Read Original Shona Union Bible 1949 Baiberi Magwaro Matȿene aMŋari I Madzimambo 19 Bible Online

I Madzimambo 19 - Original Shona Union Bible 1949 Baiberi Magwaro Matȿene aMŋari bible

I Madzimambo 19

¹Ɀino Ahabi wakaʋudza Izeberi ɀose ɀakaŋga ɀaitwa naEria, ɀokuʋuraya kwake ʋaprofita ʋose nomunondo.

²Ipapo Izeberi akatuma nhume kunaEria, akati: Ʋamŋari ŋgaʋandiroʋe, ŋgaʋarambe ʋaciɗaro, kana ini ndikasafananidza ʋupenyu bgako noʋupenyu bgomumŋe waʋo maŋgwana neŋguʋa ino.

³Ɀino wakati aciʋona iɀoɀo, akasimuka, akatiza, kuti arege kuʋurawa, akaȿika paBeeri‐sheba raiʋa raJuda, akasiya muranda wake ipapo.

⁴Asi iye wakafamba rwendo rwezuʋa rimŋe kurenje, akandogara pasi pomurara, akakumbira kuti afe hake; akati: Ɀariŋgana haɀo; ɀino Jehova, citorai henyu ʋupenyu bgaŋgu, nokuti handipfuʋuri madziɓaɓa aŋgu pakururama.

⁵Akaʋata pasi, akaʋata hope pasi pomurara. Ɀino mutumŋa akamugunɀa, akati kwaari: Simuka, udye.

⁶Akatarira, akaʋona pedyo nomusoro wake ciŋgwa ciɗuku cakaŋga cagocwa pamazimbe, neciroŋgo cemvura. Akadya, akanwa, akaʋata pasi ɀe.

⁷Mutumŋa waJehova akaȿika ɀe rwecipiri, akamugunɀa, akati: Simuka, udye, nokuti ucakundwa norwendo.

⁸Akasimuka, akadya, akanwa, akafamba asimbiswa neɀokudya iɀo, mazuʋa makumi manna noʋusiku bgunamakumi manna kuȿikira paHorebi, pagomo raMŋari.

⁹Akapinda’po muɓako, akagara’po. Ɀino shoko raJehova rikaȿika kwaari, iye akati kwaari: Unoɓateiko pano Eria?

¹⁰Iye akati: Ndakaŋga ndicishiŋgairira Jehova Mŋari wehondo kwaɀo, nokuti ʋana ʋaIsraeri ʋakarasha suŋgano yenyu, ʋakaputsa artari dzenyu, nokuʋuraya ʋaprofita ʋenyu nomunondo; ini, ini ndoga, ndasara haŋgu; ɀino ʋotȿaka kundiʋuraya.

¹¹Iye akati: Enda, undomira pagomo pamberi paJehova. Ɀino Jehova akapfuʋura’po, mhepo huru inesimba ikapamura makomo, ikaputsanya mabge pamberi paJehova; asi Jehova wakaŋga asiri mumhepo. Mhepo yakati yapfuʋura, kuɗeŋgenyeka kwenyika kukaʋa’po; asi Jehova wakaŋga asiri mukuɗeŋgenyeka kwenyika.

¹²Kuɗeŋgenyeka kwenyika kwakati kwapfuʋura, mŋoto ukateʋera; asi Jehova wakaŋga asiri mumŋoto; mŋoto wakati wapfuʋura, kufefetera kwokudzikama kukaʋa’po.

¹³Ɀino Eria wakati aciɀinzwa, akafukidza ciso cake neŋguʋo yake, akaɓuɗa, akandomira pamuromo weɓako. Ipapo inzwi rikaȿika kwaari, rikati: Unoɓateiko pano, Eria?

¹⁴Iye akati: Ndakaŋga ndicishiŋgairira Jehova Mŋari wehondo kwaɀo; nokuti ʋana ʋaIsraeri ʋakarasha suŋgano yenyu, ʋakaputsa artari dzenyu, ʋakaʋuraya ʋaprofita ʋenyu nomunondo; ini, ini ndoga, ndasara haŋgu; ɀino ʋotȿaka kundiʋuraya.

¹⁵Ɀino Jehova akati kwaari: Dzoka nenzira yako yokurenje reDamasko; kana waȿika’po, uzodze Hazaeri, aʋe mambo weSiria,

¹⁶naJehu mŋanakomana waNimshi umuzodze aʋe mambo waIsraeri, naErisha mŋanakomana waShafati weAberi‐mehora, umuzodze aʋe muprofita panɀimbo yako.

¹⁷Nokuti unopukunyuka pamunondo waHazaeri, ucaʋurawa naJehu; unopukunyuka pamunondo waJehu, ucaʋurawa naErisha.

¹⁸Kunyaŋge ɀakaɗaro ndicasiya pakati paIsraeri ɀuru ɀinomŋe ɀaʋanhu ʋasina‐kufugamira Baari namabvi aʋo, ʋasina‐kumuȿeta nemiromo yaʋo.

¹⁹Naiɀoɀo akabva’po, akandowana Erisha mŋanakomana waShafati, wakaŋga acirima nenzombe dzakasuŋgwa pamajoko anegumi namaʋiri, iye ari pajoko regumi namaʋiri; Eria akapfuʋura nokwaari, akakanda ŋguʋo yake pamsoro pake.

²⁰Iye akasiya nzombe, akamhanya aciteʋera Eria, akati: Nditenderei henyu ndimbondoȿeta ɓaɓa ʋaŋgu namai ʋaŋgu, ndigokuteʋerai. Iye akati kwaari: Cidzoka hako, nokuti ndakuiteiko?

²¹Akadzoka pakumuteʋera, akatora nzombe dzejoko iro, akadziɓaya, akagoca nyama yadzo aciita nhumbi dzadzo huni, ndokupa ʋanhu, iʋo ʋakadya. Ɀino wakasimuka, akateʋera Eria, akamuɓatira.