Read Original Shona Union Bible 1949 Baiberi Magwaro Matȿene aMŋari II Madzimambo 11 Bible Online

II Madzimambo 11 - Original Shona Union Bible 1949 Baiberi Magwaro Matȿene aMŋari bible

II Madzimambo 11

¹Ɀino Ataria mai ʋaAhazia, wakati aciʋona kuti mŋanakomana wake wafa, akasimuka, akaparadza ʋose ʋorudzi rwamambo.

²Asi Jehosheba mukunda wamambo Jorami, hanɀadzi yaAhazia, wakatora Joashi mŋanakomana waAhazia, akamuɓa pakati paʋanakomana ʋamambo ʋaiʋurawa, iye nomureri wake, mumba mokuʋata; ʋakamuʋanza panaAtaria, naiɀoɀo haana‐kuʋurawa.

³Akagara naye akaʋanzwa mumba maJehova makore matanhatu; Ataria akaɓata ʋushe panyika.

⁴Ɀino negore recinomŋe Jehoyada akatuma ʋanhu ʋakatora ʋakuru ʋamazana ʋaʋaKari naʋarindi ʋamambo, akaʋuya naʋo kwaari mumba maJehova, akaita suŋgano naʋo, akaʋapikisa mumba maJehova, akaʋaratidza mŋanakomana wamambo.

⁵Akaʋaraira, akati: Munofanira kuita kuɗai: Imi ʋanopinda nesaɓata, cetatu cenyu munofanira kuʋa ʋarindi ʋeimba yamambo;

⁶cimŋe cetatu cinofanira kumira pasuʋo rinonzi Suri; cimŋe cetatu ɀe ʋanofanira kumira pasuʋo riri shure kwaʋarindi ʋamambo; saiɀoɀo munofanira kurinda imba, nokuidziʋirira.

⁷Mapoka enyu maʋiri, imi mose munoɓuɗa nesaɓata, munofanira kurinda imba yaJehova mucikomba mambo.

⁸Mukombe mambo, mumŋe nomumŋe akaɓata nhumbi dzokurwa nadzo muruʋoko rwake; aninani unopinda pakati pemisara, unofanira kuʋurawa; mugare namambo kana aciɓuɗa ʋuye kana acipinda.

⁹Ʋakuru ʋamazana ʋakaita ɀose ɀaʋakarairwa nomuprista Jehoyada; mumŋe nomumŋe akatora ʋanhu ʋake, iʋo ʋaifanira kupinda nesaɓata, naiʋo ʋaifanira kuɓuɗa nesaɓata, ʋakaȿika kumuprista Jehoyada.

¹⁰Muprista akapa ʋakuru ʋamazana mapfumo nenhoʋo ɀaiʋa ɀamambo Davidi, ɀakaŋga ɀiri mumba maJehova.

¹¹Ɀino ʋarindi ʋamambo ʋakamira mumŋe nomumŋe akaɓata nhumbi dzokurwa nadzo muruʋoko rwake, kubva kurutiʋi rworudyi rweimba kuȿikira kurutiʋi rworuɓoshwe rweimba, napaartari neimba, ʋakakomba mambo.

¹²Ipapo akaɓuɗisa mŋanakomana wamambo, akamudzika korona, akamupa cipupuriro, ʋakamuita mambo, ʋakamuzodza; ndokuridza nhondo, ʋaciti: Mambo ŋgaararame!

¹³Ɀino Ataria wakati acinzwa mhere‐mhere yaʋarindi ʋamambo naʋanhu, akapinda kuʋanhu mumba maJehova.

¹⁴Akatarira, ndokuʋona mambo amire pambiru, netsika yaʋo, naʋakuru naʋakaŋga ʋanehwamanda ʋamire kunamambo; ʋanhu ʋose ʋenyika ʋakafara, ʋakaridza hwamanda. Ipapo Ataria akabvarura ŋguʋo dzake, akaɗanidzira, aciti: Ndamukirwa, ndamukirwa!

¹⁵Ɀino muprista Jehoyada akaraira ʋakuru ʋamazana, ʋairaira hondo, akati kwaʋari: Muɓuɗisei pakati pemisara yaʋanhu; aninani unomuteʋera iye, munofanira kumuʋuraya nomunondo; nokuti muprista wakati: Ŋgaarege kuʋurayirwa mukati meimba yaJehova.

¹⁶Naiɀoɀo ʋakamudziʋirira nzira, akaenda nenzira yaipinda mabiza nayo kumba kwamambo, ndokuʋurayirwa’po.

¹⁷Ɀino Jehoyada akaita suŋgano pakati paJehova namambo naʋanhu, kuti ʋaʋe ʋanhu ʋaJehova; ʋuye ʋo pakati pamambo naʋanhu.

¹⁸Ʋanhu ʋose ʋenyika ʋakaenda kumba kwaBaari, ʋakaiputsa; ʋakaputsanya kwaɀo artari dzake nemifananidzo yake, ʋakaʋuraya Matani muprista waBaari pamberi peartari. Muprista akagadza ʋatariri paimba yaJehova.

¹⁹Akatora ʋakuru ʋamazana, naʋaKari, naʋarindi ʋamambo, naʋanhu ʋose ʋenyika, ʋakaɓurusa mambo paimba yaJehova, ʋakaenda kumba kwamambo nenzira yesuʋo raʋarindi ʋamambo. Iye akagara pacigaro coʋushe camadzimambo.

²⁰Naiɀoɀo ʋanhu ʋose ʋenyika ʋakafara, guta rikanyarara; ʋakaʋuraya Ataria nomunondo paimba yamambo.

²¹Jehoashi wakataŋga kuɓata ʋushe anamakore manomŋe.