Read Original Shona Union Bible 1949 Baiberi Magwaro Matȿene aMŋari II Madzimambo 3 Bible Online

II Madzimambo 3 - Original Shona Union Bible 1949 Baiberi Magwaro Matȿene aMŋari bible

II Madzimambo 3

¹Ɀino Jehorami mŋanakomana waAhabi wakataŋga kuɓata ʋushe bgaIsraeri paSamaria negore regumi namasere raJehoshafati mambo waJuda, akaɓata ʋushe makore anegumi namaʋiri.

²Akaita ɀakaipa pamberi paJehova, asi haana‐kuita saɓaɓa ʋake kana samai ʋake; nokuti wakabvisa shoŋgwe yaBaari yakaŋga yaitwa naɓaɓa ʋake.

³Kunyaŋge ɀakaɗaro, wakanamatira ɀiʋi ɀaJeroboami mŋanakomana waNebati, ɀaakatadzisa Israeri naɀo: haana‐kutsauka kwaɀiri.

⁴Ɀino Mesha mambo waMoabi wakaŋga ari mŋene wamakwai, waipa mambo waIsraeri makushe amakwaiana aneɀuru ɀinezana, naamakondobge aneɀuru ɀinezana.

⁵Asi Ahabi wakati afa, mambo waMoabi akamukira mambo waIsraeri.

⁶Mambo Jehorami akaɓuɗa paSamaria neŋguʋa iyo, akaʋuŋganidza ʋaIsraeri ʋose.

⁷Akatuma shoko kunaJehoshafati mambo waJuda, aciti: Mambo waMoabi wandimukira, ucaenda neni kundorwa naMoabi here? Iye akati: Ndicaenda; ini ndakaita sewe, naʋanhu ʋaŋgu saʋanhu ʋako, namabiza aŋgu samabiza ako.

⁸Iye akati: Ticaenda nenzira ipiko? Akati: Nenzira yokurenje raEdomi.

⁹Naiɀoɀo mambo waIsraeri akaenda, namambo waJuda, namambo waEdomi, ʋakapota ʋakafamba mazuʋa manomŋe, ʋakashaiwa mvura yokunwisa hondo neɀipfuwo ɀaʋakaŋga ʋanaɀo.

¹⁰Ipapo mambo waIsraeri akati: Haiwa! Jehova wakaɗana madzimambo awa matatu, kuti aʋaise mumaʋoko aʋaMoabi.

¹¹Ɀino Jehoshafati akati: Hapanamuprofita waJehova pano, tibvunze Jehova naye here? Mumŋe waʋaranda ʋamambo waIsraeri akapindura, akati: Erisha mŋanakomana waShafati uri pano, iye wakaɗeya kusururidza mvura pamaʋoko aEria.

¹²Jehoshafati akati: Shoko raJehova riri kwaari. Ɀino mambo waIsraeri, naJehoshafati, namambo waEdomi ʋakaenda kwaari.

¹³Erisha akati kunamambo waIsraeri: Ndineiko nemi? Endai kuʋaprofita ʋaɓaɓa ʋenyu nokuʋaprofita ʋamai ʋenyu. Mambo waIsraeri akati kwaari: Kwete, nokuti Jehova ndiye wakaɗana madzimambo awa matatu, kuti aʋaise mumaʋoko aʋaMoabi.

¹⁴Erisha akati: NaJehova wehondo mupenyu, iye wandimire pamberi pake, ɀirokwaɀo ɗai ndisaiʋa nehanya naJehoshafati mambo waJuda uri pano, handizaitarira kwamuri, kana kukuʋonai imi.

¹⁵Asi ɀino ʋuyai kwandiri nomuridzi wembira. Ɀino muridzi wembira wakati aciridza, ruʋoko rwaJehova rukaʋuya pamsoro pake.

¹⁶Akati: Ɀanzi naJehova: Cerai makoroŋga mazhinji pamupata uyu.

¹⁷Nokuti ɀanzi naJehova: Hamuŋgaʋoni mhepo, hamuŋgaʋoni mvura; kunyaŋge ɀakaɗaro mupata uyu ucazadzwa nemvura; imi mucanwa, imi neɀipfuwo ɀenyu, neɀinotakura nhumbi dzenyu.

¹⁸Cinhu ici ciɗuku haco pamberi paJehova; asi iye ucaisa ʋo ʋaMoabi mumaʋoko enyu.

¹⁹Mucaparadza guta rimŋe nerimŋe rakasimbiswa, neguta rimŋe nerimŋe rakatsaurwa, mucatema muti mumŋe nomumŋe wakanaka, nokudziʋira matsime ose emvura, nokushatsa namabge munda mumŋe nomumŋe wakanaka.

²⁰Ɀino fume maŋgwana, neŋguʋa yokuɓayira cipo, mvura ikaʋonekwa icibva nenzira yaEdomi, nyika ikazadzwa nemvura.

²¹Ɀino ʋaMoabi ʋose ʋakati ʋacinzwa kuti madzimambo akaŋga aȿika kuzorwa naʋo, ʋakaʋuŋgana, ʋose ʋakaŋga ʋacigona kupfeka nhumbi dzokurwa nadzo, naʋakaʋapfuʋura pamakore, ʋakandomira pamuganho.

²²Ʋakamuka maŋgwanani, ʋakaʋona zuʋa ricipenya pamvura, ʋaMoabi ʋakaʋona mvura ʋari kure yakatȿuka seropa.

²³Ʋakati: Iropa; ɀirokwaɀo madzimambo aparadzwa, ʋaʋurayana; naiɀoɀo ɀino, ʋaMoabi, endai mundopamba.

²⁴Ɀino ʋakati ʋaciȿika pamisasa yaʋaIsraeri, ʋaIsraeri ʋakasimuka, ʋakaparadza ʋaMoabi, ʋakatiza pamberi paʋo; ʋakapinda munyika yaʋo ʋaciparadza ʋaMoabi.

²⁵Ʋakaputsa maguta, mumŋe nomumŋe akakanda ibge rake pamunda mumŋe nomumŋe wakanaka, ikazara; ʋakadziʋira matsime ose emvura, ʋakatema miti yose yakanaka, kuȿikira ʋasiya mabge oga paKiri‐hareseti; ʋaposheri ʋamabge ʋakarikomba, ʋakariparadza.

²⁶Ɀino mambo waMoabi wakati aciʋona kuti wakundwa pakurwa, akatora ʋarume ʋanamazana manomŋe ʋaigona kurwa nomunondo, akaidza kupasanura kunamambo waEdomi; asi ʋakaŋga ʋasiŋgagoni.

²⁷Ipapo akatora mŋanakomana wake weɗaŋgwe, waifanira kumuteʋera paʋushe, akamuɓayira ciʋe cipiriso cinopiswa pamsoro poruȿiŋgo. Ipapo ʋaIsraeri ʋakatsamŋa kwaɀo, ʋakabva kwaari, ʋakadzokera kunyika yaʋo.