Read Original Shona Union Bible 1949 Baiberi Magwaro Matȿene aMŋari II Madzimambo 15 Bible Online

II Madzimambo 15 - Original Shona Union Bible 1949 Baiberi Magwaro Matȿene aMŋari bible

II Madzimambo 15

¹Negore ramakumi maʋiri namanomŋe raJeroboami mambo waIsraeri, Azaria mŋanakomana waAmazia mambo waJuda wakataŋga kuɓata ʋushe.

²Wakaŋga anamakore anegumi namatanhatu pakutaŋga kwake kuɓata ʋushe, akaɓata ʋushe paJerusarema makore anamakumi mashanu namaʋiri; zita ramai ʋake rakaŋga riri Jekoria weJerusarema.

³Akaita ɀakarurama pamberi paJehova, seɀakaita ɓaɓa ʋake Amazia paɀose.

⁴Kunyaŋge ɀakaɗaro, matunhu akakwirira haana‐kubviswa; ʋanhu ʋakaramba ʋaciɓayira nokupisa ɀinonhuwira pamatunhu akakwirira.

⁵Jehova akaroʋa mambo, akaʋa namaperembudzi kuȿikira zuʋa rokufa kwake, akagara ari oga muimba. Jotami mŋanakomana wamambo akaʋa mutariri weimba, akatoŋga ʋo mhoȿa dzaʋanhu ʋenyika.

⁶Ɀino mamŋe maɓasa aAzaria, neɀose ɀaakaita, haɀina‐kunyorwa here mubuku yamakoronike amadzimambo aJuda?

⁷Azaria akaʋata namadziɓaɓa ake, ʋakamuʋiga kunamadziɓaɓa ake muguta raDavidi; Jotami mŋanakomana wake akamuteʋera paʋushe.

⁸Negore ramakumi matatu namasere raAzaria mambo waJuda, Zekaria mŋanakomana waJeroboami wakaʋa mambo waIsraeri paSamaria mŋedzi mitanhatu.

⁹Akaita ɀakaipa pamberi paJehova, seɀakaita madziɓaɓa ake; haana‐kutsauka paɀiʋi ɀaJeroboami mŋanakomana waNebati, ɀaakatadzisa Israeri naɀo.

¹⁰Sharumi mŋanakomana waJabeshi akamumukira, akamuɓaya pamberi paʋanhu, akamuʋuraya, iye akamuteʋera paʋushe.

¹¹Ɀino mamŋe maɓasa aZekaria, tarirai akanyorwa mubuku yamakoronike amadzimambo aIsraeri.

¹²Ndiro shoko raJehova raakataura kunaJehu, aciti: Ʋanakomana ʋako ʋacagara pacigaro coʋushe bgaIsraeri kuȿikira parudzi rwecinna. Ɀikaitwa saiɀoɀo.

¹³Sharumi mŋanakomana waJabeshi wakataŋga kuɓata ʋushe negore ramakumi matatu namapfumbamŋe raUzia mambo waJuda; akaɓata ʋushe paSamaria mŋedzi mumŋe.

¹⁴Ɀino Menahemi mŋanakomana waGadi akabva Tirza, akaȿika Samaria, akaɓaya Sharumi mŋanakomana waJabeshi paSamaria, akamuʋuraya, akamuteʋera paʋushe.

¹⁵Ɀino mamŋe maɓasa aSharumi, nokumukira kwake, tarirai ɀakanyorwa mubuku yamakoronike amadziɓaɓa aIsraeri.

¹⁶Ɀino Menahemi akaparadza Tifsa, naʋose ʋakaŋga ʋari mukati maro, nenyika yaro, kubva paTirza; akariparadza, nokuti ʋakaramba kumuzarurira; akatumbura ʋakadzi ʋose ʋakaŋga ʋanemimba, ʋaiʋa mukati maro.

¹⁷Negore ramakumi matatu namapfumbamŋe raAzaria mambo waJuda, Menahemi mŋanakomana waGadi, wakataŋga kuɓata ʋushe bgaIsraeri, akaʋuɓata makore anegumi paSamaria.

¹⁸Akaita ɀakaipa pamberi paJehova; mazuʋa ake ose haana‐kutsauka paɀiʋi ɀaJeroboami mŋanakomana waNebati, ɀaakatadzisa Israeri naɀo.

¹⁹Ɀino Puri mambo weAsiria akaʋuya kuzorwa nenyika; Menahemi akapa Puri matarenta anecuru cimŋe cesirveri,[8] kuti amuɓatsire kusimbisa ʋushe bgake.

