Read Original Shona Union Bible 1949 Baiberi Magwaro Matȿene aMŋari II Madzimambo 4 Bible Online

II Madzimambo 4 - Original Shona Union Bible 1949 Baiberi Magwaro Matȿene aMŋari bible

II Madzimambo 4

¹Ɀino mumŋe mukadzi waʋakadzi ʋaʋanakomana ʋaʋaprofita wakacema kunaErisha, akati: Muranda wenyu, murume waŋgu, wafa; munoziʋa kuti muranda wenyu wakaŋga acitya Jehova; ɀino uyo, waakaŋga atora cikwerete kwaari, waʋuya kuzotora ʋana ʋaŋgu ʋaʋiri kuzoʋa ʋaranda ʋake.

²Erisha akati kwaari: Ndiŋgakuɓatsira seiko? Ndiʋudze. Uneiko mumba mako? Iye akati: Murandakadzi wenyu haanecinhu mumba, asi hari inamafuta.

³Ipapo akati: Enda undokwereta kunaʋose ʋaugere naʋo midziyo isineciro; usakwereta mishoma.

⁴Ɀino upinde, iwe naʋana ʋako, ndokupfiga mukoʋa, uɗire mumidziyo iyo yose, ucigadzika yose yazara kurutiʋi.

⁵Naiɀoɀo akabva kwaari, akapfiga mukoʋa, iye naʋana ʋake ʋari mukati; iʋo ʋakamuȿitsa midziyo, akaɗira.

⁶Midziyo yakati yazara, akati kumŋanakomana wake: Ndipe ɀe mumŋe mudziyo. Iye akati kwaari: Hapacinomumŋe mudziyo; mafuta akaguma ʋo.

⁷Ipapo akandoʋudza munhu waMŋari, iye akati: Cienda undoteŋgesa mafuta, uripe cikwerete cako, urarame neɀakasara, iwe naʋanakomana ʋako.

⁸Ɀino mumŋe musi Erisha akapfuʋura napaShunemi, pakaŋga pagere mukadzi wakakurumbira, iye akamugombedzera kudya ɀokudya. Ɀino ŋguʋa dzose kana acipfuʋura napo, waitsaukira’ko kuzodya ɀokudya.

⁹Akati kumurume wake: Tarirai ɀino, ndinoʋona kuti uyu murume, unosipfuʋura nokwatiri, munhu mutȿene waMŋari.

¹⁰Ŋgatiʋake kamuri ɗuku pamsoro poruȿiŋgo, timuisire’mo mubeda, netafura, necigaro, necigadziko comŋenje; ɀino kana aciŋge aciʋuya kwatiri, agotsaukira’mo.

¹¹Ɀino mumŋe musi akaȿika’po, akatsaukira kukamuri iyo ɗuku, akandoʋata’mo.

¹²Akati kunaGehazi muranda wake: Ƌana mukadzi uyu muShunemi. Wakati amuɗana, iye akamira pamberi pake.

¹³Akati kwaari: Citaura kwaari ɀino, uti: Tarirai, makaticeŋgeta ɀikuru kwaɀo, ɀino tiŋgakuitirei ʋo? Munoɗa kuti tikureʋerei kunamambo, kana kumukuru wehondo here? Iye akapindura, akati: Ndigere haŋgu ɀakanaka pakati paʋanhu ʋaŋgu.

¹⁴Akati: Ɀino tiŋgamuitireiko? Gehazi akapindura, akati: Ɀirokwaɀo haanomŋanakomana, nomurume wake wakwegura.

¹⁵Iye akati: Muɗane. Wakati amuɗana, iye akamira pamukoʋa.

¹⁶Akati: Neŋguʋa ino kana gore rapera, ucafuŋgatira mŋana. Iye akati: Kwete, ishe waŋgu, munhu waMŋari, regai kureʋa nhema kumurandakadzi wenyu.

¹⁷Mukadzi akaʋa nemimba, akapona mŋanakomana neŋguʋa iyo pakupera kwegore, seɀakaŋga ɀataura Erisha kwaari.

¹⁸Ɀino mŋana wakati akura, akaenda mumŋe musi kunaɓaɓa ʋake kuʋakohwi.

¹⁹Akati kunaɓaɓa ʋake: Musoro waŋgu, musoro waŋgu! Iʋo ʋakati kumuranda: Muɓereke uende naye kunamai ʋake.

²⁰Iye akamutora, akamuisa kunamai ʋake, akagara pamabvi aʋo kuȿikira masikati makuru, akafa.

²¹Iʋo ʋakakwira, ʋakandomuradzika pamubeda womunhu waMŋari, ʋakamupfigira’mo, ʋakaɓuɗa.

²²Akaɗana murume wake, akati: Nditumire ʋo mumŋe muranda nemboŋgoro imŋe, ndimhanyire kumunhu waMŋari, ndigodzoka ɀe.

²³Iye akati: Unoɗa kuendireiko kwaari nhasi? Hakuzi kugara kwomŋedzi, kana Saɓata. Iye akati: Haɀinemhoȿa.

