Read Original Shona Union Bible 1949 Baiberi Magwaro Matȿene aMŋari II Madzimambo 10 Bible Online

II Madzimambo 10 - Original Shona Union Bible 1949 Baiberi Magwaro Matȿene aMŋari bible

II Madzimambo 10

¹Ɀino Ahabi wakaŋga anaʋanakomana ʋanamakumi manomŋe paSamaria. Jehu akanyora ŋwadi, akadzitumira Samaria kuʋaɓati ʋeJezreeri, iʋo ʋakuru, nokuʋareri ʋaʋana ʋaAhabi, akati:

²Ɀino kana ŋwadi iyi iciȿika kwamuri, ʋanakomana ʋatenzi waŋgu ɀaʋari’ko kwamuri, neŋgoro namabiza ɀiri’ko kwamuri, neguta rakakombga noruȿiŋgo, nenhumbi dzokurwa nadzo;

³ciɀitsaurirai mŋanakomana watenzi wenyu wakaiȿo‐naka wakakwana kukunda ʋamŋe, mumugadze pacigaro coʋushe caɓaɓa ʋake, murwire imba yatenzi wenyu.

⁴Asi iʋo ʋakaŋga ʋacitya kwaɀo, ʋakati: Madzimambo maʋiri akaŋga asiŋgagoni kumukunda, ɀino isu ticamukunda seiko?

⁵Ɀino mutariri weimba nomutariri weguta, naʋakuru, naʋareri ʋaʋana ʋakatuma shoko kunaJehu, ʋaciti: Tiri ʋaranda ʋenyu, ticaita ɀose ɀamunotiraira; hatiŋgagadzi mumŋe mambo; itai henyu seɀamunoɗa.

⁶Ipapo wakanyora ŋwadi rwecipiri kwaʋari, akati: Kana mukanzwana neni, kana mukaterera inzwi raŋgu, ʋuyai kwandiri Jezreeri maŋgwana neŋguʋa ino nemisoro yaʋarume, iʋo ʋanakomana ʋatenzi wenyu. Ɀino ʋanakomana ʋamambo, iʋo ʋanhu ʋanamakumi manomŋe, ʋaiʋa kuʋakuru ʋeguta, ʋaiʋarera.

⁷Ɀino ŋwadi iyo yakati iciȿika kwaʋari, ʋakaɓata ʋanakomana ʋamambo, ʋakaʋaʋuraya, iʋo ʋanhu ʋanamakumi manomŋe, ʋakaisa misoro yaʋo mumateŋgu, ndokuitumira kwaari Jezreeri.

⁸Nhume ikaȿika, ikamuʋudza, ikati: Ʋaʋuya nemisoro yaʋanakomana ʋamambo. Iye akati: Itai mirwi miʋiri nayo, muiise paʋanopinda napo pasuʋo, kuȿikira maŋgwana.

⁹Fume maŋgwana akaɓuɗa, akandomira’po, akati kuʋanhu ʋose: Imi hamunemhoȿa henyu; tarirai, ndini ndamukira tenzi waŋgu, ndikamuʋuraya; asi ndianiko waʋuraya aʋa ʋose?

¹⁰Ɀino muziʋe kuti hakuneshoko rimŋe raJehova ricawira pasi, rakataurwa naJehova pamsoro peimba yaAhabi; nokuti Jehova wakaita ɀaakataura nomuranda wake Eria.

¹¹Naiɀoɀo Jehu akaʋuraya ʋose ʋakaŋga ʋasara ʋeimba yaAhabi paJezreeri, naʋanhu ʋake ʋakuru ʋose, neshamŋari dzake, naʋaprista ʋake, kuȿikira asina‐kumusiyira nomumŋe.

¹²Ɀino akasimuka, akabva, akaenda Samaria. Wakati aȿika paimba yaʋafudzi panzira, paʋaiʋeʋura makwai,

¹³Jehu akasoŋgana naʋanuŋuna ʋaAhazi mambo waJuda, akati: Ndimi aniko? Iʋo ʋakapindura, ʋakati: Tiri ʋanuŋuna ʋaAhazia, toɓuruka kundokwazisa ʋana ʋamambo naʋana ʋaʋahosi.

¹⁴Iye akati: Ʋaɓatei ʋari ʋapenyu. Ʋakaʋaɓata ʋari ʋapenyu, ʋakaʋaʋuraya padziʋa reimba paʋaiʋeʋura makwai, ʋarume ʋaiʋa ʋanamakumi manna naʋaʋiri; haana‐kusiya mumŋe waʋo.

¹⁵Ɀino wakati abva’po, akasoŋgana naJehonadabi mŋanakomana waRehabi, waŋga aciʋuya kuzosoŋgana naye; akamukwazisa, akati kwaari: Mŋoyo wako wakarurama here, sokururama kwomŋoyo waŋgu kwauri? Jehonadabi akapindura, akati: Wakarurama hawo. Kana ɀakaɗaro, ndiɓate ruʋoko rwaŋgu. Iye akaɓata ruʋoko rwake, ndokumukwidza muŋgoro maakaŋga ari.

