Read Original Shona Union Bible 1949 Baiberi Magwaro Matȿene aMŋari II Madzimambo 24 Bible Online

II Madzimambo 24 - Original Shona Union Bible 1949 Baiberi Magwaro Matȿene aMŋari bible

II Madzimambo 24

¹Ɀino pamazuʋa ake Nebukadnezari mambo weBabironi akaȿika, Jehoyakimi akaitwa muranda wake makore matatu; ipapo akamuramba akamumukira.

²Jehova akatuma kwaari hondo dzaʋaKardea, nehondo dzaʋaSiria, nehondo dzaʋaMoabi, nehondo dzaʋana ʋaAmoni, kuzorwa naye; akadzituma kuzoparadza Juda, seɀakarebga neshoko raJehova, raakataura nemiromo yaʋaranda ʋake ʋaprofita.

³Ɀirokwaɀo iɀi ɀakaitirwa Juda nokuraira kwaJehova, kuti aʋabvise pamberi pake, nokuɗa kweɀiʋi ɀaManase ɀose ɀaakaita;

⁴ʋuye nokuɗa kweropa risinemhoȿa raakateʋura; nokuti wakazadza Jerusarema neropa risinemhoȿa; Jehova akaramba kuʋakaŋganwira.

⁵Ɀino mamŋe maɓasa aJehoyakimi, neɀose ɀaakaita, haɀina‐kunyorwa here mubuku yamakoronike amadzimambo aJuda?

⁶Jehoyakimi akaʋata namadziɓaɓa ake, mŋanakomana wake Jehoyakini akamuteʋera paʋushe.

⁷Mambo weEgipita haana‐kuzoɓuɗa ɀe munyika yake, nokuti mambo weBabironi wakaŋga akunda ɀose ɀaiʋa ɀamambo weEgipita, kubva parukoʋa rweEgipita kuȿikira parwizi Yufratesi.

⁸Jehoyakini wakataŋga kuɓata ʋushe aʋa namakore anegumi namasere, akaɓata ʋushe paJerusarema mŋedzi mitatu. Zita ramai ʋake rakaŋga riri Nehushta mukunda waErnatani weJerusarema.

⁹Akaita ɀakaipa pamberi paJehova, seɀakaita madziɓaɓa ake paɀose.

¹⁰Neŋguʋa iyo ʋaranda ʋaNebukadnezari mambo weBabironi, ʋakaȿika Jerusarema, ʋakakomba guta.

¹¹Nebukadnezari mambo weBabironi, akaȿika paguta, ʋaranda ʋake ʋakarikomba.

¹²Ɀino Jehoyakini mambo waJuda akaɓuɗira kunamambo weBabironi, iye namai ʋake, naʋaranda ʋake, namacinda ake, naʋatariri ʋake; mambo weBabironi akamuɓata negore rorusere rokuɓata kwake ʋushe.

¹³Akaenda nefuma yose yeimba yaJehova, nefuma yeimba yamambo, akatema‐tema nhumbi dzose dzendarama dzakaŋga dzaitwa naSoromoni mambo waIsraeri mutembere yaJehova, seɀakaŋga ɀataurwa naJehova.

¹⁴Akatapa ʋose ʋeJerusarema, namacinda ose, nemhare dzose, ʋatapxa ʋaneɀuru ɀinegumi, nemhizha dzose, naʋapfuri ʋose; hakuna‐ʋakasara, asi ʋanhu ʋarombo ʋenyika.

¹⁵Akatapa ʋo Jehoyakini, akamuisa Babironi; namai ʋamambo, naʋakadzi ʋamambo, naʋatariri ʋake, naʋakuru ʋenyika, akaʋatapa paJerusarema akaʋaisa Babironi.

¹⁶Ʋarume ʋose ʋaiʋa nesimba ʋaneɀuru ɀinomŋe, nemhizha, naʋapfuri ʋanegumi ramazana, aʋa ʋose ʋaiʋa nesimba ʋaigona kurwa, mambo weBabironi wakaʋatapa, akaʋaisa Babironi.

¹⁷Mambo weBabironi akaita Matania ɓaɓamunini ʋaJehoyakini, mambo panɀimbo yake, akashandura zita rake, akamutumidza Zedekia.

¹⁸Zedekia wakataŋga kuɓata ʋushe aʋa namakore makumi maʋiri nerimŋe; akaɓata ʋushe paJerusarema makore anegumi nerimŋe. Zita ramai ʋake rakaŋga riri Hamitari mukunda waJeremia weRibna.

¹⁹Akaita ɀakaipa pamberi paJehova seɀakaita Jehoyakini paɀose.

²⁰Nokuti iɀoɀo ɀakaitirwa Jerusarema naJuda nokuɗa kwokutsamŋa kwaJehova, kuȿikira aʋarashira kure kwaari; Zedekia akamukira mambo weBabironi.