²⁰Menahemi akateresa Israeri, mumŋe nomumŋe wakaŋga anesimba, akafuma, akaɓuɗisa mashekeri anamakumi mashanu esirveri,[9] kuti ɀipiwe mambo weAsiria; naiɀoɀo mambo weAsiria akadzokera hake, akasagara panyika.

²¹Ɀino mamŋe maɓasa aMenahemi, neɀose ɀaakaita, haɀina‐kunyorwa here mubuku yamakoronike amadzimambo aIsraeri?

²²Menahemi akaʋata namadziɓaɓa ake, Pekahia mŋanakomana wake akamuteʋera paʋushe.

²³Negore ramakumi mashanu raAzaria mambo waJuda, Pekahia mŋanakomana waMenahemi wakataŋga kuɓata ʋushe bgaIsraeri paSamaria, akaʋuɓata makore maʋiri.

²⁴Akaita ɀakaipa pamberi paJehova; haana‐kutsauka paɀiʋi ɀaJeroboami mŋanakomana waNebati, ɀaakatadzisa Israeri naɀo.

²⁵Ɀino Peka mŋanakomana waRemaria, mukuru wake wehondo akamumukira, akamuʋuraya paSamaria, munhare yeimba yamambo, iye naArgobi naArie naʋanhu ʋanamakumi mashanu ʋaGireadi ʋaakaŋga anaʋo; akamuʋuraya, akamuteʋera paʋushe.

²⁶Ɀino mamŋe maɓasa aPekahia, neɀose ɀaakaita, tarirai ɀakanyorwa mubuku yamakoronike amadzimambo aIsraeri.

²⁷Negore ramakumi mashanu namaʋiri raAzaria mambo waJuda, Peka, mŋanakomana waRemaria, akataŋga kuɓata ʋushe bgaIsraeri paSamaria, akaʋuɓata makore makumi maʋiri.

²⁸Akaita ɀakaipa pamberi paJehova; haana‐kutsauka paɀiʋi ɀaJeroboami mŋanakomana waNebati, ɀaakatadzisa Israeri naɀo.

²⁹Namazuʋa aPeka mambo waIsraeri, Tigrati‐pireseri mambo weAsiria akaȿika, akakunda Ijoni, neAberibeti‐maaka, neJanoa, neKadeshi, neHazori, neGireadi, neGariri, iyo nyika yose yeNaftari; akaʋatapa, akaenda naʋo Asiria.

³⁰Ɀino Hoshea mŋanakomana waEra akaita ndaŋga pamsoro paPeka mŋanakomana waRemaria, akamuɓaya, akamuʋuraya, ndokumuteʋera paʋushe, negore ramakumi maʋiri raJotami mŋanakomana waUzia.

³¹Ɀino mamŋe maɓasa aPeka, neɀose ɀaakaita, tarirai ɀakanyorwa mubuku yamakoronike amadzimambo aIsraeri.

³²Negore recipiri raPeka mŋanakomana waRemaria mambo waIsraeri, Jotami mŋanakomana waUzia mambo waJuda, wakataŋga kuɓata ʋushe.

³³Wakaŋga aȿika makore anamakumi maʋiri namashanu pakutaŋga kwake kuɓata ʋushe; akaɓata ʋushe paJerusarema makore anegumi namatanhatu; zita ramai ʋake rakaŋga riri Jerusha mukunda waZadoki.

³⁴Akaita ɀakarurama pamberi paJehova, akaita ɀose ɀakaitwa naɓaɓa ʋake Uzia.

³⁵Kunyaŋge ɀakaɗaro matunhu akakwirira haana‐kubviswa; ʋanhu ʋakaramba ʋaciɓayira nokupisa ɀinonhuwira pamatunhu akakwirira. Ndiye wakaʋaka suʋo rokumsoro reimba yaJehova.

³⁶Ɀino mamŋe maɓasa aJotami, neɀose ɀaakaita, haɀina‐kunyorwa here mubuku yamakoronike amadzimambo aJuda?

³⁷Namazuʋa iwayo Jehova akataŋga kutuma Rezini mambo weSiria naPeka mŋanakomana waRemaria kuzorwa naJuda.

³⁸Jotami akaʋata namadziɓaɓa ake, akaʋigwa kunamadziɓaɓa ake muguta raɓaɓa ʋake Davidi; Ahazi mŋanakomana wake akamuteʋera paʋushe.