Read Original Shona Union Bible 1949 Baiberi Magwaro Matȿene aMŋari II Madzimambo 23 Bible Online

II Madzimambo 23 - Original Shona Union Bible 1949 Baiberi Magwaro Matȿene aMŋari bible

II Madzimambo 23

¹Ɀino mambo akatuma ʋanhu ʋakaʋuŋganidza ʋakuru ʋose ʋaJuda naʋeJerusarema.

²Mambo akakwira kumba kwaJehova, anaʋarume ʋose ʋaJuda, naʋose ʋakaŋga ʋagere Jerusarema, naʋaprista, naʋaprofita, naʋanhu ʋose, ʋaɗuku naʋakuru; akaʋaraʋira mashoko ose ebuku yesuŋgano yakawanikwa mumba maJehova.

³Mambo akamira pambiru, akaita suŋgano pamberi paJehova, akaɀisuŋga kuteʋera Jehova, nokuceŋgeta mirairo yake neɀipupuriro, neɀaakatema, nomŋoyo wake wose nomŋeya wake wose, kuti asimbise mashoko esuŋgano iyi, akaŋga akanyorwa mubuku iyi; ʋanhu ʋose ʋakasimbisa suŋgano iyo.

⁴Ipapo mambo akaraira muprista mukuru Hirkia, naʋaprista ʋaimuteʋera, naʋatariri ʋomukoʋa, kuti ʋaɓuɗise patembere yaJehova nhumbi dzose dzakaŋga dzaitirwa Baari neAshera nehondo dzose dzokuɗeŋga; akadzipisa kunze kweJerusarema muruwa rwaKidroni, akaisa maɗota adzo paBeti‐eri.

⁵Akaparadza ʋaprista ʋeɀifananidzo, ʋakaŋga ʋagadzwa namadzimambo aJuda kuti ʋapise ɀinonhuwira pamatunhu akakwirira mumaguta aJuda, nenɀimbo dzakapoteredza Jerusarema; ʋuye ʋose ʋaipisa ɀinonhuwira kunaBaari, nezuʋa, nomŋedzi, nenyeredzi, nehondo dzose dzokuɗeŋga.

⁶Akaɓuɗisa ʋo Ashera mumba maJehova, akaiisa kunze kweJerusarema kurukoʋa rwaKidroni, akaipisa parukoʋa rwaKidroni, akaikuya ikaita maɗota, akakanda maɗota ayo pamsoro pamarinda aʋarombo.

⁷Akaputsa ʋo dzimba dzaʋasodomi, dzakaŋga dziri paimba yaJehova, pairukira ʋakadzi macira eAshera.

⁸Akaɓuɗisa ʋaprista ʋose mumaguta aJuda, akashatsa matunhu akakwirira, paipisira ʋaprista ɀinonhuwira, kubva paGeba kuȿikira paBeeri‐sheba; akaputsa matunhu akakwirira pamasuʋo, aiʋa paʋanopinda napo pasuʋo raJoshua muɓati weguta, aiʋa kuruɓoshwe rwomunhu kana opinda nesuʋo reguta.

⁹Asi ʋaprista ʋamatunhu akakwirira haʋazaikwira kuartari yaJehova paJerusarema, asi ʋaidya ɀiŋgwa ɀisina‐kuʋiriswa pakati pehama dzaʋo.

¹⁰Akashatsa Tofeti raiʋa pamupata waʋana ʋaHinomi, kuti kurege kuʋa nomunhu unopinza mŋanakomana wake kana mŋanasikana wake mumŋoto nokuɗa kwaMoreki.

¹¹Akabvisa mabiza akaŋga apiwa namadzimambo kuzokudza zuʋa paʋanopinda napo paimba yaJehova, pakamuri yaNatani‐mereki mutariri weimba yomukati yakaŋga iri paɓiraʋira, akapisa ŋgoro dzezuʋa.

¹²Akaputsa ʋo artari dzaiʋa pamsoro peɗeŋga rekamuri yokumsoro yaAhazi, dzakaŋga dzaʋakwa namadzimambo aJuda, neartari dzakaŋga dzaʋakwa naManase muʋazhe mbiri dzeimba yaJehova, akadzikoromora, akakanda guruʋa radzo murukoʋa Kidroni.

¹³Mambo akashatsa ʋo matunhu akakwirira aiʋa pamberi peJerusarema, aiʋa kurudyi rwegomo rokuparadza, akaŋga aʋakirwa Ashtoreti, mŋari unonyaŋgadza waʋaZidoni, naKemoshi, mŋari unonyaŋgadza waMoabi, naMirkomi, mŋari unonyaŋgadza waʋana ʋaAmoni, naSoromoni mambo waIsraeri.

¹⁴Akaputsanya ʋo shoŋgwe dzamabge, akaparadza matanda okunamata nawo, ndokuzadza nɀimbo yaɀo namafupa aʋanhu.

¹⁵Ʋuye artari ʋo yaiʋa paBeti‐eri, neɗunhu rakakwirira rakaʋakwa naJeroboami mŋanakomana waNebati, iye wakatadzisa Israeri, artari iyo neɗunhu iro rakakwirira akaɀiputsa, akapisa ɗunhu rakakwirira, akariputsanya rikaita guruʋa, akapisa ɗanda rokunamata naro.

¹⁶Ɀino Josia wakati acitendeʋuka, akaʋona marinda aiʋa mugomo, akatuma ʋanhu ʋakatora mafupa aiʋa mumarinda, ʋakaapisa paartari iyo, akaishatsa seɀakaŋga ɀataurwa neshoko raJehova rakaparidzwa nomunhu waMŋari, iye wakaɗeya kuparidza ɀinhu iɀi.

