Read Original Shona Union Bible 1949 Baiberi Magwaro Matȿene aMŋari I Madzimambo 2 Bible Online

I Madzimambo 2 - Original Shona Union Bible 1949 Baiberi Magwaro Matȿene aMŋari bible

I Madzimambo 2

¹Ɀino mazuʋa aDavidi okufa kwake akasweɗera, akaraira Soromoni mŋanakomana wake, akati:

²Ini ndoenda nenzira yenyika yose; naiɀoɀo iʋa nesimba, uʋe murume caiye.

³Ceŋgeta ɀawakarairwa naJehova Mŋari wako, kuti ufambe nenzira dzake, uciceŋgeta ɀaakatema, nemirairo yake, neɀaakatoŋga, neɀipupuriro ɀake, seɀaɀakanyorwa pamurairo waMosesi, kuti ufare paɀose ɀaunoita, ʋuye kwose kwaunoenda.

⁴Kuti Jehova asimbise shoko rake raakataura pamsoro paŋgu, aciti: Kana ʋana ʋako ʋakacenjera panzira dzaʋo, kuti ʋafambe pamberi paŋgu neɀokwaɗi nomŋoyo waʋo wose ʋuye nomŋeya waʋo wose, (ndiɀo ɀaakataura), hakuŋgazoshaikwi munhu pacigaro coʋushe caIsraeri.

⁵Ʋuye unoziʋa ʋo ɀandakaitirwa naJoabi, mŋanakomana waZeruya, iɀo ɀaakaitira ʋakuru ʋaʋiri ʋehondo dzaIsraeri, ʋanaAbineri mŋanakomana waNeri, naAmasa mŋanakomana waJeteri, ʋaakaʋuraya, akateʋura paŋguʋa yorugare ropa raifanira kuteʋurwa paŋguʋa yokurwa, akaisa ropa rokurwa pabanhire rakaŋga riri paciʋuno cake, nomushaŋgu dzake dzakaŋga dziri patsoka dzake.

⁶Naiɀoɀo ita nokuziʋa kwako, urege kutendera musoro wake wacena kuɓurukira mubgiro norugare.

⁷Asi ʋanakomana ʋaBarzirai muGireadi, uʋaitire ʋunyoro, ʋaʋe pakati paiʋo ʋanodya patafura yako; nokuti ʋakaʋuya kwandiri saiɀoɀo paŋguʋa yandakatiza pamberi paAbsaromi mukuru wako.

⁸Tarira, kwauri kunaShimei mŋanakomana waGera, muBenjamini weBahurimi, iye, wakandituka nokutuka kwakaipa pazuʋa randakaŋga ndicienda Mahanaimi; asi wakazoʋuya akasoŋgana neni paJoridani, ndikamupikira naJehova, ndikati: Handiŋgakuʋurayi nomunondo.

⁹Asi ɀino usamurega aʋe somunhu usinemhoȿa, nokuti iwe uri munhu wakacenjera; ucaziʋa hako ɀaunofanira kumuitira, unofanira kuɓurusira musoro wake wacena mubgiro neropa.

¹⁰Davidi akazoʋata namadziɓaɓa ake, akaʋigwa muguta raDavidi.

¹¹Ŋguʋa yakaɓata Davidi ʋushe bgaIsraeri aiʋa makore makumi manna; akaɓata paHebroni makore manomŋe, ʋuye akaɓata paJerusarema makore makumi matatu namatatu.

¹²Ɀino Soromoni akagara pacigaro coʋushe caɓaɓa ʋake Davidi; ʋushe bgake ʋukasimba kwaɀo.

¹³Ipapo Adonia mŋanakomana waHagiti, akaȿika kunaBati‐sheba mai ʋaSoromoni. Iʋo ʋakati: Unoʋuya norugare here? Iye akati: Hoŋo, norugare.

¹⁴Akati ɀe: Ndinecimŋe candinoɗa kukuʋudzai. Iʋo ʋakati: Taura hako.

