Read Original Shona Union Bible 1949 Baiberi Magwaro Matȿene aMŋari II Madzimambo 22 Bible Online

II Madzimambo 22 - Original Shona Union Bible 1949 Baiberi Magwaro Matȿene aMŋari bible

II Madzimambo 22

¹Josia wakataŋga kuɓata ʋushe aʋa namakore masere; akaɓata ʋushe paJerusarema makore anamakumi matatu nerimŋe; zita ramai ʋake rakaŋga riri Jedida mukunda waAdaya weBozikati.

²Akaita ɀakarurama pamberi paJehova, akafamba nenzira yose yaDavidi ɓaɓa ʋake, haana‐kutsaukira kurudyi kana kuruɓoshwe.

³Ɀino negore regumi namasere ramambo Josia, mambo akatuma munyori Shafani mŋanakomana waAzaria, mŋanakomana waMeshurami, kumba kwaJehova, akati:

⁴Enda kunaHirkia muprista mukuru, umuʋudze aʋereŋge mari inoiswa mumba maJehova, yakaʋuŋganidzwa naʋatariri ʋomukoʋa kuʋanhu;

⁵ʋaipe mumaʋoko aʋaɓati ʋeɓasa, ʋanotarira imba yaJehova; iʋo ʋaipe ʋaɓati ʋeɓasa ʋari mumba maJehova, kuti ʋagadzirise ɀakaputsika paimba;

⁶iʋo ʋaʋezi, naʋaʋaki, naʋanoroŋga mabge, ʋuye ʋateŋge nayo matanda, namabge akaʋezwa, kuti ʋagadzire imba.

⁷Asi haʋana‐kubvunzwa pamsoro pemari yakaiswa mumaʋoko aʋo, nokuti ʋaiɓata ʋakatendeka.

⁸Ipapo Hirkia muprista mukuru akati kunaShafani munyori: Ndawana buku yomurairo mumba maJehova. Hirkia akapa Shafani buku yomurairo, iye akairaʋa.

⁹Ɀino Shafani munyori akaȿika kunamambo, akadzoka neshoko kunamambo, akati: Ʋaranda ʋenyu ʋaɗurura mari yakawanikwa mumba, ʋakaipa mumaʋoko aʋaɓati ʋeɓasa, ʋanotarira imba yaJehova.

¹⁰Shafani munyori akati kunamambo: Muprista Hirkia wandipa buku. Shafani akairaʋira mambo.

¹¹Ɀino mambo wakati acinzwa mashoko ebuku yomurairo, akabvarura ŋguʋo dzake.

¹²Mambo akaraira muprista Hirkia, naAhikami mŋanakomana waShafani, naAkbori mŋanakomana waMikaya, naShafani munyori, naAsaya muranda wamambo, akati:

¹³Endai mundondibvunzira Jehova, ini naʋanhu naʋaJuda ʋose, pamsoro pamashoko ebuku iyi yakawanikwa; nokuti kutsamŋa kwaJehova kwaakatitsamŋira nako kukuru kwaɀo, nokuti madziɓaɓa eɗu haana‐kuterera mashoko ebuku iyi, haʋana‐kuita ɀose ɀatakarairwa.

¹⁴Naiɀoɀo muprista Hirkia, naAhikami, naAkbori, naShafani, naAsaya ʋakaenda kuna‐Hurda muprofitakadzi, mukadzi waSharumi mŋanakomana waTikva, mŋanakomana waHarhasi, muceŋgeti weŋguʋo; (ɀino iye mukadzi wakaŋga agere paJerusarema kurutiʋi rutȿa rweguta;) ʋakataurirana naye.

¹⁵Iye akati kwaʋari: Ɀanzi naJehova Mŋari waIsraeri: Ʋudzai munhu wakakutumai kwandiri, muti:

¹⁶Ɀanzi naJehova: Tarirai, ndicaʋuyisa ɀakaipa pamsoro penɀimbo iyi, napamsoro paʋagere’po, iwo mashoko ose ebuku yakarabga namambo waJuda;

¹⁷nokuti ʋakandirasha, ʋakapisira ʋamŋe ʋamŋari ɀinonhuwira, ʋakanditsamŋisa namaɓasa ose amaʋoko aʋo; naiɀoɀo kutsamŋa kwaŋgu kucamukira nɀimbo iyi; hakuŋgadzimŋi.

¹⁸Asi muti kunamambo waJuda wakakutumai kuzobvunza Jehova: Ɀanzi naJehova Mŋari waIsraeri: Kana ari mashoko awakanzwa,

¹⁹mŋoyo wako ɀawakaŋga uri munyoro, ukaɀininipisa pamberi paJehova, ŋguʋa yawakanzwa ɀandakataura pamsoro penɀimbo iyi, napamsoro paʋagere’mo, kuti ʋacaitwa ɗoŋgo necinhu cakatukwa, ukabvarura ŋguʋo dzako, ukacema pamberi paŋgu; ɀino ɀanzi naJehova: Ini ndakunzwa ʋo.

²⁰Naiɀoɀo tarira, ndicakuisa kunamadziɓaɓa ako, ucaʋigwa mubgiro bgako norugare; meso ako haaŋgaʋoni ɀakaipa ɀose ɀandicaʋuyisa pamsoro penɀimbo iyi. Ʋakadzoka neshoko kunamambo.