¹⁶Akati: Hendei, undoʋona kushiŋgaira kwandinoshiŋgairira Jehova nako. Naiɀoɀo ʋakamufambisa muŋgoro yake.

¹⁷Wakati aȿika Samaria, akaʋuraya ʋose ʋakaŋga ʋasara ʋaAhabi muSamaria, kuȿikira amuparadza, seshoko raJehova rakaŋga rarebga naEria.

¹⁸Ipapo Jehu akaʋuŋganidza ʋanhu ʋose, akati kwaʋari: Ahabi wakashumira Baari ɀishoma, asi Jehu ucamushumira kwaɀo.

¹⁹Naiɀoɀo ɀino ciɗanai ʋaprofita ʋose ʋaBaari, naʋose ʋanonamata kwaari, naʋaprista ʋake ʋose, ʋaʋuye kwandiri; ŋgakurege kushaikwa kunyaŋge nomumŋe; nokuti ndinoɗa kuɓayira Baari ciɓayiro cikuru; aninani unoshaikwa haaŋgararami. Asi Jehu wakaita iɀoɀo namano, aciɗa kuʋuraya ʋanamati ʋaBaari.

²⁰Ɀino Jehu akati: Tsaurirai Baari zuʋa romutambo mukuru. Ʋakaparidza iɀoɀo.

²¹Ɀino Jehu akatuma nhume pakati paIsraeri pose, ʋose ʋanamati ʋaBaari ʋakaʋuya; hakunomunhu wakasara, akasaʋuya. Ʋakapinda mumba maBaari, imba yaBaari ikazara, kuȿika kumadziro nokumadziro.

²²Akati kumutariri weŋguʋo: Ʋigira ʋanamati ʋaBaari ʋose ŋguʋo. Iye akaʋaʋigira ŋguʋo.

²³Ipapo Jehu akapinda mumba maBaari, anaJehonadabi mŋanakomana waRekabi, akati kuʋanamati ʋaBaari: Tȿakai, mutarire kwaɀo kuti pano pakati penyu parege kuʋa nomuranda mumŋe waJehova, asi ʋanamati ʋaBaari ɓedzi.

²⁴Ʋakapinda kundoɓayira ɀiɓayiro neɀipiriso ɀinopiswa. Ɀino Jehu wakaŋga araira ʋarume ʋanamakumi masere panze, aciti: Kana mumŋe waʋarume ʋandinoisa pamaʋoko enyu akapukunyuka, munhu unomurega akapukunyuka, ucamufira.

²⁵Ɀino wakati apedza kuɓayira cipiriso cinopiswa, Jehu akati kuʋarindi nokuʋakuru: Pindai, muʋaʋuraye; musatendera mumŋe kuɓuɗa. Iʋo ʋakaʋaʋuraya neminondo inopinza; ʋarindi naʋakuru ʋakaʋarashira kunze, ʋakaenda kuguta reimba yaBaari.

²⁶Ipapo ʋakaɓuɗisa mbiru dzaiʋa mumba maBaari, ʋakadzipisa.

²⁷Ʋakaputsa ʋo mbiru yaBaari, ʋakaputsa ʋo imba yaBaari, ʋakaiita imba yecishaŋgo kuȿikira nhasi.

²⁸Naiɀoɀo Jehu wakaparadza Baari pakati paIsraeri.

²⁹Asi Jehu haana‐kurega kuteʋera ɀiʋi ɀaJeroboami mŋanakomana waNebati, ɀaakatadzisa Israeri naɀo, ɀemhuru dzendarama dzaiʋa paBeti‐eri, nedzaiʋa paDani.

³⁰Ɀino Jehova akati kunaJehu: Ɀawakaita ɀakanaka ukaita ɀakarurama pamberi paŋgu, ukaitira imba yaAhabi ɀose ɀakaŋga ɀiri mumŋoyo maŋgu, ɀino ʋana ʋako ʋorudzi rwecinna ʋacagara pacigaro coʋushe bgaIsraeri.

³¹Asi Jehu haana‐kuraŋgarira kufamba nomŋoyo wose nomurairo waJehova Mŋari waIsraeri; haana‐kurega ɀiʋi ɀaJeroboami ɀaakatadzisa Israeri naɀo.

³²Pamazuʋa iwayo Jehova wakataŋga kutapudza Israeri; Hazaeri akaʋakunda panyika yose yaIsraeri;

³³kubva kunaJoridani ɀicienda mabva‐zuʋa, nenyika yose yaGireadi, neyaʋaGadi, neyaʋaRubeni, neyaʋaManase, kubva paAroeri pamupata weArnoni, ndiro Gireadi neBashani.

³⁴Ɀino mamŋe maɓasa aJehu, neɀose ɀaakaita, nesimba rake rose, haɀina‐kunyorwa here mubuku yamakoronike amadzimambo aIsraeri?

³⁵Jehu akaʋata namadziɓaɓa ake, ʋakamuʋiga paSamaria, Jehoahazi mŋanakomana wake akamuteʋera paʋushe.

³⁶Ŋguʋa yakaɓata Jehu ʋushe bgaIsraeri paSamaria aiʋa makore anamakumi maʋiri namasere.