²⁴Ɀino akaisa cigaro pamboŋgoro, akati kumuranda wake: Uifambise, ipfuʋurire mberi; rega kundinonosa pakufamba, asi kana ndikakuʋudza.

²⁵Naiɀoɀo akaenda, akaȿika kumunhu waMŋari pagomo reKarmeri. Munhu waMŋari wakati acimuʋona aciri kure, akati kunaGehazi muranda wake: Tarira hoyo mukadzi muShunemi.

²⁶Mhanya hako ɀino undosoŋgana naye, uti kwaari: Makafara here? Murume wenyu wakafara here? Nomŋana wakafara here? Iye akapindura, akati: Haiwa, takafara heɗu!

²⁷Ɀino wakati aȿika kumunhu waMŋari pagomo, akaɓata tsoka dzake. Gehazi akasweɗera aciɗa kumusundira kure; asi munhu waMŋari akati: Murege hake, nokuti mŋeya wake uneshuŋgu mukati make. Asi Jehova wakandiʋanzira iɀoɀo, haana‐kundiʋudza.

²⁸Ipapo iye akati: Ko ndakakumbira mŋanakomana kunashe waŋgu here? Ko handina‐kuti: Regai kundinyeŋgedzera here?

²⁹Ipapo akati kunaGehazi: Ciɀisuŋga ciʋuno, uɓate tȿimbo yaŋgu muruʋoko rwako, uende; kana ukasoŋgana nomunhu, rega kumukwazisa; kana mumŋe akakukwazisa, usamuɗaʋira; ugondoisa tȿimbo yaŋgu pamsoro peciso comŋana.

³⁰Ɀino mai ʋomŋana ʋakati: NaJehova mupenyu, ʋuye nomŋeya wenyu mupenyu, handiŋgakusiyiyi. Akasimuka, akamuteʋera.

³¹Gehazi akaʋatuŋgamirira, akandoisa tȿimbo paciso comŋana, asi kwakaŋga kusino‐kutaura kana kunzwa. Naiɀoɀo akadzoka kuzosoŋgana naye, akati kwaari: Mŋana haana‐kupepuka.

³²Erisha wakati apinda mumba akawana mŋana akafa, akaradzikwa pamubeda wake.

³³Naiɀoɀo akapinda, akapfiga mukoʋa, iye ari mukati nomŋana, iʋo ʋaʋiri, akanyeŋgetera kunaJehova.

³⁴Akakwira, akatsiʋama pamsoro pomŋana, akaisa muromo wake pamuromo wake, nameso ake pameso ake, namaʋoko ake pamaʋoko ake; akatsiʋama pamsoro pake; nyama yomŋana ikadziya.

³⁵Ɀino akadzoka, akafamba‐famba mumba kamŋe, akakwira ɀe, akatsiʋama pamsoro pake; mŋana akahotsira kanomŋe, mŋana ndokuȿinudza meso ake.

³⁶Ipapo akaɗana Gehazi, akati: Ƌana mukadzi muShunemi. Akamuɗana. Iye wakati apinda kwaari, Erisha akati: Simudza mŋanakomana wako.

³⁷Ɀino iye akapinda, akaɀiwisira patsoka dzake, akakotamira pasi; akasimudza mŋanakomana wake, akaɓuɗa.

³⁸Ɀino Erisha akaenda ɀe Girgari; nzara yakaŋga iri’po panyika; ʋanakomana ʋaʋaprofita ʋakaŋga ʋagere pamberi pake, akati kumuranda wake: Gadza hari huru, uɓikire ʋanakomana ʋaʋaprofita ɀokudya.

³⁹Ɀino mumŋe akaenda kusaŋgo kundotanha miriʋo, akawana muti unotanda, akatanha’po magake, akazadza ŋguʋo yake nawo, akaȿika akaacekera muhari yeɀokudya, nokuti ʋakaŋga ʋasiŋgaaziʋi.

⁴⁰Ɀino ʋakapakurira ʋanhu kuti ʋadye. Iʋo ʋakati ʋodya ɀokudya, ʋakaɗanidzira, ʋakati: Munhu waMŋari, rufu ruri muhari. Ʋakasagona kuɀidya.

⁴¹Asi iye akati: Ʋuyai noʋupfu. Akabguɗira muhari, akati: Cipakurai henyu, ʋanhu ʋadye. Ɀino kwakaŋga kusinecinhu cakaipa muhari.

⁴²Ɀino mumŋe murume wakaȿika, acibva Baari‐sharisha, akaʋigira munhu waMŋari ɀokudya ɀeɀitȿa, ɀiŋgwa ɀebari ɀinamakumi maʋiri, nehura itȿa dzeɀiyo muhomo yake. Akati: Ipai ʋanhu, ʋadye.

⁴³Muranda wake akati: Ndiŋgaisa iɀi pamberi paʋanhu ʋanezana seiko? Asi iye akati: Ipai ʋanhu, ʋadye, nokuti ɀanzi naJehova: Ʋacadya, ʋakasiya ɀimŋe.

⁴⁴Naiɀoɀo akaɀiisa pamberi paʋo, ʋakadya, ʋakasiya ɀimŋe, seɀakataura shoko raJehova.