¹⁵Akati: Munoziʋa kuti ʋushe bgaiʋa bgaŋgu, meso aʋaIsraeri ʋose ainditarira, kuti ndiʋe mambo; asi ʋushe bgakashandurwa, ʋukazoʋa bgomunuŋuna waŋgu, nokuti bgakaŋga ʋuri bgake nokuɗa kwaJehova.

¹⁶Ɀino ndinokumbira cinhu cimŋe coga kwamuri; musandirambira henyu cinhu ico. Iʋo ʋakati kwaari: Taura hako.

¹⁷Akati: Ƌotauriranai henyu namambo Soromoni, nokuti haaŋgakurambiriyi cinhu, kuti andipe Abishagi muShunemi, aʋe mukadzi waŋgu.

¹⁸Bati‐sheba akati: Ndiɀo haɀo, ndicakureʋera kunamambo.

¹⁹Naiɀoɀo Bati‐sheba akaenda kunamambo Soromoni kundoreʋera Adonia. Mambo akasimuka kuzosoŋgana naye, akakotama pamberi pake, akagara pacigaro coʋushe, akaraira kuti cigaro coʋushe cigadzirirwe mai ʋamambo; iʋo ʋakagara kurutiʋi rwake rworudyi.

²⁰Ipapo ʋakati: Ndinokumbira kwauri cinhu ciɗuku; usandirambira hako cinhu ici. Mambo akati kwaʋari: Kumbirai henyu, mai ʋaŋgu, nokuti handiŋgakurambiriyi ico.

²¹Ʋakati: Adonia mukuru wako ŋgaapiwe Abishagi muShunemi, aʋe mukadzi wake.

²²Ipapo mambo Soromoni akapindura, akati kunamai ʋake: Munokumbirira Adonia Abishagi muShunemi neiko? Mumukumbirirei ʋo ʋushe, nokuti ndiye mukuru waŋgu; mumukumbirirei iye, naAbiatari muprista, naJoabi mŋanakomana waZeruya.

²³Ipapo mambo Soromoni akapika naJehova, akati: Mŋari ŋgaandiroʋe, arambe aciɗaro, Adonia ucaripira shoko iri noʋupenyu bgake.

²⁴Naiɀoɀo ɀino, naJehova mupenyu, iye wakandisimbisa, akandigadza pacigaro coʋushe caɓaɓa ʋaŋgu Davidi, akandimutsira imba seɀaakandipikira, ɀirokwaɀo Adonia ucaʋurawa nhasi.

²⁵Ipapo mambo Soromoni akatuma Benaya mŋanakomana waJehoyada, iye akamuʋamba akamuʋuraya.

²⁶Mambo akati kunaAbiatari muprista: Enda Anatoti kunyika yako, nokuti waifanira kufa; asi handiŋgakuʋurayi nhasi, nokuti wakambotakura areka yaJehova Mŋari pamberi paɓaɓa ʋaŋgu Davidi, ʋuye nokuti wakatambudzika pamŋe cete naɓaɓa ʋaŋgu pakutambudzika kwaʋo kwose.

²⁷Naiɀoɀo Soromoni akadziŋga Abiatari, kuti arege kuʋa muprista pamberi paJehova; kuti aite shoko raJehova, raakaŋga ataura pamsoro peimba yaEri paShiro.

²⁸Ɀino shoko iro rikaȿika kunaJoabi, nokuti Joabi wakaŋga ateʋera Adonia, kunyaŋge asina‐kuteʋera Absaromi. Joabi akatizira kuTente raJehova, akandoɓata nyaŋga dzeartari.

²⁹Ipapo mambo Soromoni akaʋudzwa, ɀicinzi: Joabi watizira kuTente raJehova, tarirai, uri paartari. Ipapo Soromoni akatuma Benaya mŋanakomana waJehoyada, akati: Enda undomuʋamba.

³⁰Benaya akaenda kuTente raJehova, akati kwaari: Ɀanzi namambo: Ƃuɗa! Iye akati: Kwete, ndicafira pano haŋgu. Benaya akaʋudza mambo ɀe, akati: Ndiɀo ɀataura Joabi, ndiɀo ɀaandipindura.

