Read Original Shona Union Bible 1949 Baiberi Magwaro Matȿene aMŋari I Madzimambo 6 Bible Online

I Madzimambo 6 - Original Shona Union Bible 1949 Baiberi Magwaro Matȿene aMŋari bible

I Madzimambo 6

¹Ɀino pagore ramazana manna namakumi masere shure kwokuɓuɗa kwaʋana ʋaIsraeri panyika yeEgipita, pagore recinna rokuɓata ʋushe kwaSoromoni pakati paIsraeri, nomŋedzi weZifi, ndiwo mŋedzi wecipiri, wakataŋga kuʋaka imba yaJehova.

²Imba yakaʋakirwa Jehova namambo Soromoni yakaȿika makubiti makumi matanhatu pakureɓa kwayo, namakubiti makumi maʋiri paʋupamhi bgayo, namakubiti makumi matatu pakukwirira kwayo;

³ʋuye ɓiraʋira pamberi petembere yeimba yaJehova rakaȿika makubiti makumi maʋiri pakureɓa kwaro, ɀicienzana noʋupamhi bgeimba; ʋupamhi bgaro bgakaȿika makubiti anegumi pamberi peimba.

⁴Akaitira ʋo imba mawindi eɀitanda ɀakacinjikwa.

⁵Akaʋaka dzimba dzakaturikidzana pacidziro ceimba kunhiʋi dzose, pamadziro eimba kunhiʋi dzose, etembere napaitaura Jehova; akaita ʋo makamuri panhiʋi dzose dzakapoteredza;

⁶ʋupamhi bgeimba yapanyasi bgaiʋa namakubiti mashanu, noʋupamhi bgeimba yapakati makubiti matanhatu, noʋupamhi bgeimba yecitatu makubiti manomŋe; nokuti necokunze wakaʋaka ɀitukuriso pamadziro eimba kunhiʋi dzose, kuti matanda arege kupinda mukati mamadziro eimba.

⁷Ɀino imba pakuʋakwa kwayo, yakaʋakwa namabge akaŋga agadzirwa ipapo paʋaiaputsa; pakuʋakwa kwayo hakuna‐kunzwika mukati meimba nyundo, kana sanhu, kana nhumbi ipi neipi yeɗare.

⁸Mukoʋa wamakamuri apanyasi enhiʋi wakaŋga uri kurutiʋi rworudyi rweimba; ɀino ʋaikwira neɀikwiriso ɀinomonereka kumakamuri apakati, ʋuye kana ʋobva panaapakati ʋacienda kuneecitatu.

⁹Naiɀoɀo akaʋaka imba, akaipedza; ndokufukidza imba namatanda ʋuye namapuraŋga emisidari.

¹⁰Akaʋaka dzimba dzakaturikidzana paimba yose, imŋe neimŋe yakaŋga yakaita makubiti[5] mashanu pakukwirira kwayo, dzikaɓatanidzwa paimba namatanda emisidari.

¹¹Ɀino shoko raJehova rakaȿika kunaSoromoni, riciti:

¹²Kana iri imba iyi yaunoʋaka, kana ukafamba nemitemo yaŋgu, ukaita ɀandakatoŋga, ukaceŋgeta mirairo yaŋgu yose ukafamba nayo, ini ndicasimbisa shoko raŋgu newe, iro randakataura kunaDavidi ɓaɓa ʋako.

¹³Ndicagara pakati paʋana ʋaIsraeri, handiŋgarashi ʋanhu ʋaŋgu ʋaIsraeri.

¹⁴Naiɀoɀo Soromoni akaʋaka imba, akaipedza.

¹⁵Akaʋaka madziro eimba mukati namapuraŋga omusidari; kubva paguʋa reimba kuȿikira paɗeŋga ramadziro, akaafukidza necomukati namapuraŋga; akafukidza guʋa reimba namapuraŋga omusipresi.

¹⁶Akaʋaka ʋo neceshure kweimba imŋe imba yakaȿika makubiti anamakumi maʋiri namapuraŋga omusidari kubva paguʋa kuȿikira pamsoro pamadziro; akaiʋaka iyo paʋe paŋgataura Jehova, iri nɀimbo tȿene‐tȿene.

¹⁷Ɀino imba, iyo tembere, yakaŋga iri pamberi, yakaȿika makubiti makumi manna.

