Read Original Shona Union Bible 1949 Baiberi Magwaro Matȿene aMŋari II Madzimambo 2 Bible Online

II Madzimambo 2 - Original Shona Union Bible 1949 Baiberi Magwaro Matȿene aMŋari bible

II Madzimambo 2

¹Ɀino ŋguʋa yakati yaȿika Jehova yaakaɗa kukwidza Eria nayo kuɗeŋga necinyampupuri, Eria akaenda naErisha ʋacibva Girgari.

²Eria akati kunaErisha: Iwe cigara pano, nokuti Jehova wakandituma Beti‐eri. Erisha akati: NaJehova mupenyu, ʋuye nomŋeya wenyu mupenyu, handiŋgakusiyiyi. Naiɀoɀo ʋakaɓurukira Beti‐eri.

³Ɀino ʋanakomana ʋaʋaprofita ʋaiʋa paBeti‐eri, ʋakaȿika kunaErisha, ʋakati kwaari: Munoziʋa here kuti Jehova ucakubvisirai tenzi wenyu nhasi? Iye akati: Hoŋo, ndinoziʋa; nyararai henyu.

⁴Eria akati kwaari: Erisha, iwe cigara pano, nokuti Jehova wakandituma Jeriko. Iye akati: NaJehova mupenyu, ʋuye nomŋeya wenyu mupenyu, handiŋgakusiyiyi. Naiɀoɀo ʋakaȿika Jeriko.

⁵Ɀino ʋanakomana ʋaʋaprofita, ʋaiʋa paJeriko, ʋakasweɗera kunaErisha, ʋakati kwaari: Munoziʋa here kuti Jehova ucakubvisirai tenzi wenyu nhasi? Iye akapindura, akati: Hoŋo, ndinoziʋa; nyararai henyu.

⁶Eria akati kwaari: Iwe cigara pano, nokuti Jehova wakandituma kwaJoridani. Iye akati: NaJehova mupenyu, ʋuye nomŋeya wenyu mupenyu, handiŋgakusiyiyi. Iʋo ʋari ʋaʋiri ʋakapfuʋura haʋo.

⁷Ɀino ʋarume ʋanamakumi mashanu ʋaʋanakomana ʋaʋaprofita ʋakaenda ʋakandomira pakatarisana naʋo ʋari kure; iʋo ʋari ʋaʋiri ʋakamira paJoridani.

⁸Ipapo Eria akatora ŋguʋo yake, akaipeta, akaroʋa mvura, ikaparadzaniswa napakati, naiɀoɀo iʋo ʋaʋiri ʋakayambuka pakawoma.

⁹Ɀino ʋakati ʋayambuka, Eria akati kunaErisha: Kumbira candiŋgakuitira, ndicigere kubviswa kwauri. Erisha akati: Ndipei migoʋe miʋiri yomŋeya wenyu.

¹⁰Akati: Wakumbira cinhu cinogozha; asi kana ukandiʋona ndicibviswa kwauri, ucaitirwa iɀoɀo; asi kana usiŋgandiʋoni, hauŋgaitirwi iɀoɀo.

¹¹Ɀino ʋakati ʋacifamba, ʋaciŋgotaurirana haʋo, ŋgoro yomŋoto namabiza omŋoto ɀikaȿika, ɀikaʋaparadzanisa iʋo ʋaʋiri; Eria akakwira kuɗeŋga necinyampupuri.

¹²Erisha akaɀiʋona, akaɗanidzira, aciti: Ƃaɓa ʋaŋgu, ɓaɓa ʋaŋgu, ŋgoro yaIsraeri naʋataȿi ʋayo ʋamabiza! Akasazomuʋona ɀe; akaɓata ŋguʋo dzake akadzibvarura napakati.

¹³Akanoŋga jasi raEria rakaŋga rawa kwaari, akadzoka akamira pamhenderekedzo yaJoridani;

¹⁴akatora jasi raEria rakaŋga rawa kwaari, akaroʋa mvura, akati: Jehova Mŋari waEria uripiko? Ɀino wakati aroʋa mvura, ikaparadzaniswa ʋo napakati, Erisha akayambuka.

¹⁵Ɀino ʋanakomana ʋaʋaprofita ʋakaŋga ʋari paJeriko pakatarisana naye, ʋakati ʋacimuʋona, ʋakati: Mŋeya waEria wogara pamsoro paErisha. Ʋakandosoŋgana naye, ʋakakotamira pasi pamberi pake.

¹⁶Ʋakati kwaari: Tarirai, isu ʋaranda ʋenyu, tinaʋarume ʋanamakumi mashanu ʋanesimba; iʋo ŋgaʋaende haʋo kundotȿaka tenzi wenyu, ɀimŋe Mŋeya waJehova wamukwidza, ukamukandira panerimŋe gomo, kana munomumŋe mupata. Iye akati: Regai henyu kuʋatuma.

¹⁷Asi iʋo ʋakati ʋamugombedzera, kuȿikira anyara, akati: Tumai henyu. Naiɀoɀo ʋakatuma ʋarume ʋanamakumi mashanu, ʋakatȿaka mazuʋa matatu, asi haʋana‐kumuwana.

¹⁸Ʋakadzokera ɀe kwaari aciri paJeriko, iye akati kwaʋari: Handina‐kukuʋudzai here, ndikati: Regai kuenda?

¹⁹Ɀino ʋarume ʋeguta ʋakati kunaErisha: Tarirai henyu, nɀimbo yeguta yakanaka hayo, seɀamunoʋona, ishe weɗu, asi mvura yakaipa, nenyika haiɓereki ɀakanaka.

²⁰Iye akati: Ndiʋigire ndiro itȿa, mugoisa munyu’mo. Ʋakamuʋigira iyo.

²¹Akaenda kucituɓu cemvura, akaɗira munyu imomo, akati: Ɀanzi naJehova: Ndarapa mvura iyi, hapacazobvi’po rufu, kana kusaɓereka.

²²Naiɀoɀo mvura ikarapxa kuȿikira nhasi, seɀaakataura, iye Erisha.

²³Ɀino wakabva’po, akaenda Beti‐eri; akati acikwira nenzira, ɀikomana ɀikaɓuɗa muguta, ɀikamuseka, ɀikati kwaari: Iwe nyamanza, kwira, iwe nyamanza, kwira!

²⁴Iye akaceuka, akaʋaʋona, akaʋatuka nezita raJehova. Ipapo maperekadzi maʋiri akaɓuɗa muɗondo, akaparadza ʋana ʋanamakumi manna naʋaʋiri ʋaʋo.

²⁵Akabva’po, akaenda kugomo reKarmeri, akabva’po, akadzokera Samaria.