Read Original Shona Union Bible 1949 Baiberi Magwaro Matȿene aMŋari I Madzimambo 22 Bible Online

I Madzimambo 22 - Original Shona Union Bible 1949 Baiberi Magwaro Matȿene aMŋari bible

I Madzimambo 22

¹Ɀino ʋakagara makore matatu kusino‐kurwa pakati paʋaSiria naʋaIsraeri.

²Ɀino negore recitatu Jehoshafati mambo waJuda wakaɓurukira kunamambo waIsraeri.

³Ipapo mambo waIsraeri akati kuʋaranda ʋake: Munoziʋa here kuti Ramoti‐gireadi ndereɗu? Asi isu tigere heɗu tinyerere, tisiŋgaritori kunamambo weSiria.

⁴Akati kunaJehoshafati: Ucaenda neni kundorwa neRamoti‐gireadi here? Jehoshafati akati kunamambo waIsraeri: Ini ndakaita sewe, naʋanhu ʋaŋgu saʋanhu ʋako, namabiza aŋgu samabiza ako.

⁵Jehoshafati akati kunamambo waIsraeri: Ƌombobvunza hako shoko raJehova nhasi.

⁶Ɀino mambo waIsraeri akaʋuŋganidza ʋaprofita, ʋaneŋge ʋarume ʋaiʋa namazana manna, akati kwaʋari: Ndiende kundorwa neRamoti‐gireadi here, kana ndirege? Iʋo ʋakati: Endai, nokuti Ishe ucariisa mumaʋoko amambo.

⁷Asi Jehoshafati akati: Hakucinomumŋe muprofita waJehova pano here, timubvunze?

⁸Mambo waIsraeri akati kunaJehoshafati: Mumŋe murume uci’ko, Mikaya mŋanakomana waImra, watiŋgabvunza kuɗa kwaJehova naye, asi ini ndinomuʋeŋga, nokuti haaprofiti ɀakanaka pamsoro paŋgu, asi ɀakaipa. Jehoshafati akati: Mambo ŋgaarege kuɗaro.

⁹Ɀino mambo waIsraeri akaɗana muranda, akati: Kurumidza undotora Mikaya mŋanakomana waImra.

¹⁰Ɀino mambo waIsraeri naJehoshafati mambo waJuda ʋakaŋga ʋagere mumŋe nomumŋe pacigaro cake coʋushe, ʋakafuka ŋguʋo dzaʋo dzoʋushe paɗare pasuʋo reSamaria; ʋaprofita ʋose ʋakaprofita pamberi paʋo.

¹¹Zedekia mŋanakomana waKenaani akaɀiitira nyaŋga dzamatare, akati: Ɀanzi naJehova: Nedzidzi mucatuŋga ʋaSiria, kuȿikira ʋapera.

¹²Naʋamŋe ʋaprofita ʋose ʋakaprofita saiɀoɀo, ʋakati: Endai Ramoti‐gireadi, mucakunda, nokuti Jehova ucariisa muruʋoko rwamambo.

¹³Ɀino nhume yakaŋga yandoɗana Mikaya yakataura kwaari, ikati: Tarirai, mashoko aʋaprofita anobvumirana acitaura ɀakanaka kunamambo; ɀino ndinokumbira kuti shoko renyu riʋe seshoko romumŋe waʋo, mutaure ʋo ɀakanaka.

¹⁴Ipapo Mikaya akati: NaJehova mupenyu, iɀo ɀinorebga naJehova kwandiri, ndiɀo ɀandicataura.

¹⁵Ɀino wakati aciȿika kunamambo, mambo akati kwaari: Mikaya, tiende kundorwa neRamoti‐gireadi here, kana tirege? Akamupindura, akati: Endai henyu, mucakunda, nokuti Jehova ucariisa muruʋoko rwamambo.

¹⁶Mambo akati kwaari: Ndinofanira kukupikisa kaŋgani here kuti undiʋudze ɀokwaɗi yoga nezita raJehova?

