Read Original Shona Union Bible 1949 Baiberi Magwaro Matȿene aMŋari II Madzimambo 13 Bible Online

II Madzimambo 13 - Original Shona Union Bible 1949 Baiberi Magwaro Matȿene aMŋari bible

II Madzimambo 13

¹Ɀino negore ramakumi maʋiri namatatu raJoashi mŋanakomana waAhazia, mambo waJuda, Jehoahazi mŋanakomana waJehu wakataŋga kuɓata ʋushe bgaIsraeri paSamaria, akaʋuɓata makore anegumi namanomŋe.

²Akaita ɀakaipa pamberi paJehova, akateʋera ɀiʋi ɀaJeroboami mŋanakomana waNebati, ɀaakatadzisa Israeri naɀo; haana‐kutsauka kwaɀiri.

³Ɀino Jehova akatsamŋira Israeri, akaʋaisa muruʋoko rwaHazaeri mambo weSiria, nomuruʋoko rwaBeni‐hadadi mŋanakomana waHazaeri mazuʋa ose.

⁴Ipapo Jehoahazi akanyeŋgetera kunaJehova, Jehova akamunzwa; nokuti wakaʋona kutambudzwa kwaIsraeri kwaʋakatambudzwa nako namambo weSiria.

⁵(Asi Jehova wakapa Israeri muponesi, ʋakasunuŋguka pamaʋoko aʋaSiria; ʋana ʋaIsraeri ʋakagara mumatente aʋo sakare.

⁶Kunyaŋge ɀakaɗaro haʋana‐kutsauka paɀiʋi ɀeimba yaJeroboami, ɀaakatadzisa Israeri naɀo, asi ʋakaramba ʋacifamba maɀiri; ʋuye matanda okunamata nawo akaramba ari’po paSamaria.)

⁷Nokuti haana‐kusiyira Jehoahazi ʋanhu, asi ʋataȿi ʋamabiza ʋanamakumi mashanu, neŋgoro dzinegumi, naʋanhu ʋaifamba namakumbo ʋaneɀuru ɀinegumi; nokuti mambo weSiria wakaʋaparadza, akaʋaita seguruʋa rinotsikwa pasi.

⁸Mamŋe maɓasa aJehoahazi, neɀose ɀaakaita, nesimba rake, haɀina‐kunyorwa here mubuku yamakoronike amadzimambo aIsraeri?

⁹Jehoahazi akaʋata namadziɓaɓa ake, ʋakamuʋiga paSamaria; Joashi mŋanakomana wake akamuteʋera paʋushe.

¹⁰Negore ramakumi matatu namanomŋe raJoashi mambo waJuda, Jehoashi mŋanakomana waJehoahazi wakataŋga kuɓata ʋushe bgaIsraeri paSamaria, akaʋuɓata makore anegumi namatanhatu.

¹¹Akaita ɀakaipa pamberi paJehova; haana‐kutsauka paɀiʋi ɀaJeroboami mŋanakomana waNebati, ɀaakatadzisa Israeri naɀo; asi wakaramba acifamba maɀiri.

¹²Mamŋe maɓasa aJoashi, neɀose ɀaakaita, nesimba rake raakarwa naro naAmazia mambo waJuda, haɀina‐kunyorwa here mubuku yamakoronike amadzimambo aIsraeri?

¹³Joashi akaʋata namadziɓaɓa ake, Jeroboami akagara pacigaro cake coʋushe; Joashi akaʋigwa paSamaria kunamadzimambo aIsraeri.

¹⁴Ɀino Erisha wakarwara nokurwara kwaakazofa nako, Joashi mambo waIsraeri akaenda kwaari, akacema pamsoro pake, akati: Ƃaɓa ʋaŋgu, ɓaɓa ʋaŋgu, ŋgoro yaIsraeri naʋataȿi ʋamabiza ayo!

¹⁵Erisha akati kwaari: Tora ʋuta nemiseʋe; akatora ʋuta nemiseʋe.

¹⁶Akati kunamambo waIsraeri: Isa ruʋoko rwako paʋuta; iye akaisa ruʋoko rwake paʋuta. Erisha akaisa maʋoko ake pamsoro pamaʋoko ake.

¹⁷Akati: Zarura windi rinotarira mabvazuʋa; iye akarizarura. Ɀino Erisha akati: Fura! Iye akafura. Akati: Ndiwo museʋe waJehova unokunda, ndiwo museʋe unokunda ʋaSiria; nokuti imi mucakunda ʋaSiria paAfeki, kuȿikira maʋaparadza.

¹⁸Akati: Tora miseʋe; iye akaitora. Akati kunamambo waIsraeri: Roʋa pasi! Iye akaroʋa pasi katatu, akarega.

¹⁹Ipapo munhu waMŋari akamutsamŋira, akati: Waifanira kuroʋa kashanu kana katanhatu, ipapo waikunda ʋaSiria kuȿikira waʋaparadza cose; asi ɀino ucakunda ʋaSiria katatu ɓedzi.

²⁰Erisha akafa, ʋakamuʋiga. Ɀino hondo dzaʋaMoabi dzikapinda munyika pakutaŋga kwegore.

²¹Ɀino mumŋe musi ʋakati ʋaciʋiga munhu, ʋakaʋona hondo yaʋaMoabi, ʋakakandira munhu mubgiro bgaErisha; ɀino munhu uyo wakati acigunɀa mafupa aErisha, akararama ɀe, akamira namakumbo ake.

²²Ɀino Hazaeri mambo weSiria akatambudza ʋaIsraeri mazuʋa ose aJehoahazi.

²³Asi Jehova wakaʋanzwira tsitsi, akaʋa nenyasha naʋo, akaʋa ʋo nehanya naʋo, nokuɗa kwesuŋgano yake naAbrahama, naIsaka, naJakobo; akasaɗa kuʋaparadza, kana kuʋarashira kure naye paŋguʋa iyo.

²⁴Ɀino Hazaeri mambo weSiria akafa, Beni‐hadadi mŋanakomana wake akamuteʋera paʋushe.

²⁵Ipapo Jehoashi mŋanakomana waJehoahazi akatorera ɀe Beni‐hadadi mŋanakomana waHazaeri, maguta aakaŋga atorera ɓaɓa ʋake Jehoahazi pakurwa. Joashi akamukunda katatu, akatora ɀe maguta aIsraeri.