¹⁸Matanda omusidari mukati meimba akaŋga akaʋezwa namafundo namaruʋa akazaruka; yaiʋa misidari yoga, kwaŋga kusinebge rakaʋonekwa.

¹⁹Akagadzira paŋgataura Jehova mukati meimba, kuti agadzike’po areka yesuŋgano yaJehova.

²⁰Paŋgataura Jehova mukati pakaȿika makubiti makumi maʋiri pakureɓa kwapo, namakubiti makumi maʋiri paʋupamhi bgapo, namakubiti makumi maʋiri pakukwirira kwapo; akaɀifukidza ɀose nendarama yakaiȿo‐naka; neartari akaifukidza nomusidari.

²¹Naiɀoɀo Soromoni wakafukidza imba yose necomukati mayo nendarama yakaiȿo‐naka; akacinjikisa maketani endarama pamberi papaŋgataura Jehova, akaifukidza nendarama.

²²Akafukidza imba yose nendarama kuȿikira imba yose yapera; akafukidza ʋo artari yose yaiʋa yapaŋgataura Jehova nendarama.

²³Akaitira paŋgataura Jehova makerubi maʋiri omuorivi, rimŋe nerimŋe rakaȿika makubiti anegumi pakureɓa.

²⁴Ƃapiro rimŋe rekerubi rakaȿika makubiti mashanu pakureɓa kwaro, nerimŋe ɓapiro ʋo rekerubi makubiti mashanu; kubva pamuromo weɓapiro rimŋe kuȿikira pamuromo werimŋe ɀe, aiʋa makubiti anegumi.

²⁵Rimŋe kerubi rakaȿika ʋo makubiti anegumi; makerubi ose maʋiri akaŋga akaenzana pakukura nokuʋumbga.

²⁶Rimŋe kerubi rakaȿika makubiti anegumi, ʋuye ndiɀo ɀakaŋga ɀakaita rimŋe ʋo.

²⁷Akagadza makerubi mukati meimba yomukati; mapapiro amakerubi akaŋga akatambanudzwa, ɓapiro rimŋe rekerubi rimŋe rakaȿika kumadziro mamŋe, ʋuye ɓapiro rimŋe rekerubi rimŋe ɀe rakaȿika kunamamŋe madziro; mapapiro awo akagunɀana pakati peimba.

²⁸Akafukidza makerubi nendarama.

²⁹Akaʋeza pamadziro ose eimba kunhiʋi dzose mifananidzo yakaʋezwa yamakerubi nemicindwe, namaruʋa akazaruka, mukati nokunze;

³⁰akafukidza ʋo guʋa reimba nendarama, mukati nokunze.

³¹Akaitira mikoʋa yapaŋgataura Jehova magonhi omuorivi; ciʋiʋo capamsoro namagwatidziro ɀakaita makona mashanu.

³²Naiɀoɀo akaita magonhi maʋiri omuorivi, akaʋeza pamsoro pawo mifananidzo yamakerubi nemicindwe, namaruʋa akazaruka, akaafukidza nendarama; akaisa ndarama pamsoro pamakerubi napamicindwe.

³³Saiɀoɀo ʋo akaitira mikoʋa yetembere ɀiʋiʋo ɀemiorivi, ɀakaŋga ɀinenhiʋi inna dzakaenzana;

³⁴namagonhi maʋiri omusipresi; mapeŋga maʋiri egonhi rimŋe aipetwa, ʋuye mapeŋga maʋiri erimŋe gonhi ɀe aipetwa.

³⁵Akaʋezera’po makerubi nemicindwe namaruʋa akazaruka; akaɀifukidza nendarama, yakanatso‐iswa pamsoro peɀakaʋezwa.

³⁶Akaʋaka ruʋazhe rwomukati nemisara mitatu yamabge akaʋezwa, nomusara wamatanda omusidari.

³⁷Nheyo dzeimba yaJehova dzakaʋambga negore recinna raSoromoni, nomŋedzi weZivi.

³⁸Negore regumi nerimŋe, nomŋedzi weBuri, ndiwo mŋedzi worusere, imba ikapera cose neɀose ɀayo, seɀayaifanira kuʋakwa. Naiɀoɀo wakapedza makore manomŋe pakuiʋaka.