Read Original Shona Union Bible 1949 Baiberi Magwaro Matȿene aMŋari I Madzimambo 7 Bible Online

I Madzimambo 7 - Original Shona Union Bible 1949 Baiberi Magwaro Matȿene aMŋari bible

I Madzimambo 7

¹Soromoni wakepedza makore anegumi namatatu pakuʋaka imba yake, akapedza imba yake yose.

²Nokuti wakaʋaka imba nemiti yamatondo eRebanoni; yakaŋgaya kaȿika makubiti[6] anezana pakureɓa kwayo, namakubiti makumi mashanu paʋupamhi bgayo, namakubiti makumi matatu pakukwirira kwayo; akaiʋaka pamsoro pemisara minna yembiru dzemisidari, namatanda emisidari pamsoro pembiru.

³Yakaŋga yakafukidzwa namatanda emisidari kumsoro, pamsoro pamakamuri aiʋa namakumi manna namashanu pamsoro pembiru, makamuri anegumi namashanu pamusara mumŋe.

⁴Kwakaŋga kunemisara mitatu yamawindi, windi rimŋe rakatarisana nerimŋe windi, pamisara mitatu yakaturikidzana.

⁵Magonhi ose namagwatidziro ɀaiʋa namatiʋi manna akaenzana; windi rimŋe rakaŋga rakatarisana nerimŋe windi, pamisara mitatu yakaturikidzana.

⁶Akaita ɓiraʋira rembiru; rakaŋga rakaȿika makubiti makumi mashanu pakureɓa kwaro, namakubiti makumi matatu paʋupamhi bgaro, neɓiraʋira pamberi padzo, nedzimŋe mbiru namatanda makobvu pamberi padzo.

⁷Akaita ʋo ɓiraʋira recigaro cake coʋushe, paaŋgatoŋga mhaka, iro ɓiraʋira rokutoŋga; iro rakaŋga rakafukidzwa namapuraŋga omusidari kubva paguʋa kuȿikira paɗeŋga.

⁸Neimba yake yokugara, kunorumŋe ruʋazhe mukati meɓiraʋira, yakaŋga yakaitwa saiɀoɀo. Akaitira ʋo mukunda waFarao imba, (waakaŋga awana iye Soromoni,) yakaŋga yakafanana neɓiraʋira iro.

⁹Idzi dzose dzakaŋga dzakaʋakwa namabge anokosha, ari mabge akaʋezwa, akaenzaniswa ɀakanaka, akacekwa namajeko mukati nokunze, kubva panheyo kuȿikira kumsoro, nokunze ʋo kuȿikira kuruʋazhe rukuru.

¹⁰Nheyo dzakaŋga dzakaʋakwa namabge anokosha, mabge makuru, mabge akaȿika makubiti anegumi, namabge akaȿika makubiti masere.

¹¹Kumsoro kwakaŋga kunamabge anokosha, mabge akaʋezwa, akaenzaniswa ɀakanaka, namapuraŋga omusidari.

¹²Ruʋazhe rukuru rwakaŋga rwakapoteredza, rwakaŋga runemisara mitatu yamabge akaʋezwa, nomusara mumŋe wamatanda omusidari; rwakaŋga rwakafanana noruʋazhe rwomukati rweimba yaJehova, neɓiraʋira reimba.

¹³Ɀino mambo Soromoni akatuma ʋanhu kundotora Hirami paTire.

¹⁴Iye wakaŋga ari mŋanakomana wecirikadzi yorudzi rwaNaftari; ɓaɓa ʋake ʋaiʋa munhu weTire, mupfuri wendarira; iye wakaŋga akaŋgwara kwaɀo anenjere noʋumhizha kuɓata maɓasa ose endarira. Akaʋuya kunamambo Soromoni, akaɓata maɓasa ake ose.

¹⁵Nokuti wakaʋumba mbiru mbiri dzendarira, imŋe neimŋe yakaȿika makubiti anegumi namasere pakureɓa; ʋuye pakuyera rwonzi rwakaȿika makubiti anegumi namaʋiri rwakapoteredza mbiru imŋe neimŋe.

¹⁶Akaʋumba ʋo misoro miʋiri yendarira yakanyauswa, kuti iiswe pamsoro pembiru; musoro mumŋe wakaȿika makubiti mashanu pakureɓa, nomumŋe musoro makubiti mashanu ʋo pakureɓa.

