Read Original Shona Union Bible 1949 Baiberi Magwaro Matȿene aMŋari II Madzimambo 1 Bible Online

II Madzimambo 1 - Original Shona Union Bible 1949 Baiberi Magwaro Matȿene aMŋari bible

II Madzimambo 1

¹Ɀino ʋaMoabi ʋakamukira ʋaIsraeri, shure kwokufa kwaAhabi.

²Ɀino Ahazia wakaŋga awira pasi napawindi yekamuri yake yokumsoro, yaiʋa paSamaria, akarwara, akatuma nhume, akati kwaʋari: Endai mundobvunza Baari‐zebubi, mŋari weEkroni, kana ndicapora pakurwara uku.

³Asi mutumŋa waJehova akati kunaEria muTishbi: Simuka, undosoŋgana nenhume dzamambo weSamaria, uti kwaʋari: Asi hapanaMŋari here pakati paIsraeri, ɀamondobvunza Baari‐zebubi, mŋari weEkroni?

⁴Naiɀoɀo ɀanzi naJehova: Hauŋgaɓuruki ɀe pamubeda wawakwira, asi ɀirokwaɀo ucafa. Eria akabva.

⁵Ipapo nhume dzakadzokera kwaari, iye akati kwaʋari: Madzokereiko?

⁶Iʋo ʋakati kwaari: Mumŋe murume wakaʋuya akasoŋgana nesu, akati kwatiri: Endai, dzokerai kunamambo wakakutumai, muti kwaari: Ɀanzi naJehova: Asi hapanaMŋari here pakati paIsraeri, ɀawotuma ʋanhu kundobvunza Baari‐zebubi mŋari weEkroni? Naiɀoɀo hauŋgaɓuruki ɀe pamubeda wawakwira, asi ɀirokwaɀo ucafa.

⁷Akati kwaʋari: Murume, wakaʋuya akasoŋgana nemi, akakuʋudzai mashoko awo, wakaŋga akaɗiniko?

⁸Ʋakamupindura, ʋakati: Wakaŋga ari murume wakafuka ŋguʋo yemvere, akaɀisuŋga ciʋuno cake nebanhire reganda. Iye akati: Ndiye Eria muTishbi.

⁹Ipapo mambo akatuma kwaari mukuru waʋarume ʋanamakumi mashanu, anaʋanhu ʋake ʋanamakumi mashanu. Iye akakwira kwaari, akamuwana agere pamsoro pegomo. Akati kwaari: Nhai munhu waMŋari, ɀanzi namambo: Ƃurukai.

¹⁰Eria akapindura, akati kumukuru waʋanamakumi mashanu: Kana ndiri munhu waMŋari, mŋoto ŋgauɓuruke kuɗeŋga, ukuparadze iwe naʋanhu ʋako ʋanamakumi mashanu. Ipapo mŋoto ukaɓuruka kuɗeŋga, ukamuparadza iye naʋanhu ʋake ʋanamakumi mashanu.

¹¹Akatuma ɀe kwaari mumŋe mukuru waʋanamakumi mashanu, anaʋanhu ʋake ʋanamakumi mashanu. Iye akapindura, akati kwaari: Nhai munhu waMŋari, ɀanzi namambo: Kurumidzai muɓuruke.

¹²Eria akapindura, akati kwaʋari: Kana ndiri munhu waMŋari, mŋoto ŋgauɓuruke kuɗeŋga, ukuparadze iwe naʋanhu ʋako ʋanamakumi mashanu. Ipapo mŋoto waMŋari ukaɓuruka kuɗeŋga, ukamuparadza iye naʋanhu ʋake ʋanamakumi mashanu.

¹³Akatuma ɀe mumŋe mukuru waʋanamakumi mashanu, wecitatu, anaʋanhu ʋake ʋanamakumi mashanu. Ɀino iye mukuru waʋanamakumi mashanu, wecitatu, akakwira, akafugama namabvi ake pamberi paEria, akakumbira, akati kwaari: Haiwa, munhu waMŋari, ʋupenyu bgaŋgu nobgaʋaranda ʋenyu aʋa ʋanamakumi mashanu, ŋgaciʋe cinhu cinokosha pamberi penyu.

¹⁴Tarirai, mŋoto wakaɓuruka kuɗeŋga, ukapisa ʋakuru ʋaʋiri ʋaʋanamakumi mashanu ʋokutaŋga naʋanhu ʋaʋo ʋanamakumi mashanu; naiɀoɀo ʋupenyu bgaŋgu ɀino ŋgaciʋe cinhu cinokosha pamberi penyu.

¹⁵Ipapo mutumŋa waJehova akati kunaEria: Ƃuruka naye, usamutya hako. Akasimuka, akaenda naye kunamambo.

¹⁶Akati kwaari: Ɀanzi naJehova: Ɀawakatuma nhume kundobvunza Baari‐zebubi, mŋari weEkroni, asi hapanaMŋari here pakati paIsraeri, wauŋgabvunza shoko rake? Naiɀoɀo hauŋgaɓuruki ɀe pamubeda wawakwira, asi ɀirokwaɀo ucafa.

¹⁷Naiɀoɀo akafa seshoko raJehova rakaŋga rarebga naEria. Jehorami akamuteʋera paʋushe, akataŋga kuɓata ʋushe pagore recipiri raJehorami mŋanakomana waJehoshafati mambo waJuda; nokuti iye wakaŋga asinomŋana.

¹⁸Mamŋe maɓasa aAhazia aakaɓata, haana‐kunyorwa here mubuku yamakoronike amadzimambo aIsraeri?