³¹Ipapo mambo akati kwaari: Ita seɀaataura, umuʋambe, ugomuʋiga; kuti ubvise kwandiri napaimba yaɓaɓa ʋaŋgu ropa rakateʋurwa naJoabi rakaŋga risinemhoȿa.

³²Jehova ucadzosera ropa rake pamusoro wake, nokuti wakaʋuraya ʋanhu ʋaʋiri ʋakaŋga ʋakamupfuʋura pakururama nokunaka, akaʋaʋuraya nomunondo, ɓaɓa ʋaŋgu Davidi ʋasiŋgaɀiziʋi, iye Abineri mŋanakomana waNeri, mukuru wehondo yaIsraeri, naAmasa mŋanakomana waJeteri, mukuru wehondo yaJuda.

³³Naiɀoɀo ropa raʋo ricadzokera pamusoro waJoabi napamisoro yorudzi rwake nokusiŋgaperi; asi rugare runobva kunaJehova rucaʋa naDavidi, norudzi rwake, neimba yake, necigaro cake coʋushe nokusiŋgaperi.

³⁴Ipapo Benaya mŋanakomana waJehoyada, akaenda, akamuʋamba, ndokumuʋuraya; akaʋigwa mumba make murenje.

³⁵Ɀino mambo akagadza Benaya mŋanakomana waJehoyada, panɀimbo yake aʋe mukuru wehondo; mambo akagadza ʋo Zadoki aʋe muprista panɀimbo yaAbiatari.

³⁶Mambo akatuma munhu kundoɗana Shimei, akati kwaari: Uɀiʋakire imba paJerusarema, ugare’po, usabva’po ucienda kumŋe.

³⁷Nokuti nomusi waunoɓuɗa nawo, ukayambuka rukoʋa Kidroni, uziʋe kwaɀo kuti ucaʋurawa ɀirokwaɀo; ropa rako ricaʋa pamusoro wako.

³⁸Ipapo Shimei akati kunamambo: Ishoko rakanaka; muranda wenyu ucaita seɀakarebga nashe waŋgu mambo. Shimei akagara mazuʋa mazhinji paJerusarema.

³⁹Ɀino makore matatu akati apfuʋura, ʋaranda ʋaʋiri ʋaShimei ʋakatizira kunaAkishi mŋanakomana waMaaka, mambo weGati. Ʋakaʋudza Shimei, ʋaciti: Tarira ʋaranda ʋako ʋari Gati.

⁴⁰Ipapo Shimei akasimuka, akasuŋgira cigaro pamboŋgoro yake, akaenda Gati kunaAkishi, kundotȿaka ʋaranda ʋake; Shimei akatora ʋaranda ʋake Gati.

⁴¹Ɀino Soromoni akaʋudzwa kuti Shimei wakaŋga aɓuɗa Jerusarema, akaenda Gati, akadzoka ɀe.

⁴²Mambo akatuma munhu kundoɗana Shimei, akati kwaari: Handina‐kukupikisa naJehova here, ndikakunyeʋera, ndiciti: Uziʋe kwaɀo kuti nomusi waunoɓuɗa nawo, ukafamba kumŋe, ucaʋurawa ɀirokwaɀo? Iwe ukati kwandiri: Shoko randanzwa rakanaka.

⁴³Ɀino wakaregereiko kuceŋgeta mhiko yawakapika kunaJehova, nomurairo wandakakuraira?

⁴⁴Mambo akati ʋo kunaShimei: Iwe unoziʋa kwaɀo ɀakaipa ɀose ɀawakaitira ɓaɓa ʋaŋgu Davidi; naiɀoɀo Jehova ucadzosera ɀakaipa ɀako pamusoro wako.

⁴⁵Asi mambo Soromoni ucaropafadzwa, necigaro coʋushe caDavidi cicasimbiswa pamberi paJehova nokusiŋgaperi.

⁴⁶Naiɀoɀo mambo akaraira Benaya mŋanakomana waJehoyada, iye akaenda, akandomuʋamba, ndokumuʋuraya. Naiɀoɀo ʋushe, bgakaŋga bgakaɓatwa naSoromoni, bgakasimbiswa.