¹⁷Ɀino akati: Shoŋgwe iyi yandinoʋona ndeyeiko? Ʋanhu ʋeguta ʋakati kwaari: Ndiro rinda romunhu waMŋari, wakaɗeya kubva kwaJuda, akaparidza ɀinhu iɀo ɀamakaitira artari yeBeti‐eri.

¹⁸Akati: Ŋgaazorore hake; ŋgakurege kuʋa nomunhu unobvisa mafupa ake. Naiɀoɀo ʋakarega mafupa ake pamŋe cete namafupa omuprofita wakaŋga abva Samaria.

¹⁹Ʋuye dzimba dzose dzamatunhu akakwirira dzaiʋa pamaguta eSamaria, dzakaŋga dzakaʋakwa namadzimambo aIsraeri, ʋakatsamŋisa Jehova nadzo, idzo dzakabviswa naJosia, akadziitira ɀose ɀaakaita paBeti‐eri.

²⁰Akaʋuraya ʋaprista ʋose ʋamatunhu akakwirira ʋaiʋa’po, pamsoro peartari, akapisira pamsoro padzo mafupa aʋanhu; akadzokera Jerusarema.

²¹Ɀino mambo akaraira ʋanhu ʋose, akati: Itirai Jehova Mŋari wenyu paseka, seɀakanyorwa mubuku iyi yesuŋgano.

²²Ɀirokwaɀo, haʋana‐kumboita paseka yakaɗai, kubva pamazuʋa aʋatoŋgi ʋaitoŋga Israeri, kana pamazuʋa ose amadzimambo aIsraeri, kana madzimambo aJuda.

²³Asi negore regumi namasere ramambo Josia ʋakaitira Jehova paseka iyi paJerusarema.

²⁴Josia akabvisa ʋo maȿikiro ose, naʋaroyi, namaterafimi, neɀifananidzo, neɀose ɀinonyaŋgadza, ɀakawanikwa munyika yaJuda napaJerusarema, kuti asimbise mashoko omurairo, akaŋga akanyorwa mubuku yakawanikwa mumba maJehova naHirkia muprista.

²⁵Hakunamambo wakamutaŋgira wakaŋga akafanana naye, wakatendeʋukira kunaJehova nomŋoyo wake wose, nomŋeya wake wose, nesimba rake rose, aciteʋera murairo wose waMosesi; ʋuye hakunomumŋe wakamuteʋera wakaŋga akafanana naye.

²⁶Kunyaŋge ɀakaɗaro Jehova haana‐kushandura kutsamŋa kwake kukuru, kwakamutsa hasha dzake kunaJuda, nokuɗa kwokutsamŋisa kwose kwaakatsamŋiswa nako naManase.

²⁷Jehova akati: NaJuda ʋo ndicaʋabvisa pamberi paŋgu, seɀandakabvisa Israeri; ndicaramba guta iri reJerusarema, randakaɀitsaurira, neimba yandakati pamsoro payo: Zita raŋgu ricagara’po.

²⁸Ɀino mamŋe maɓasa aJosia, neɀose ɀaakaita, haɀina‐kunyorwa here mubuku yamakoronike amadzimambo aJuda?

²⁹Pamazuʋa ake Farao‐neko mambo weEgipita, akandorwa namambo weAsiria kurwizi Yufratesi, mambo Josia akandorwa naye; asi wakati amuʋona, Farao‐neko akamuʋuraya paMegido.

³⁰Ʋaranda ʋake ʋakamutakura neŋgoro afa, ʋakabva naye paMegido, ʋakamuisa Jerusarema, ʋakamuʋiga mubgiro bgake. Ɀino ʋanhu ʋenyika ʋakatora Jehoahazi mŋanakomana waJosia, ʋakamuzodza, ʋakamuita mambo panɀimbo yaɓaɓa ʋake.

³¹Jehoahazi wakataŋga kuɓata ʋushe aʋa namakore anamakumi maʋiri namatatu, akaɓata ʋushe paJerusarema mŋedzi mitatu. Zita ramai ʋake rakaŋga riri Hamutari, mukunda waJeremia weRibna.

³²Akaita ɀakaipa pamberi paJehova seɀakaita madziɓaɓa ake paɀose.

³³Asi Farao‐neko wakamusuŋga paRibra munyika yeHamati, kuti arege kuɓata ʋushe paJerusarema; akateresa nyika matarenta esirveri anezana,[12] netarenta rimŋe rendarama.[13]

³⁴Farao‐neko akaita Eriyakimi mŋanakomana waJosia mambo panɀimbo yaJosia ɓaɓa ʋake, akashandura zita rake, rikazoʋa Jehoyakimi; asi wakaenda naJehoahazi, akaȿika Egipita, ndokufira’ko.

³⁵Jehoyakimi akapa Farao sirveri nendarama, asi wakateresa nyika kuti agone kuripa mari seɀaakarairwa naFarao; akaripisa ʋanhu ʋenyika sirveri nendarama, mumŋe nomumŋe seɀaakamutarira, kuti aipe Farao‐neko.

³⁶Jehoyakimi wakataŋga kuɓata ʋushe aʋa namakore anamakumi maʋiri namashanu; akaɓata ʋushe paJerusarema makore anegumi nerimŋe. Zita ramai ʋake rakaŋga riri Zebida mukunda waPedaya weRuma.

³⁷Akaita ɀakaipa pamberi paJehova seɀakaita madziɓaɓa ake paɀose.