Read Original Shona Union Bible 1949 Baiberi Magwaro Matȿene aMŋari II Madzimambo 19 Bible Online

II Madzimambo 19 - Original Shona Union Bible 1949 Baiberi Magwaro Matȿene aMŋari bible

II Madzimambo 19

¹Ɀino mambo Hezekia wakati aciɀinzwa, akabvarura ŋguʋo dzake, akafuka magumbu, akapinda mumba maJehova.

²Akatuma Eriakimi waitarira imba, naShebna munyori, naʋakuru ʋaʋaprista, ʋakafuka magumbu, kunomuprofita Isaya mŋanakomana waAmozi.

³Ʋakati kwaari: Ɀanzi naHezekia: Nhasi izuʋa rokutambudzika, nerokutukwa, nerokuɀidzwa; nokuti ʋana ʋakaȿika pakuɀarwa, asi hakunesimba rokuɀara naro.

⁴Ɀimŋe Jehova Mŋari wenyu ucanzwa mashoko ose omukuru waʋatariri, wakatumŋa namambo weAsiria tenzi wake, kuɀidza Mŋari mupenyu, agoʋatuka pamsoro pamashoko akanzwa Jehova Mŋari wenyu; naiɀoɀo nyeŋgetererai ʋakasara.

⁵Ipapo ʋaranda ʋamambo Hezekia ʋakaȿika kunaIsaya.

⁶Isaya akati kwaʋari: Ʋudzai tenzi wenyu, muti: Ɀanzi naJehova: Usatya hako mashoko awakanzwa, andakamhurwa nawo naʋaranda ʋamambo weAsiria.

⁷Tarira, ndicaisa mŋeya wokutya mukati make, ucanzwa guhu, ndokudzokera kunyika yake; ndicamuʋurayisa nomunondo munyika yake.

⁸Naiɀoɀo mukuru waʋatariri wakadzoka, akawana mambo weAsiria acirwa neRibna, nokuti wakaŋga anzwa kuti wabva paRakishi.

⁹Ɀino wakati acinzwa pamsoro paTirhaka mambo weEtiopia, ɀicinzi: Tarirai, woʋuya kuzorwa nemi, akatuma ɀe nhume kunaHezekia, aciti:

¹⁰Endai mundoʋudza Hezekia mambo waJuda, muti: Mŋari wako, waunoʋimba naye, ŋgaarege kukunyeŋgera, aciti: Jerusarema hariŋgaiswi muruʋoko rwamambo weAsiria.

¹¹Tarira, wakanzwa ɀakaitirwa nyika dzose namadzimambo eAsiria, kuti ʋakadziparadza cose; ɀino iwe ucarwirwa here?

¹²Ko ʋamŋari ʋedzimŋe ndudzi ʋakadzirwira here, idzo dzakaparadzwa namadziɓaɓa aŋgu, ʋanaGozani, naHarani, naRezefi, naʋana ʋaEdeni, ʋaiʋa paTerasari?

¹³Mambo weHamati uripiko, namambo weArpadi, namambo weguta reSefarvaimi, neHena, neIva?

¹⁴Hezekia akagamucira ŋwadi pamaʋoko enhume, akairaʋa; Hezekia akakwira kumba kwaJehova, akaipetenura pamberi paJehova.

¹⁵Ipapo Hezekia akanyeŋgetera pamberi paJehova, akati: Haiwa! Jehova Mŋari waIsraeri, iye ugere pamsoro pamakerubi! Ndimi Mŋari, imi moga, woʋushe bgose bgenyika, ndimi makaita kuɗeŋga napasi.

¹⁶Rerekerai nzeʋe yenyu, Jehova, munzwe; ȿinudzai meso enyu, Jehova, muʋone; inzwai mashoko aSanheribi, aakatuma kuzoɀidza Mŋari mupenyu.

¹⁷Ɀirokwaɀo, Jehova, madzimambo eAsiria akaparadza ndudzi nenyika dzadzo,

¹⁸akakandira ʋamŋari ʋadzo mumŋoto; nokuti ʋakaŋga ʋasi ʋamŋari, asi rakaŋga riri ɓasa ramaʋoko aʋanhu, ari matanda namabge; naiɀoɀo ʋakaʋaparadza.

¹⁹Ɀino, Jehova Mŋari weɗu, citiponesai henyu paruʋoko rwake, kuti ʋushe bgose bgenyika ʋuziʋe kuti ndimi Jehova Mŋari, imi moga.