¹⁷Iye akati: Ndaʋona ʋaIsraeri ʋose ʋakapararira pamakomo samakwai asino‐mufudzi; Jehova akati: Aʋa haʋanatenzi, mumŋe nomumŋe ŋgaadzokere kumusha kwake norugare.

¹⁸Mambo waIsraeri akati kunaJehoshafati: Handina‐kukuʋudza here, kuti haaŋgaprofiti ɀakanaka pamsoro paŋgu, asi ɀakaipa?

¹⁹Mikaya akati: Ɀino cinzwai shoko raJehova: Ndakaʋona Jehova agere pacigaro cake coʋushe, nehondo dzose dzokuɗeŋga dzimire naye kurudyi rwake nokuruɓoshwe rwake.

²⁰Ipapo Jehova akati: Ndianiko ucandonyeŋgera Ahabi, aende, andoʋurawa paRamoti‐gireadi? Ɀino mumŋe akati ɀokuti, nomumŋe ɀe akati ɀokuti.

²¹Ɀino mŋeya ukaɓuɗa, ukamira pamberi paJehova, ukati: Ini ndicandomunyeŋgera.

²²Jehova akati kwauri: Neiko? Iwo ukati: Ndicaenda, ndicaʋa mŋeya wenhema mumiromo yaʋaprofita ʋake ʋose. Iye akati: Iwe ndiwe ucamunyeŋgera, ucakunda ʋo; enda hako, undoita saiɀoɀo.

²³Naiɀoɀo ɀino, tarirai, Jehova wakaisa mŋeya wenhema mumiromo yaʋaprofita ʋenyu aʋa ʋose, asi Jehova wakataura ɀakaipa pamsoro penyu.

²⁴Ipapo Zedekia mŋanakomana waKenaani akasweɗera, akaroʋa Mikaya paɗama rake, akati: Mŋeya waJehova wakaenda nepiko ucibva kwandiri kundotaura newe?

²⁵Mikaya akati: Ucaɀiʋona musi uyo waucandoʋanda mukamuri yomukati.

²⁶Ipapo mambo waIsraeri akati: Ƃatai Mikaya, mumuise kunaAmoni muɓati weguta, nokunaJoashi mŋanakomana wamambo,

²⁷muti: Ɀanzi namambo: Pinzai munhu uyu mutoroŋgo, mumupe ɀokudya ɀokutambudzika, nemvura yokutambudzika, kuȿikira ndicidzoka norugare.

²⁸Ipapo Mikaya akati: Kana mukadzoka norugare, Jehova haana‐kutaura neni. Akati: Inzwai, imi ʋanhu, imi mose.

²⁹Naiɀoɀo mambo waIsraeri naJehoshafati mambo waJuda ʋakaenda Ramoti‐gireadi.

³⁰Ɀino mambo waIsraeri akati kunaJehoshafati: Ini ndicaɀishandura, ndigondorwa; asi iwe cifuka ŋguʋo dzako dzoʋushe. Mambo waIsraeri akaɀishandura, akandorwa.

³¹Ɀino mambo weSiria wakaŋga araira ʋatariri ʋeŋgoro dzake, ʋanamakumi matatu naʋaʋiri, akati: Regai kurwa naʋaɗuku kana naʋakuru, asi namambo waIsraeri oga.

³²Ɀino ʋatariri ʋeŋgoro ʋakati ʋaciʋona Jehoshafati, ʋakati: Ɀirokwaɀo ndiye mambo waIsraeri. Ʋakatsaukira kundorwa naye; ɀino Jehoshafati akaridza mhere.

³³Ipapo ʋatariri ʋeŋgoro ʋakati ʋaciʋona kuti haazi mambo waIsraeri, ʋakadzoka pakumuteʋera.

³⁴Ɀino mumŋe murume akahwembura ʋuta bgake asiŋgashumbi hake, akafura mambo waIsraeri pakati peɀisuŋgo ɀeŋguʋo dzake dzokurwa nadzo; ipapo mambo akati kumufambisi weŋgoro yake: Dzoka, undiise kunze kwehondo, nokuti ndakuʋadzwa kwaɀo.

