Read Original Shona Union Bible 1949 Baiberi Magwaro Matȿene aMŋari II Madzimambo 14 Bible Online

II Madzimambo 14 - Original Shona Union Bible 1949 Baiberi Magwaro Matȿene aMŋari bible

II Madzimambo 14

¹Negore recipiri raJoashi mŋanakomana waJoahazi mambo waIsraeri, Amazia mŋanakomana waJoashi mambo waJuda, akataŋga kuɓata ʋushe.

²Akataŋga kuɓata ʋushe anamakore makumi maʋiri namashanu; akaɓata ʋushe paJerusarema makore makumi maʋiri namapfumbamŋe; zita ramai ʋake rakaŋga riri Jehoadini weJerusarema.

³Akaita ɀakarurama pamberi paJehova, asi haana‐kufanana naɓaɓa ʋake Davidi; akaita ɀose ɀakaita ɓaɓa ʋake Joashi.

⁴Asi matunhu akakwirira haana‐kubviswa, asi ʋanhu ʋakaramba ʋaciɓayira nokupisa ɀinonhuwira pamatunhu akakwirira.

⁵Ɀino ʋushe bgakati ʋucaŋgosimbiswa naye, akaʋuraya ʋaranda ʋake ʋakaŋga ʋaʋuraya mambo ɓaɓa ʋake.

⁶Asi haana‐kuʋuraya ʋana ʋaʋaʋurayi, seɀaɀakanyorwa mubuku yomurairo waMosesi, seɀakaraira Jehova, aciti: Madziɓaɓa ŋgaarege kuʋurawa nokuɗa kwaʋana, kana ʋana ŋgaʋarege kuʋurawa nokuɗa kwamadziɓaɓa; asi munhu mumŋe nomumŋe ŋgaafire ɀiʋi ɀake.

⁷Akaʋuraya ʋaneɀuru ɀinegumi ɀaʋaEdomi pamupata womunyu, akakunda ʋo Sera pakurwa, akaritumidza zita rinonzi Jokteeri, kuȿikira zuʋa ranhasi.

⁸Ɀino Amazia akatuma nhume kunaJehoashi mŋanakomana waJehoahazi mŋanakomana waJehu, mambo waIsraeri, akati: Ʋuya, tiʋonane.

⁹Jehoashi mambo waIsraeri akatuma shoko kunaAmazia mambo waJuda, akati: Rukato rwakaŋga ruri paRebanoni rwakatuma shoko kumusidari wakaŋga uri paRebanoni, rukati: Ipa mŋanakomana waŋgu mukunda wako, aʋe mukadzi wake; ɀino imŋe mhuka yakaŋga iri paRebanoni ikapfuʋura’po, ikatsika‐tsika rukato.

¹⁰Iwe wakunda ʋaEdomi, ɀino mŋoyo wako woɀikudza; ciɀikudza hako, ugare kumusha; nokuti unotȿakireiko njodzi, uwire’mo, iwe naJuda pamŋe cete newe?

¹¹Asi Amazia wakaramba kunzwa. Naiɀoɀo Jehoashi mambo waIsraeri akaenda; iye naAmazia mambo waJuda ʋakaʋonana paBeti‐shemeshi raiʋa raJuda.

¹²ƲaJuda ʋakakundwa naʋaIsraeri, mumŋe nomumŋe akatizira kutente rake.

¹³Jehoashi mambo waIsraeri akasuŋga Amazia mambo waJuda, mŋanakomana waJehoashi, mŋanakomana waAhazia, paBeti‐shemeshi, akaȿika Jerusarema, akaputsa ruȿiŋgo rweJerusarema, kubva pasuʋo raEfraimi kuȿikira pasuʋo rapakona, makubiti anamazana manna.

¹⁴Akatora ndarama yose nesirveri, nemidziyo yose yakawanikwa mumba maJehova, napafuma yomumba mamambo, naʋanhu kuzoʋa ruɓatso, akadzokera Samaria.

¹⁵Ɀino mamŋe maɓasa aJehoashi aakaita, nesimba rake, nokurwa kwake naAmazia mambo waJuda, haɀina‐kunyorwa here mubuku yamakoronike amadzimambo aIsraeri?

¹⁶Jehoashi akaʋata namadziɓaɓa ake, akaʋigwa paSamaria kunamadzimambo aIsraeri; Jeroboami akamuteʋera paʋushe.

¹⁷Amazia mŋanakomana waJoashi mambo waJuda wakaramba ari mupenyu makore anegumi namashanu, shure kwokufa kwaJehoashi mŋanakomana waJehoahazi mambo waIsraeri.

¹⁸Ɀino mamŋe maɓasa aAmazia haana‐kunyorwa here mubuku yamakoronike amadzimambo aJuda?

¹⁹Ɀino ʋakaraŋgana kumuʋuraya paJerusarema, akatizira Rakishi; asi ʋakatuma ʋanhu Rakishi ʋacimuteʋera, ʋakamuʋurayira’po.

²⁰Ʋakaʋuya naye pamabiza, akaʋigwa kunamadziɓaɓa ake muguta raDavidi.

²¹Ɀino ʋanhu ʋose ʋaJuda ʋakatora Azaria, wakaŋga anamakore anegumi namatanhatu, ʋakamuita mambo panɀimbo yaɓaɓa ʋake Amazia.

²²Akaʋaka Erati, akaridzosera kunaJuda, mambo aʋata namadziɓaɓa ake.

²³Negore regumi namashanu raAmazia mŋanakomana waJoashi mambo waJuda, Jeroboami mŋanakomana waJoashi, mambo waIsraeri, akataŋga kuɓata ʋushe paSamaria, akaʋuɓata makore anamakumi manna nerimŋe.

²⁴Akaita ɀakaipa pamberi paJehova; haana‐kutsauka paɀiʋi ɀose ɀaJeroboami mŋanakomana waNebati, ɀaakatadzisa Israeri naɀo.

²⁵Akakunda ɀe nyika yaIsraeri, kubva paʋanopinda paHamati kuȿikira paguŋgwa reAraba, seɀakarebga neshoko raJehova, Mŋari waIsraeri, raakataura nomuromo womuranda wake Jona, mŋanakomana waAmitai, muprofita weGati‐heferi.

²⁶Nokuti Jehova wakaʋona kutambudzika kwaIsraeri, kuti kwakaŋga kwakanyanya kwaɀo; nokuti kwakaŋga kusinaʋakuru naʋaɗuku, kwakaŋga kusinomuɓetseri waIsraeri.

²⁷Asi Jehova haana‐kutaura kuti ucadzima zita raIsraeri pasi peɗeŋga, asi wakaʋaponesa noruʋoko rwaJeroboami mŋanakomana waJoashi.

²⁸Ɀino mamŋe maɓasa aJeroboami, neɀose ɀaakaita, nesimba rake, nokurwa kwake, nokudzosera kwake Damasko neHamati kunaIsraeri, aiʋa maguta aJuda, haɀinakunyorwa here mubuku yamakoronike amadzimambo aIsraeri?

²⁹Jeroboami akaʋata namadziɓaɓa ake, madzimambo aIsraeri; Zekaria mŋanakomana wake akamuteʋera paʋushe.