²⁰Ipapo Isaya mŋanakomana waAmozi, wakatuma shoko kunaHezekia, akati: Ɀanzi naJehova Mŋari waIsraeri: Ɀawanyeŋgetera kwandiri pamsoro paSanheribi mambo weAsiria, ndakunzwa.

²¹Heri shoko rakataurwa naJehova pamsoro pake: Mhandara, mukunda weZioni, wakakushoʋora nokukuseka; mukunda weJerusarema wakakudzuŋgudzira musoro wake.

²²Ndianiko wawakatuka nokumhura? Wakaɀikudza kunaniko nenzwi rako, meso ako akatarira aniko kuɗeŋga? NdiMutȿene waIsraeri!

²³Wakatuka Jehova nenhume dzako, ukati: Ndakwira kumakomo marefu neŋgoro dzaŋgu zhinji, kunɀimbo dzomukati dzeRebanoni; ndicatema misidari mirefu iri’po, nemisipresi yakatsaurwa iri’po, ndicapinda kuȿikira paimba yake yomukati, kuɗondo rake rinoɓereka ɀakanaka.

²⁴Ndakateka ndikanwa mvura yedzimŋe nyika, ndicapxisa nzizi dzose dzeEgipita nokutsika kwetsoka dzaŋgu.

²⁵Hauna‐kunzwa here kuti ndakaɀiita kare, kuti ndakaɀiraira neŋguʋa dzokutaŋga‐taŋga? Ɀino ndaraira ɀiitike, kuti iwe uʋe muparadzi wamaguta akakombga namaȿiŋgo, aʋe matoŋgo.

²⁶Naiɀoɀo ʋagere’mo ʋakaŋga ʋanesimba ɗuku, ʋakavunduswa nokunyadzwa; ʋakafanana noʋuswa bgesaŋgo, nomuriʋo mutema, noʋuswa bguri pamsoro peimba, neɀiyo ɀakatȿa ɀicigere kukura.

²⁷Asi ndinoziʋa kugara kwako pasi, nokuɓuɗa kwako, nokupinda kwako, ʋuye hasha dzako kwandiri.

²⁸Nokuɗa kwehasha dzako kwandiri, ʋuye nokuti ndakanzwa kuɀikudza kwako, ndicaisa rwauro rwaŋgu mumhino dzako, netomu raŋgu mumiromo yako, ndikudzosere nenzira yawakaʋuya nayo.

²⁹Ici ndico cicaʋa ciratidzo kwauri: Nhaka mucadya ɀinoŋgomera ɀoga, negore recipiri mucadya ɀinomera ɀe kwaɀiri; asi negore recitatu munofanira kudɀara, nokuceka, nokusima minda yemizambiriŋga, mudye micero yayo.

³⁰Ɀino ʋakasara, ʋakapukunyuka ʋeimba yaJuda, ʋacaita ɀe midzi pasi, nokuɓereka micero kumsoro.

³¹Nokuti ʋakasara ʋacaɓuɗa paJerusarema, naʋakapukunyuka pagomo reZioni; kushiŋgaira kwaJehova kucaɀiita.

³²Naiɀoɀo ɀanzi naJehova pamsoro pamambo weAsiria: Haaŋgapindi muguta rino, kana kuposhera museʋe imomo, kana kuȿika pamberi paro nenhoʋo, kana kututira gomo revu pariri.

³³Ɀanzi naJehova: Nenzira yaakaʋuya nayo, ucadzoka ɀe nayo; haaŋgapindi muguta rino.

³⁴Nokuti ndicadzitira guta rino, ndirirwire nokuɗa kwaŋgu, ʋuye nokuɗa kwomuranda waŋgu Davidi.

³⁵Ɀino noʋusiku ubgo mutumŋa waJehova wakaɓuɗa, akaʋuraya ʋanhu ʋaneɀuru ɀinezana namakumi masere neɀishanu pamisasa yaʋaAsiria; ɀino ʋanhu ʋakati ʋacimuka maŋgwanani, ʋakawana ɀaʋa ɀitunha ɀose.

³⁶Naiɀoɀo Sanheribi mambo weAsiria akabva, akaenda, akadzokera kwakare, akandogara Nineve.

³⁷Ɀino wakati acinamata mumba maNisroki mŋari wake, Adramereki naSharezeri ʋakamuʋuraya nomunondo, iʋo ʋakatizira kunyika yeArarati. Esari‐hadoni akamuteʋera paʋushe.