimambo 18 Bible Online

I Madzimambo 18 - Original Shona Union Bible 1949 Baiberi Magwaro Matȿene aMŋari bible

I Madzimambo 18

¹Ɀino mazuʋa mazhinji akati apfuʋura, shoko raJehova rikaȿika kunaEria negore recitatu, riciti: Enda undoɀiratidza kunaAhabi; ndigotuma mvura panyika.

²Ipapo Eria akandoɀiratidza kunaAhabi. Ɀino nzara yakaŋga yanyanya kwaɀo paSamaria.

³Ahabi akaɗana Obadia, iye wakaŋga ari mutariri weimba yake. (Ɀino Obadia wakaŋga acitya Jehova kwaɀo;

⁴nokuti neŋguʋa iyo Izeberi yaakaparadza nayo ʋaprofita ʋaJehova, Obadia wakatora ʋaprofita ʋanezana, akaʋaʋanza makumi mashanu namakumi mashanu ɀe muɓako, akaʋapa ciŋgwa nemvura.)

⁵Ɀino Ahabi akati kunaObadia: Famba nenyika, kumatsime emvura, nokuhoʋa dzose; ɀimŋe tiŋgawana ɓundo, tiraramise mabiza namahesera, tirege kurashikirwa neɀipfuwo ɀose.

⁶Naiɀoɀo ʋakagoʋana nyika, kuti ʋafambe nayo; Ahabi akaenda ari oga kunorumŋe rutiʋi, Obadia akaenda ʋo ari oga kunorumŋe rutiʋi.

⁷Ɀino Obadia wakati ari panzira, Eria akasoŋgana naye; akamuziʋa, akawira pasi neciso cake, akati: Ndimi here, ishe waŋgu Eria?

⁸Iye akamupindura, akati: Ndini; enda undoʋudza ishe wako, uti: Tarirai, Eria uri pano.

⁹Iye akati: Ndatadzeiko, ɀamoɗa kuisa muranda wenyu mumaʋoko aAhabi, andiʋuraye?

¹⁰NaJehova Mŋari wenyu mupenyu, hapanorudzi kana ʋushe kwaasina‐kutuma iye ishe waŋgu kukutȿakai; kana ʋakati: Haapo pano, waipikisa ʋushe ubgo kana rudzi urwo, kuti haʋana‐kukuwanai.

¹¹Ɀino moti: Enda undoʋudza ishe wako, uti: Eria uri pano.

¹²Ɀimŋe ndicaŋgobva kwamuri, Mŋeya waJehova ndokukuisai kwandisiŋgaziʋi; ɀino kana ndikandoʋudza Ahabi, akakushaiwai, ucandiʋuraya; asi ini muranda wenyu ndinotya Jehova kubva paʋuɗuku bgaŋgu.

¹³Ishe waŋgu haana‐kuʋudzwa here ɀandakaita paŋguʋa iya Izeberi yaakaʋuraya nayo ʋaprofita ʋaJehova, kuti ndakaʋanza ʋaprofita ʋaJehova ʋanezana, makumi mashanu namakumi mashanu muɓako, ndikaʋapa ɀiŋgwa nemvura?

¹⁴Ɀino moti: Cindoʋudza ishe wako, uti: Eria uri pano; iye ucandiʋuraya.

¹⁵Eria akati: NaJehova wehondo mupenyu, iye wandimire pamberi pake, ndicaɀiratidza kwaari nhasi ɀirokwaɀo.

¹⁶Naiɀoɀo Obadia akaenda kunaAhabi, akamuʋudza, Ahabi akandosoŋgana naEria.

¹⁷Ɀino Ahabi wakati aciʋona Eria, Ahabi akati kwaari: Ndiwe here, iwe mutambudzi waIsraeri?

¹⁸Iye akati: Ini handina‐kutambudza Israeri; asi ndiwe neimba yaɓaɓa ʋako, nokuti makasiya mirairo yaJehova, mukateʋera ʋaBaari.

¹⁹Naiɀoɀo ɀino cituma ʋanhu uʋuŋganidze ʋaIsraeri ʋose pagomo reKarmeri, naʋaprofita ʋaBaari ʋanamazana manna namakumi mashanu, naʋaprofita ʋamatanda okunamata nawo ʋanamazana manna ʋanodya patafura yaIzeberi.

²⁰Naiɀoɀo Ahabi akatuma ʋanhu kuʋana ʋaIsraeri ʋose, akaʋuŋganidza ʋaprofita pagomo reKarmeri.

²¹Ɀino Eria akasweɗera kuʋanhu ʋose, akati: Mucaramba mucifuŋga mifuŋgo miʋiri kuȿikira riniko? Kana Jehova ari Mŋari, mumuteʋere, kana ari Baari, mumuteʋere iye. Asi ʋanhu haʋana‐kupindura shoko rimŋe.

²²Ipapo Eria akati kuʋanhu: Ini, iyeni ndoga, ndini ndasara kuʋaprofita ʋaJehova, asi ʋaprofita ʋaBaari ʋanoȿika ʋarume ʋanamazana manna namakumi mashanu.

²³Naiɀoɀo ŋgaʋatipe nzombe mbiri, iʋo ʋaɀitsaurire nzombe imŋe, ʋaiguranye, ʋaiise pamsoro pehuni, asi ʋarege kuisa mŋoto pasi payo; neni ʋo ndicagadzira imŋe nzombe, ndiciiisa pamsoro pehuni, asi ndisiŋgaisi mŋoto pasi payo.

²⁴Ɀino imi muɗane zita ramŋari wenyu, ini ndiɗane ʋo zita raJehova; Mŋari unopindura nomŋoto, iye ŋgaaʋe Mŋari. Ʋanhu ʋose ʋakapindura, ʋakati: Ɀarebga ɀakanaka.

