Read Original Shona Union Bible 1949 Baiberi Magwaro Matȿene aMŋari II Madzimambo 16 Bible Online

II Madzimambo 16 - Original Shona Union Bible 1949 Baiberi Magwaro Matȿene aMŋari bible

II Madzimambo 16

¹Negore regumi namanomŋe raPeka mŋanakomana waRemaria, Ahazi mŋanakomana waJotami mambo waJuda wakataŋga kuɓata ʋushe.

²Ahazi akataŋga kuɓata ʋushe aʋa namakore makumi maʋiri; akaɓata ʋushe paJerusarema makore anegumi namatanhatu. Asi haana‐kuita ɀakarurama pamberi paJehova Mŋari wake, saɓaɓa ʋake Davidi.

³Nokuti wakafamba nenzira yamadziɓaɓa aIsraeri, akapinza ʋo mŋanakomana wake mumŋoto netsika dzeɀinonyaŋgadza ɀaʋahedeni, ʋakaŋga ʋadziŋgwa naJehova pamberi paʋana ʋaIsraeri.

⁴Akaɓayira nokupisa ɀinonhuwira pamatunhu akakwirira, napaɀikomo, napasi pemiti yose mitema.

⁵Ipapo Rezini mambo weSiria, naPeka mŋanakomana waRemaria, mambo waIsraeri, ʋakaȿika Jerusarema kuzorwa naye; ʋakakomba Ahazi, asi ʋakaŋga ʋasiŋgagoni kumukunda.

⁶Neŋguʋa iyo Rezini mambo weSiria akadzosera ɀe Siria Erati, akadziŋga ʋaJuda paErati; ʋakaenda Erati, ʋakagara’po kuȿikira nhasi.

⁷Ɀino Ahazi akatuma nhume kunaTigrati‐pireseri mambo weAsiria, akati: Ndiri muranda wenyu nomŋanakomana wenyu; ʋuyai mundirwire muruʋoko rwamambo weSiria, nomuruʋoko rwamambo waIsraeri, ʋanondimukira.

⁸Ipapo Ahazi akatora sirveri nendarama ɀakawanikwa mumba maJehova, napafuma yeimba yamambo, akaɀituma kunamambo weAsiria, ciʋe cipo.

⁹Mambo weAsiria akamunzwa, mambo weAsiria akandorwa neDamasko, akarikunda, akatapa ʋanhu, akaʋaisa Kiri, akaʋuraya Rezini.

¹⁰Ɀino mambo Ahazi akaenda Damasko kundosoŋgana naTigrati‐pireseri mambo weAsiria, akaʋona artari yakaŋga iri paDamasko; mambo Ahazi akatuma mufananidzo weartari kunaUria muprista, nomuʋakirwe wayo, nomuitirwe wayo wose.

¹¹Muprista Uria akaʋaka artari yakafanana neɀose ɀakaŋga ɀatumŋa namambo Ahazi aciri Damasko, muprista Uria akaiita saiɀoɀo mambo Ahazi acigere kudzoka Damasko.

¹²Ɀino mambo wakati adzoka Damasko, mambo akaʋona artari, mambo akasweɗera paartari, kuzoɓayira pamsoro payo.

¹³Akapisira pamsoro peartari cipiriso cake cinopiswa, necipiriso cake coʋupfu, akaɗururira’po cipiriso cake cinoɗururwa, akasasira’po ropa reɀipiriso ɀake ɀokuyananisa.

¹⁴Ʋuye artari yendarira, yaiʋa pamberi paJehova, wakaibvisa pamukoʋa weimba, pakati peartari yake neimba yaJehova, akaiisa kurutiʋi rwokumsoro rweartari yake.

¹⁵Ɀino mambo Ahazi akaraira muprista Uria, akati: Cipisira cipiriso camaŋgwanani paartari huru, necipiriso coʋupfu camaɗekwana, necipiriso camambo cinopiswa, necipiriso cake coʋupfu, necipiriso caʋanhu ʋose ʋenyika, necipiriso caʋo coʋupfu, neɀipiriso ɀaʋo ɀinoɗururwa; ʋuye usasire pamsoro payo ropa rose recipiriso cinopiswa, neropa rose reɀiɓayiro; asi artari yendarira ndiyo yandicabvunza Mŋari nayo.

¹⁶Naiɀoɀo muprista Uria akaita ɀose ɀaakaŋga arairwa namambo Ahazi.

¹⁷Mambo Ahazi akagura ʋukomba bgeɀiŋgoro, akabvisa mudziyo wokushamba pamsoro paɀo, akabvisa ʋo dziʋa pamsoro penzombe dzendarira dzakaŋga dziri pasi paro, akariisa pacigadziko camabge.

¹⁸Nenzira, yaiʋa neɗeŋga, yakaitirwa saɓata, yaʋakaŋga ʋaʋaka mumba, nomukoʋa wamambo necokunze, wakaɀishandura mukati meimba yaJehova, nokuɗa kwamambo weAsiria.

¹⁹Ɀino mamŋe maɓasa aAhazi aakaita, haɀina‐kunyorwa here mubuku yamakoronike amadziɓaɓa aJuda?

²⁰Ahazi akaʋata namadziɓaɓa ake, akaʋigwa muguta raDavidi, Hezekia mŋanakomana wake akamuteʋera paʋushe.