¹⁷Misoro, yaiʋa pamsoro pembiru, yakaŋga inemimbure yakarukwa yendarira, neɀishoŋgo ɀamaketani; minomŋe yomusoro mumŋe, neminomŋe yomumŋe musoro ɀe.

¹⁸Akaita ʋo matamba; kwakaŋga kunemisara miʋiri yakapoteredza pamsoro pomumbure mumŋe, kufukidza misoro yakaŋga iri pamsoro pembiru; akaitira mumŋe musoro saiɀoɀo.

¹⁹Misoro, yaiʋa pamsoro pembiru paɓiraʋira, yakaŋga inamaruʋa amahapa akaʋezwa, akaȿika makubiti manna.

²⁰Kumsoro kwakaŋga kunemisoro ʋo pamsoro pembiru mbiri, pedyo neɗumbu rakaŋga riri parutiʋi rwomumbure wakarukwa; namatamba akaŋga anamazana maʋiri, akaita misara yakapoteredza pamsoro pomumŋe musoro.

²¹Ɀino akamisa mbiru paɓiraʋira retembere, akamisa mbiru yorudyi, akatumidza zita rayo Jakini; akamisa mbiru yoruɓoshwe, akatumidza zita rayo Boazi.

²²Pamsoro pembiru pakaŋga paneɀishoŋgo ɀamaruʋa amahapa; naiɀoɀo ɓasa rapambiru rakapera.

²³Ɀino akaita dziʋa rendarira yakanyauswa, rakaȿika makubiti anegumi paʋupamhi pamuromo, rakatenderera; kukwirira kwaro kwakaȿika makubiti mashanu; ʋuye pakuyera rwonzi rwakaȿika makubiti makumi matatu rwakaripoteredza.

²⁴Pasi pomuromo waro pakaŋga panamafundo akaripoteredza, akaŋga anegumi pakubiti rimŋe nerimŋe, aipoteredza dziʋa; mafundo akaita misara miʋiri, akaʋumbga pamŋe cete naro.

²⁵Rakaŋga rimire pamsoro penzombe gumi nembiri, nhatu dzakaŋga dzakatarira kurutiʋi rwokumsoro, nhatu kurutiʋi rwamaʋirazuʋa, nhatu kurutiʋi rwezasi, ʋuye nhatu kurutiʋi rwamabvazuʋa; dziʋa rakaŋga rakagadzwa pamsoro padzo, idzo dzakafuratirana.

²⁶Ʋukobvu bgaro bgaiʋa soʋupamhi bgecanza, ʋuye muromo waro wakaŋga wakafanana nomuromo wembiya, seruʋa rehapa; mukati maro maipinda mabati[7] aneɀuru ɀiʋiri.

²⁷Akaita ʋo ɀiŋgoro ɀinegumi ɀendarira; ciŋgoro cimŋe necimŋe caiȿika makubiti manna pakureɓa, namakubiti manna paʋupamhi, namakubiti matatu pakukwirira.

²⁸Ɀiŋgoro ɀakaŋga ɀakaitwa kuɗai: Ɀaiʋa noʋukomba, ʋukomba ubgo bgakakombga nemiɗeŋgerero.

²⁹Paʋukomba ubgo pakati pemiɗeŋgerero paiʋa neshumba, nenzombe, namakerubi; pamsoro pemiɗeŋgerero pakaŋga pakaɗaro ʋo; pasi peshumba nenzombe paiʋa neɀishoŋgo ɀakarembera.

³⁰Ciŋgoro cimŋe necimŋe caiʋa namakumbo manna endarira neɀokumonerekera’po ɀendarira; makumbo aco manna aiʋa neɀitsigiro; ɀitsigiro iɀo ɀakaŋga ɀakaʋumbirwa pasi pomudziyo wokushambidzira, neɀishoŋgo kurutiʋi rumŋe norumŋe.

³¹Muromo wawo pakati pomusoro nokumsoro kwawo wakaȿika kubiti rimŋe; muromo wawo wakaŋga wakatenderera, wakafanana necigadziko, kubiti rimŋe nehafu; pamuromo wawo paiʋa neɀakanyorwa, asi ʋukomba bgawo bgaiʋa namatiʋi manna akaenzana, ɀisina‐kutenderera.

³²Makumbo manna akaŋga ari pasi poʋukomba, ʋuye ɀokuɓatisa makumbo ɀaiʋa paŋgoro; gumbo rimŋe nerimŋe rakaȿika kubiti rimŋe nehafu pakukwirira kwaro.

