Read Original Shona Union Bible 1949 Baiberi Magwaro Matȿene aMŋari I Madzimambo 5 Bible Online

I Madzimambo 5 - Original Shona Union Bible 1949 Baiberi Magwaro Matȿene aMŋari bible

I Madzimambo 5

¹Ɀino Hirami, mambo weTire, wakatumira ʋaranda ʋake kunaSoromoni, nokuti wakaŋga anzwa kuti ʋakamuzodza aʋe mambo panɀimbo yaɓaɓa ʋake; nokuti Hirami wakaŋga aciɗa Davidi ŋguʋa yose.

²Soromoni akatuma nhume kunaHirami, akati:

³Munoziʋa kuti Davidi ɓaɓa ʋaŋgu, ʋakaŋga ʋasiŋgagoni kuʋakira zita raJehova Mŋari waʋo imba, nokuɗa kwehondo dzairwiwa kumatiʋi ose, kuȿikira Jehova aʋaisa pasi petsoka dzake.

⁴Asi ɀino Jehova Mŋari waŋgu wakandizorodza kumatiʋi ose, hakunomuʋeŋgi kana cimŋe cinhu cakaipa.

⁵Ɀino tarirai, mŋoyo waŋgu unoɗa kuʋakira zita raJehova Mŋari waŋgu imba, seɀakataurwa naJehova kunaɓaɓa ʋaŋgu, aciti: Mŋanakomana wako, wandicagadza pacigaro cako coʋushe panɀimbo yako, ndiye ucaʋakira zita raŋgu imba.

⁶Naiɀoɀo ɀino, cirairai kuti ʋanditemere miti yemisidari paRebanoni; ʋaranda ʋaŋgu ʋacaɓata pamŋe cete naʋaranda ʋenyu; ini ndicakupai muɓairo waʋaranda ʋenyu seɀamucareʋa; nokuti munoziʋa kuti pakati peɗu hapanomunhu unoziʋa kutema matanda uŋgafanana naʋaZidoni.

⁷Ɀino Hirami wakati acinzwa mashoko aSoromoni, akafara kwaɀo, akati: Nhasi Jehova ŋgaaʋoŋgwe, iye wakapa Davidi mŋanakomana wakaŋgwara kuzoɓata ʋanhu aʋa ʋazhinji.

⁸Ipapo Hirami akatuma nhume kunaSoromoni, akati: Ndanzwa shoko ramatuma kwandiri; ndicaita ɀose ɀamunoɗa pamsoro pamatanda emisidari, namatanda emisipresi.

⁹Ʋaranda ʋaŋgu ʋacaaɓurusa paRebanoni ʋaciaisa kuguŋgwa; ndicaaɓatanidza aende neguŋgwa seɀamucandiraira, ndicaraira kuti asunuŋgurwe ipapo, muagamucire; imi mugoita seɀandinoɗa, mucipa ʋanhu ʋeimba yaŋgu ɀokudya.

¹⁰Naiɀoɀo Hirami akapa Soromoni matanda emisidari namatanda emisipresi, ɀose seɀaaiɗa.

¹¹Soromoni akapa ʋo Hirami ɀiyero ɀineɀuru ɀamakumi maʋiri ɀeɀiyo,[3] ɀiʋe ɀokudya ɀaʋanhu ʋeimba yake; neɀiyero ɀinamakumi maʋiri ɀamafuta akaȿiniwa;[4] Soromoni akapa Hirami saiɀoɀo gore rimŋe nerimŋe.

¹²Jehova akapa Soromoni kuŋgwara, seɀaakamupikira; Hirami naSoromoni ʋainzwana, iʋo ʋaʋiri ʋakaita suŋgano.

¹³Mambo Soromoni akaɗana ʋanhu ʋecibaro pakati paʋaIsraeri ʋose; ʋanhu ʋecibaro ʋaiʋa ɀuru ɀinamakumi matatu.

¹⁴Akaʋatumira Rebanoni, mŋedzi mumŋe nomumŋe ɀuru ɀinegumi, ʋaciraʋana; ʋaiʋa paRebanoni mŋedzi mumŋe, nokumusha mŋedzi miʋiri; Adonirami ndiye wairaira ʋanhu ʋecibaro.

¹⁵Ʋuye Soromoni wakaŋga anaʋatakuri ʋemitoro ʋaneɀuru ɀinamakumi manomŋe, naʋatemi ʋamatanda pamakomo ʋaneɀuru ɀinamakumi masere;

¹⁶ʋatariri ʋakuru ʋaSoromoni, ʋairaira ɓasa, ʋasiŋgaʋereŋgwi, iʋo ʋaiʋa neɀuru ɀitatu namazana matatu, ʋairaira ʋanhu ʋaiɓate‐ɓasa.

¹⁷Mambo akaraira, ʋakaputsa mabge makuru, mabge aikosha, kuti ʋaroŋge nheyo dzeimba namabge akaʋezwa.

¹⁸Ʋaʋaki ʋaSoromoni naʋaʋaki ʋaHirami naʋaGebari ʋakaaʋeza, ʋakagadzira matanda namabge kuzoʋaka imba.