Read Original Shona Union Bible 1949 Baiberi Magwaro Matȿene aMŋari II Madzimambo 21 Bible Online

II Madzimambo 21 - Original Shona Union Bible 1949 Baiberi Magwaro Matȿene aMŋari bible

II Madzimambo 21

¹Manase wakataŋga kuɓata ʋushe aʋa namakore anegumi namaʋiri; akaɓata ʋushe makore anamakumi mashanu namashanu paJerusarema; zita ramai ʋake raiʋa Hefziba.

²Akaita ɀakaipa pamberi paJehova, akateʋera ɀinonyaŋgadza ɀaʋahedeni ʋakaŋga ʋadziŋgwa naJehova pamberi paʋana ʋaIsraeri.

³Nokuti wakaʋaka ɀe matunhu akakwirira, akaŋga aparadzwa naɓaɓa ʋake Hezekia; akamutsira Baari artari, akaisa’po ɗanda rokunamata naro, seɀakaita Ahabi mambo waIsraeri; akanamata hondo dzose dzokuɗeŋga, akadzishumira.

⁴Akaʋaka artari mumba maJehova, kunyaŋge Jehova wakaŋga ati: PaJerusarema ndi’po pandicaisa zita raŋgu.

⁵Akaʋakira hondo dzose dzokuɗeŋga artari muʋazhe mbiri dzeimba yaJehova.

⁶Akapinza mŋanakomana wake mumŋoto, akatenda mashura, akaita mazaŋgo, akagadza maȿikiro naʋaʋuki; akaita ɀakaipa ɀizhinji pamberi paJehova, ndokumutsamŋisa naɀo.

⁷Akaisa mufananidzo weɗanda rokunamata naro raakaʋeza mumba makanzi naJehova kunaDavidi nokunaSoromoni mŋanakomana wake: Ndicaisa zita raŋgu nokusiŋgaperi paimba ino napaJerusarema, randakaɀitsaurira pakati pamarudzi ose aIsraeri.

⁸Handicazofamba‐fambisi tsoka dzaʋaIsraeri kunze kwenyika yandakapa madziɓaɓa aʋo; kana ʋacicenjera ɓedzi kuita ɀandakaʋaraira, nomurairo wose waʋakarairwa naMosesi muranda waŋgu.

⁹Asi haʋana‐kuterera; Manase akaʋatsausa ʋakaita ɀakaipa kupfuʋura ɀakaitwa nendudzi dzakaparadzwa naJehova pamberi paʋana ʋaIsraeri.

¹⁰Jehova akataura naʋo naʋaprofita ʋaranda ʋake, akati:

¹¹Manase mambo waJuda ɀaakaita ɀinonyaŋgadza iɀi, akaita ɀakaipa kupfuʋura ɀose ɀakaitwa naʋaAmori ʋakamutaŋgira, akatadzisa ʋo Juda neɀifananidzo ɀake.

¹²Naiɀoɀo ɀanzi naJehova Mŋari waIsraeri: Tarirai, ndicaʋuyisira Jerusarema naJuda ɀakaipa ɀikaɗai, kuti ʋose ʋanoɀinzwa nzeʋe dzaʋo dzicawuŋga.

¹³Ndicayera Jerusarema norwonzi rwandakayera Samaria narwo, ʋuye norwonzi rwandakaruramisa imba yaAhabi narwo; ndicapisika Jerusarema somunhu unopisika ndiro, unoipisika akaitsindikira.

¹⁴Ndicarasha ʋakasara ʋenhaka yaŋgu, ndiʋaise mumaʋoko aʋaʋeŋgi ʋaʋo; ʋacapedzwa nokuparadzwa naʋaʋeŋgi ʋaʋo ʋose;

¹⁵nokuti ʋakaita ɀakaipa pamberi paŋgu, ʋakanditsamŋisa, kubva pazuʋa rokuɓuɗa kwamadziɓaɓa aʋo paEgipita kuȿikira zuʋa ranhasi.

¹⁶Manase akateʋura ʋo ropa rakawanda risinemhoȿa, kuȿikira azadza Jerusarema kubva kurutiʋi rumŋe kuȿikira kunorumŋe rutiʋi; ɀiʋi ɀake ɀaakatadzisa Juda naɀo, aciita ɀakaipa pamberi paJehova, ɀisiŋgaʋereŋgwi.

¹⁷Ɀino mamŋe maɓasa aManase, neɀose ɀaakaita, neɀiʋi ɀake ɀaakaita, haɀina‐kunyorwa here mubuku yamakoronike amadzimambo aJuda?

¹⁸Manase akaʋata namadziɓaɓa ake, akaʋigwa mumunda weimba yake, mumunda waUza; Amoni mŋanakomana wake akamuteʋera paʋushe.

¹⁹Amoni wakataŋga kuɓata ʋushe aʋa namakore anamakumi maʋiri namaʋiri, akaɓata ʋushe paJerusarema makore maʋiri; zita ramai ʋake rakaŋga riri Meshuremeti, mukunda waHaruzi weJotiba.

²⁰Akaita ɀakaipa pamberi paJehova, seɀakaita Manase ɓaɓa ʋake.

²¹Akafamba nenzira yose yakafambga naɓaɓa ʋake, akashumira ɀifananidzo ɀakashumirwa naɓaɓa ʋake, akaɀinamata;

²²akasiya Jehova Mŋari wamadziɓaɓa ake, akasafamba nenzira yaJehova.

²³Ɀino ʋaranda ʋaAmoni ʋakamuraŋgana ʋakamumukira, ʋakaʋuraya mambo mumba make.

²⁴Asi ʋanhu ʋenyika iyo ʋakazoʋuraya ʋose ʋakaraŋgana ʋakamukira mambo Amoni; ʋanhu ʋenyika iyo ʋakaita mŋanakomana wake Josia mambo panɀimbo yake.

²⁵Ɀino mamŋe maɓasa aAmoni aakaita, haɀina‐kunyorwa here mubuku yamakoronike amadzimambo aJuda?

²⁶Akaʋigwa mubgiro bgake mumunda waUza; Josia mŋanakomana wake akamuteʋera paʋushe.