³³Makumbo akaŋga akafanana namakumbo eŋgoro; ɀokuɓatisa makumbo, namafero, namasipoki, namaneivi ɀakaŋga ɀakaʋumbga ɀose.

³⁴Paiʋa neɀitsigiro ɀinna pamakona manna eciŋgoro cimŋe necimŋe; ɀitsigiro ɀaiʋa ɀimŋe neŋgoro imene.

³⁵Pamsoro peciŋgoro paiʋa necitenderere cakaȿika hafu yekubiti pakukwirira, ʋuye pamsoro peŋgoro ɀitsigiro ɀayo noʋukomba bgayo ɀaiʋa ɀimŋe.

³⁶Panhiʋi dzeɀitsigiro ɀayo, ʋuye paʋukomba bgayo akaʋeza makerubi neshumba, nemiti yemicindwe paɀakariŋgana, neɀishoŋgo kunhiʋi dzose.

³⁷Akaita ɀiŋgoro ɀinegumi saiɀoɀo; ɀose ɀakaŋga ɀakafanana pakuʋumbga nokuenzana, nomufananidzo mumŋe.

³⁸Akaita midziyo yokushambidzira inegumi; mudziyo mumŋe nomumŋe waipinda mabati[8] makumi manna emʋura; mudziyo mumŋe nomumŋe wakaȿika makubiti manna; paŋgoro dzose gumi pakaŋga panomudziyo paŋgoro imŋe neimŋe.

³⁹Akaisa ɀiŋgoro, ɀishanu kurutiʋi rworudyi rweimba, ʋuye ɀishanu kurutiʋi rworuɓoshwe rweimba; akagadzika dziʋa kurutiʋi rworudyi rweimba kumabvazuʋa necezasi.

⁴⁰Hirami akaita midziyo yokushambidzira, nefoshoro, nembiya. Naiɀoɀo Hirami akapedza maɓasa ose aakaitira Soromoni paimba yaJehova;

⁴¹ɀaiti: Mbiru mbiri, nembiya mbiri dzemisoro miʋiri, yaiʋa pamisoro yembiru; ʋuye mimbure miʋiri yokufukidza nayo mbiya mbiri dzemisoro miʋiri yaiʋa pamsoro pembiru;

⁴²namatamba anamazana manna emi mbure miʋiri, misara miʋiri yamatamba pamumbure mumŋe nomumŋe, kufukidza mbiya mbiri yemisoro yaiʋa pamsoro pembiru;

⁴³neɀiŋgoro ɀinegumi, nemidziyo yokushambidzira inegumi pamsoro peɀiŋgoro;

⁴⁴nedziʋa rimŋe, nenzombe gumi nembiri pasi pedziʋa;

⁴⁵nehari, nefoshoro, nembiya; nhumbi idzi dzose dzakaitirwa mambo Soromoni naHirami mumba maJehova, dzakaŋga dzakaitwa nendarira yakabginyiswa.

⁴⁶Mambo akadziʋumba paɓani raJoridani, pakati peSukoti neZaretani, paiʋa nevu rokuʋumba.

⁴⁷Soromoni haana‐kuyera nhumbi dzose, nokuti dzaiʋa zhinji kwaɀo; ʋakaŋga ʋasiŋgagoni kuʋereŋga kurema kwendarira.

⁴⁸Soromoni akaita nhumbi dzose dzaiʋa mumba maJehova, dzaiti: Artari yendarama, netafura yendarama paiʋa neɀiŋgwa ɀokuratidza;

⁴⁹nemŋenje yendarama yakaiȿo‐naka, mishanu kurutiʋi rworudyi, nemishanu kurutiʋi rworuɓoshwe, pamberi papaŋgataura Jehova; namaruʋa, nemŋenje, nembato dzendarama;

⁵⁰nemikombe, nembato dzemŋenje, nembiya, neɀiroŋgo, neɀaeŋga ɀomŋoto ɀendarama yakaiȿo‐naka; neɀiɓato ɀamagonhi ɀendarama, ɀamagonhi eimba yomukati, iyo nɀimbo tȿene‐tȿene, neɀamagonhi eimba, iyo tembere.

⁵¹Naiɀoɀo ɓasa rose, rakaitwa namambo Soromoni paimba yaJehova, rakapera. Soromoni akaisa ʋo nhumbi dzakaŋga dzatsaurirwa Mŋari naDavidi ɓaɓa ʋake, sirveri, nendarama, nemidziyo, akadziisa padzimba dzokuceŋgeta fuma dzeimba yaJehova.