Read Original Shona Union Bible 1949 Baiberi Magwaro Matȿene aMŋari I Madzimambo 21 Bible Online

I Madzimambo 21 - Original Shona Union Bible 1949 Baiberi Magwaro Matȿene aMŋari bible

I Madzimambo 21

¹Ɀino shure kwaiɀoɀo Naboti muJezreeri wakaŋga anomunda wemizambiriŋga, waiʋa paJezreeri, pedyo neimba yoʋushe yaAhabi mambo weSamaria.

²Ɀino Ahabi akataura naNaboti, akati: Ndipe munda wako wemizambiriŋga, ndiuite munda wemiriʋo, nokuti uri pedyo neimba yaŋgu; ini ndigokupa mumŋe munda wemizambiriŋga unokunda uyu; ɀimŋe, kana uciɗa, ndiŋgakupa mari yakariŋgana muteŋgo wawo.

³Ipapo Naboti akati kunaAhabi: Jehova ŋgaandidziʋise, ndirege kukupai nhaka yamadziɓaɓa aŋgu.

⁴Ipapo Ahabi akapinda mumba make, aʋora mŋoyo, aneshuŋgu, nokuɗa kweshoko raakaŋga aʋudzwa naNaboti muJezreeri; nokuti iye wakaŋga ati: Handiŋgakupiyi nhaka yamadziɓaɓa aŋgu. Akaʋata panhoʋo yake, akatendeʋudza ciso cake, akaramba kudya.

⁵Ɀino Izeberi mukadzi wake akaenda kwaari, akati: Mŋoyo wenyu uneshuŋgu neiko, ɀamusiŋgaɗi kudya?

⁶Iye akati kwaari: Nokuti ndakataura naNaboti muJezreeri, ndikati kwaari: Ndipe munda wako wemizambiriŋga, ndiuteŋge nemari; asi kana uciɗa hako, ndicakupa mumŋe munda wemizambiriŋga panɀimbo yawo, iye akapindura, akati: Handiŋgakupiyi munda waŋgu wemizambiriŋga.

⁷Ɀino Izeberi mukadzi wake akati kwaari: Ko hamuzi’mi munoɓata ʋushe pakati paIsraeri here? Mukai, mudye, mŋoyo wenyu ufare, nokuti ini ndicakupai munda wemizambiriŋga waNaboti muJezreeri.

⁸Naiɀoɀo akanyora ŋwadi nezita raAhabi, akadzisimbisa necisimbiso cake, akatuma ŋwadi idzo kuʋakuru, nokumacinda, ʋaiʋa muguta rake, ʋakaŋga ʋagere naNaboti.

⁹Akanyora paŋwadi idzo, aciti: Tarai musi wokuɀinyima ɀokudya nawo, mukudze Naboti pakati paʋanhu.

¹⁰Mugoraira ʋanhu ʋaʋiri ʋakaiȿo‐ipa ʋamire pamberi pake, ʋamupupurire, ʋaciti: Iwe wakatuka Mŋari namambo. Ipapo muende naye kunze kweguta, mumutake namabge, afe.

¹¹Ipapo ʋarume ʋeguta rake, iʋo ʋakuru namacinda, ʋakaŋga ʋagere muguta rake, ʋakaita seɀaʋakarairwa naIzeberi, seɀakanyorwa paŋwadi dzaʋakaŋga ʋatumirwa naye.

¹²Ʋakatara zuʋa rokuɀinyima ɀokudya, ʋakakudza Naboti pakati paʋanhu.

¹³Ɀino ʋarume ʋaʋiri ʋakaiȿo‐ipa ʋakapinda, ʋakandogara pamberi pake; ʋarume aʋa ʋakaiȿo‐ipa ʋakamupupurira, iye Naboti, pamberi paʋanhu, ʋakati: Naboti wakatuka Mŋari namambo. Ɀino ʋakaɓuɗa naye paguta, ʋakamutaka namabge, akafa.

¹⁴Ipapo ʋakatuma shoko kunaIzeberi, ʋakati: Naboti watakwa namabge, wafa.

¹⁵Ɀino Izeberi wakati acinzwa kuti Naboti watakwa namabge, wafa, Izeberi akati kunaAhabi: Simukai, mundoɀitorera munda wemizambiriŋga waNaboti muJezreeri, uyo waakaɗeya kuramba kukupai, ŋguʋa yamakaɗa kumupa mari, nokuti Naboti haaciri mupenyu, asi wafa.

¹⁶Ɀino Ahabi wakati acinzwa kuti Naboti wafa, Ahabi akasimuka, akaɓuruka kumunda wemizambiriŋga waNaboti muJezreeri, kundoɀitorera iwo.

¹⁷Ɀino shoko raJehova rakaȿika kunaEria muTishbi, riciti:

¹⁸Simuka, ɓuruka undosoŋgana naAhabi mambo waIsraeri, unogara Samaria; ucamuwana ari mumunda wemizambiriŋga waNaboti, kwaaɓurukira kundoɀitorera iwo.

¹⁹Umuʋudze, uti: Ɀanzi naJehova: Waʋuraya, ɀino watora ʋo here? Ɀino umuʋudze ʋo, uti: Ɀanzi naJehova: Apo pakananɀa imbga ropa raNaboti, ndipo padzicananɀa ropa rako ʋo.

²⁰Ahabi akati kunaEria: Wandiwana, iwe muʋeŋgi waŋgu, here? Akapindura, akati: Ndakuwana; nokuti waɀiteŋgesa kuti uite ɀakaipa pamberi paJehova.

²¹Tarira, ndicaʋuyisa ɀakaipa pamsoro pako, ndicakutȿaira cose, ubve, ndicaparadza ʋanakomana ʋose ʋaAhabi, ʋaɗuku naʋakuru kuʋaIsraeri.

²²Imba yako ndicaiita seimba yaJeroboami mŋanakomana waNebati, neimba yaBaasha mŋanakomana waAhija, nemhaka yokuti wakanditsamŋisa iwe, ukatadzisa Israeri.

²³Ʋuye Jehova akataura pamsoro paIzeberi, akati: Imbga dzicadya Izeberi paruȿiŋgo rweJezreeri.

²⁴Aninani waAhabi, unofira muguta, ucadyiwa nembga, aninani, unofira kusaŋgo, ucadyiwa neshiri dzokuɗeŋga.

²⁵(Asi hakunomunhu wakafanana naAhabi, wakaɀiteŋgesa kuti aite ɀakaipa pamberi paJehova, acikurudzirwa naIzeberi mukadzi wake.

²⁶Akaita ɀakanyaŋgadza kwaɀo, nokuti wakateʋera ɀifananidzo netsika dzose dzaʋaAmori, iʋo ʋakaŋga ʋadziŋgwa naJehova pamberi paʋana ʋaIsraeri).

²⁷Ɀino Ahabi wakati acinzwa mashoko iwayo, akabvarura ŋguʋo dzake, akasimira magumbu pamuʋiri wake, akaɀinyima ɀokudya, akaʋata pasi namagumbu, akanatso‐famba.

²⁸Ɀino shoko reJehova rikaȿika kunaEria muTishbi, riciti:

²⁹Unoʋona here kuti Ahabi unoɀininipisa pamberi paŋgu? Ɀaanoɀininipisa pamberi paŋgu, handiŋgaʋuyisi ɀakaipa iɀo pamazuʋa ake; asi pamazuʋa omŋanakomana wake ndicaʋuyisa ɀakaipa iɀo pamsoro peimba yake.