²⁵Ipapo Eria akati kuʋaprofita ʋaBaari: Ciɀitsaurirai nzombe imŋe, mutaŋge kuigadzira, nokuti muri ʋazhinji; muɗane zita ramŋari wenyu, asi murege kuisa mŋoto pasi payo.

²⁶Iʋo ʋakatora nzombe yaʋakaŋga ʋapiwa, ʋakaigadzira, ʋakaɗana zita raBaari kubva maŋgwanani kuȿikira masikati makuru, ʋaciti: Baari, tinzwei! Asi kwakaŋga kusinenzwi kana unopindura. Ʋakapoteredza artari yakaŋga yaʋakwa ʋacipembera.

²⁷Ɀino paŋguʋa yamasikati makuru Eria akaʋaseka, akati: Ƌanidzirai kwaɀo; nokuti mŋari, ɀimŋe uri pakufuŋga, ɀimŋe waenda kumŋe, ɀimŋe wafamba rwendo, kana ɀimŋe uʋete hake, unofanira kumutswa.

²⁸Ipapo ʋakaɗanidzira kwaɀo, ʋakaɀiceka netsika dzaʋo neminondo namapfumo, kuȿikira ropa ricidzutuka kwaʋari.

²⁹Masikati makuru akati apfuʋura, ʋakaprofita kuȿikira paŋguʋa yokuɓayira cipo camaɗekwana; asi kwakaŋga kusinenzwi kana unopindura, kana wakaŋga aciterera.

³⁰Ipapo Eria akati kuʋanhu ʋose: Sweɗerai kwandiri; ʋanhu ʋose ʋakasweɗera kwaari. Ɀino wakagadzira artari yaJehova yakaŋga yaputswa.

³¹Eria akatora mabge anegumi namaʋiri akaenzana namarudzi aʋana ʋaJakobo, iye, wakaŋga aʋudzwa naJehova, ɀicinzi: Zita rako ricanzi Israeri.

³²Akaʋaka artari namabge iwayo nezita raJehova, akacera goroŋga rakakomba artari rakaŋga rakaenzana napaŋgadɀarwa ɀiyero ɀiʋiri[17] ɀeɀiyo.

³³Akaroŋga huni, akaguranya nzombe, akaiisa pamsoro pehuni, akati: Cizadzai ɀiroŋgo ɀinna nemvura, muiɗire pamsoro pecipiriso cinopiswa, napamsoro pehuni.

³⁴Akati: Itai iɀoɀo rwecipiri, ʋakaɀiita rwecipiri. Akati: Itai iɀoɀo rwecitatu; ʋakaɀiita rwecitatu.

³⁵Mvura ikayerera, ikapoteredza artari; akazadza negoroŋga ʋo nemvura.

³⁶Neŋguʋa yokuɓayira cipo camaɗekwana, muprofita Eria akasweɗera, akati: Imi Jehova, Mŋari waAbrahama, nowaIsaka, nowaIsraeri, ŋgakuzikanwe nhasi kuti ndimi Mŋari pakati paIsraeri, ʋuye kuti ini ndiri muranda wenyu, ʋuye kuti ndakaita iɀi ɀose ndarairwa nemi.

³⁷Ndinzwei Jehova, ndinzwei, kuti ʋanhu aʋa ʋaziʋe kuti imi Jehova ndimi Mŋari, ʋuye kuti ndimi makadzosa ɀe mŋoyo yaʋo.

³⁸Ipapo mŋoto waJehova wakaɓuruka, ukapedza cipiriso cinopiswa, nehuni, namabge, neguruʋa, ukananɀa mvura yakaŋga iri mugoroŋga.

³⁹Ʋanhu ʋose ʋakati ʋaciɀiʋona, ʋakawira pasi neɀiso ɀaʋo, ʋakati: Jehova ndiye Mŋari, Jehova ndiye Mŋari!

⁴⁰Eria akati kwaʋari: Ƃatai ʋaprofita ʋaBaari, ʋarege kupukunyuka kunyaŋge nomumŋe waʋo. Ʋakaʋaɓata. Eria akaɓuruka naʋo kurukoʋa Kishoni, akaʋaʋurayira’po.

⁴¹Eria akati kunaAhabi: Ciroŋgedzai, mudye, munwe, nokuti kunokuwuŋga kwemvura zhinji.

⁴²Naiɀoɀo Ahabi akaroŋgedza kundodya nokunwa. Eria akakwira pamsoro pegomo reKarmeri, akagwaɗamira pasi, akaisa ciso cake pakati pamabvi ake;

⁴³akati kumuranda wake: Cikwira ɀino, utarire kurutiʋi rweguŋgwa. Akakwira akatarira, akati: Hakunecinhu. Akati: Enda ɀe, kanomŋe.

⁴⁴Ɀino paŋguʋa yecinomŋe akati: Tarirai, kunegore ɗuku, rinokwira ricibva muguŋgwa, rakafanana necanza comunhu. Akati: Enda, undoti kunaAhabi: Suŋgai ŋgoro yenyu, muɓuruke, kuti murege kudziʋirirwa nemvura.

⁴⁵Ɀino ŋguʋa ɗuku yakati yapfuʋura, ɗeŋga rikaȿiɓa namakore nemhepo, mvura zhinji ikanaya. Ahabi akaenda neŋgoro, akaȿika Jezreeri.

⁴⁶Ruʋoko rwaJehova rukasimbisa Eria; akaɀisuŋga ciʋuno cake, akamhanya pamberi paAhabi kuȿikira pasuʋo reJezreeri.