³⁵Kurwa kukanyanya kwaɀo nomusi uyo; mambo akatsigirwa muŋgoro yake pakurwa naʋaSiria, akafa maɗekwana; ropa rikaɓuɗa paʋaŋga rikayerera mukati meŋgoro.

³⁶Ɀino zuʋa rakati roʋira mhere ikanzwika pahondo yose, iciti: Mumŋe nomumŋe ŋgaadzokere kuguta rake, mumŋe nomumŋe kunyika yake.

³⁷Naiɀoɀo mambo akafa, akaiswa Samaria, ʋakaʋiga mambo paSamaria.

³⁸Ʋakasuka ŋgoro padziʋa reSamaria, imbga dzikananɀa ropa rake; (ndipo paishamba ɀifeʋe); seɀakaŋga ɀarebga neshoko raJehova.

³⁹Ɀino mamŋe maɓasa aAhabi, neɀose ɀaakaita, neimba yenyaŋga dzenzou yaakaʋaka, namaguta ose aakaʋaka, haɀina‐kunyorwa here mubuku yamakoronike amadzimambo aIsraeri?

⁴⁰Naiɀoɀo Ahabi akaʋata namadziɓaɓa ake, Ahazia mŋanakomana wake akamuteʋera paʋushe.

⁴¹Ɀino Jehoshafati mŋanakomana waAsa, wakataŋga kuɓata ʋushe bgaJuda negore recinna raAhabi mambo waIsraeri.

⁴²Jehoshafati wakaŋga aʋa namakore makumi matatu namashanu pakutaŋga kwake kuɓata ʋushe; akaɓata makore makumi maʋiri namashanu paJerusarema. Zita ramai ʋake rakaŋga riri Azuba, mukunda waShirhi.

⁴³Akafamba panzira dzose dzaɓaɓa ʋake Asa; haana‐kutsauka padziri, asi wakaita ɀakarurama pamberi paJehova; kunyaŋge ɀakaɗaro matunhu akakwirira haana‐kubviswa, ʋanhu ʋakaramba ʋaciŋgoɓayira nokupisira ɀinonhuwira pamatunhu akakwirira.

⁴⁴Jehoshafati akayanana namambo waIsraeri.

⁴⁵Ɀino mamŋe maɓasa aJehoshafati, nesimba rakaʋonekwa kwaari, nokurwa kwake, haɀina‐kunyorwa here mubuku yamakoronike amadzimambo aJuda?

⁴⁶Ʋasodomi ʋo, ʋakaŋga ʋasiyiwa pamazuʋa aAsa ɓaɓa ʋake, akaʋabvisa ʋo panyika.

⁴⁷Asi paEdomi pakaŋga pasinamambo, mumŋe wakaŋga aciɓata panɀimbo yamambo.

⁴⁸Jehoshafati akaʋaka ɀikepe ɀeTarshishi kuenda Ofiri kuzotora ndarama; asi haɀina‐kuenda, nokuti ɀikepe ɀakaputsika paEzioni‐geberi.

⁴⁹Ɀino Ahazia mŋanakomana waAhabi akati kunaJehoshafati: Ʋaranda ʋaŋgu ŋgaʋaende naʋaranda ʋako neɀikepe. Asi Jehoshafati wakaramba.

⁵⁰Jehoshafati akaʋata namadziɓaɓa ake, akaʋigwa kunamadziɓaɓa ake paguta raDavidi ɓaɓa ʋake, Jehorami mŋanakomana wake akamuteʋera paʋushe.

⁵¹Ahazia mŋanakomana waAhabi, akataŋga kuɓata ʋushe bgaIsraeri paSamaria pagore regumi namanomŋe raJehoshafati mambo waJuda, akaɓata ʋushe bgaIsraeri makore maʋiri.

⁵²Akaita ɀakaipa pamberi paJehova, akafamba nenzira yaɓaɓa ʋake, ʋuye nenzira yamai ʋake, ʋuye nenzira yaJeroboami mŋanakomana waNebati, wakatadzisa Israeri.

⁵³Nokuti wakashumira Baari, akanamata kwaari, akatsamŋisa Jehova Mŋari waIsraeri, seɀakaita ɓaɓa ʋake paɀose.