Read Original Shona Union Bible 1949 Baiberi Magwaro Matȿene aMŋari II Madzimambo 20 Bible Online

II Madzimambo 20 - Original Shona Union Bible 1949 Baiberi Magwaro Matȿene aMŋari bible

II Madzimambo 20

¹Ɀino namazuʋa iwayo Hezekia wakarwara, kuȿikira pakufa. Muprofita Isaya mŋanakomana waAmozi akaȿika kwaari, akati kwaari: Ɀanzi naJehova: Ciraira nhaka yako, nokuti ucafa, hauŋgararami.

²Ipapo akatendeʋukira kumadziro, akanyeŋgetera kunaJehova, akati:

³Ƌoraŋgarirai henyu, Jehova, kuti ndakafamba pamberi penyu neɀokwaɗi nomŋoyo wose, ndikaita ɀakanaka pamberi penyu. Hezekia akacema kwaɀo.

⁴Ɀino Isaya wakaŋga acigere kuɓuɗa paruʋazhe rwapakati, shoko raJehova rikaʋuya kwaari, riciti:

⁵Dzoka ɀe, undoti kunaHezekia, mutuŋgamiriri waʋanhu ʋaŋgu: Ɀanzi naJehova Mŋari waDavidi ɓaɓa ʋako: Ndanzwa kunyeŋgetera kwako, ndaʋona misodzi yako; ɀino tarira, ndicakuporesa; nezuʋa recitatu ucakwira kuimba yaJehova.

⁶Ndicawedzera pamazuʋa ako makore anegumi namashanu; ndicakurwira iwe neguta rino paruʋoko rwamambo weAsiria, ndicadzitira guta rino nokuɗa kwaŋgu, ʋuye nokuɗa kwaDavidi muranda waŋgu.

⁷Ipapo Isaya akati: Ʋuyai neɓundu ramaʋonde. Iʋo ʋakaʋuya naro, ʋakariisa pamota, akapora.

⁸Ɀino Hezekia akati kunaIsaya: Ciratidzo cicaʋa ceiko kuti Jehova ucandiporesa, ndikwire kumba kwaJehova nezuʋa recitatu here?

⁹Isaya akati: Ici cicaʋa ciratidzo caJehova kwauri, kuti Jehova ucaita seɀaakataura: Unoɗa kuti mumvuri upfuʋurire mberi mitaro inegumi, kana udzoke mitaro inegumi here?

¹⁰Hezekia akapindura, akati: Ɀakareruka kuti mumvuri upfuʋurire mberi mitaro inegumi; kwete, mumvuri ŋgaudzoke mitaro inegumi.

¹¹Ipapo muprofita akaɗana kunaJehova, akadzosera mumvuri shure mitaro inegumi pacikati caAhazi.

¹²Ɀino neŋguʋa iyo Berodaki‐baradani mŋanakomana waBaradani, mambo weBabironi, akatuma ŋwadi necipo kunaHezekia; nokuti wakaŋga anzwa kuti Hezekia wairwara.

¹³Hezekia akaʋanzwa, akaʋaratidza imba yose yakaŋga ineɀinokosha ɀake, sirveri, nendarama, neɀinonhuwira, namafuta anokosha, neimba yaiʋa nenhumbi dzake dzokurwa nadzo, neɀose ɀakaŋga ɀiri pafuma yake; kwakaŋga kusisinecinhu mumba make, kana muʋushe bgake bgose, caʋasina‐kuratidzwa naHezekia.

¹⁴Ɀino muprofita Isaya akaȿika kunamambo Hezekia, akati kwaari: Ko ʋarume aʋa ʋakati kuɗini? Ʋaȿika kwauri ʋacibvepiko? Hezekia akati: Ʋakabva kunyika iri kure, Babironi.

¹⁵Akati: Ʋakaʋonei mumba mako? Hezekia akapindura, akati: Ʋakaʋona ɀose ɀiri mumba maŋgu; hakunecinhu pakati pefuma yaŋgu candisina‐kuʋaratidza.

¹⁶Ipapo Isaya akati kunaHezekia: Inzwa shoko raJehova.

¹⁷Tarira, mazuʋa acaȿika, neŋguʋa iyo ɀose ɀiri mumba mako neɀose ɀakaʋuŋganidzwa namadziɓaɓa ako kuȿikira zuʋa ranhasi ɀicaiswa Babironi; hakunecinhu cicasiyiwa, ndiɀo ɀinotaura Jehova.

¹⁸Ʋamŋe ʋaʋanakomana ʋako, ʋacabva kwauri, ʋaucaɓereka, ʋacatapxa; ʋacaʋa ʋaranda mumba mamambo weBabironi.

¹⁹Ipapo Hezekia akati kunaIsaya: Shoko raJehova, ramataura, rakanaka haro. Akati ʋo: Ko handiɀo here, kana rugare neɀokwaɗi ɀiri’po haɀo pamazuʋa aŋgu?

²⁰Ɀino mamŋe maɓasa aHezekia, nesimba rake, nokuita kwake dziʋa nomugero, nokuȿitsa kwake mvura muguta, haɀina‐kunyorwa here mubuku yamakoronike amadzimambo aJuda?

²¹Hezekia akaʋata namadziɓaɓa ake, Manase mŋanakomana wake akamuteʋera paʋushe.