Read Original Shona Union Bible 1949 Baiberi Magwaro Matȿene aMŋari II Madzimambo 5 Bible Online

II Madzimambo 5 - Original Shona Union Bible 1949 Baiberi Magwaro Matȿene aMŋari bible

II Madzimambo 5

¹Ɀino Naamani, mukuru wehondo dzamambo weSiria, waiʋa munhu mukuru kunatenzi wake, nomunhu waikudzwa; nokuti Jehova wakaŋga akundisa ʋaSiria naye; ʋuye waiʋa munhu wesimba noʋumhare, asi wakaŋga anamaperembudzi.

²Ɀino ʋaSiria ʋakaŋga ʋandorwa ʋakaita mapoka‐mapoka, ʋakadzoka nomusikana muɗuku waʋakaŋga ʋatapa panyika yaIsraeri; iye wakaŋga aciɓatira mukadzi waNaamani.

³Akati kunatenzikadzi wake: Ƌai ishe waŋgu aiʋa kumuprofita uri paSamaria, uŋgaɗai akaʋaporesa maperembudzi ake.

⁴Ɀino mumŋe akapinda, akandoʋudza ishe wake, akati: Musikana wenyika yaIsraeri wakataura cokuti necokuti.

⁵Mambo weSiria akati: Enda, ndinoɗa kutuma ŋwadi kunamambo waIsraeri. Akabva, akaenda namatarenta anegumi esirveri,[1] namashekeri aneɀuru ɀitanhatu ɀendarama,[2] neŋguʋo dzakanaka dzinegumi.

⁶Akaenda neŋwadi kunamambo waIsraeri, yakaŋga iciti: Ɀino kana ŋwadi iyi iciȿika kwamuri, muziʋe kuti ndatuma Naamani muranda waŋgu kwamuri, kuti mumuporese maperembudzi ake.

⁷Ɀino mambo waIsraeri wakati araʋa ŋwadi iyo, akabvarura ŋguʋo dzake, akati: Asi ndini Mŋari kanhi? Ndinoziʋa kuʋuraya nokuraramisa kanhi, munhu uyu ɀaatuma shoko kwandiri, kuti ndiporese munhu maperembudzi ake? Asi fuŋgai, muʋone, kuti unotȿaka kurwa neni.

⁸Ɀino Erisha munhu waMŋari, wakati acinzwa kuti mambo waIsraeri wabvarura ŋguʋo dzake, akatuma shoko kunamambo, akati: Mabvarurireiko ŋguʋo dzenyu? Ŋgaaʋuye hake ɀino kwandiri, aziʋe kuti muprofita uri’po pakati paIsraeri.

⁹Naiɀoɀo Naamani akaenda namabiza ake neŋgoro dzake, akandomira pamukoʋa weimba yaErisha.

¹⁰Erisha akatuma nhume kwaari, akati: Enda, undoshamba kanomŋe munaJoridani, nyama yako idzokere ɀe kwauri, uʋe wakanaka.

¹¹Asi Naamani wakatsamŋa, akabva, akati: Tarirai, ndaŋga ndiciti: Ɀirokwaɀo ucaɓuɗa kwandiri, akamira, akaɗana zita raJehova Mŋari wake, nokupuruzira’po noruʋoko rwake, agoporesa maperembudzi.

¹²Ko Abana neFarpari, idzo nzizi dzeDamasko, hadzina‐kunaka kukunda mvura yose iri pakati paIsraeri here? Handiŋgashambi madziri, ndikaʋa wakanaka here? Naiɀoɀo akaenda, akabva atsamŋa kwaɀo.

¹³Ɀino ʋaranda ʋake ʋakasweɗera, ʋakataura naye, ʋakati: Nhai, ɓaɓa ʋeɗu, Ƌai muprofita akakurairai kuita cinhu cikuru, hamuzaiciita here? Ndoɗa ɀaakati kwamuri: Shamba, uʋe wakanaka?

¹⁴Ipapo akaɓuruka, akandonyura munaJoridani kanomŋe, seɀakaŋga ɀataura munhu waMŋari; nyama yake ikadzoka, ikafanana nenyama yomŋana muɗuku, akaʋa wakanaka.

¹⁵Ɀino akadzokera kumunhu waMŋari, iye neɓoka rake rose, akaȿika, akamira pamberi pake, akati: Tarirai, ɀino ndoziʋa kuti hapanaMŋari pasi pose, asi pakati paIsraeri; naiɀoɀo ɀino, gamucirai henyu cipo kumuranda wenyu.

¹⁶Asi iye akati: NaJehova mupenyu, iye wandimire pamberi pake, handiŋgagamuciri cinhu. Akamugombedzera, kuti agamucire, asi wakaramba.

¹⁷Ɀino Naamani akati: Kana musiŋgaɗi henyu, muranda wenyu ŋgaapiwe hake mitoro yevu iŋgatakurwa namahesera maʋiri; nokuti kubva ɀino muranda wenyu haaŋgaɓayiri ʋamŋe ʋamŋari cipiriso cinopiswa kana cimŋe ciɓayiro asi Jehova oga.

¹⁸Asi Jehova ŋgaakaŋganwire hake muranda wake pacinhu ici: Kana tenzi waŋgu acipinda mumba maRimoni kuzonamata’po, akasendamira paruʋoko rwaŋgu, ini ndikafugama mumba maRimoni; kana ndikafugama mumba maRimoni Jehova ŋgaakaŋganwire muranda wake pacinhu ici.

¹⁹Akati kwaari: Enda hako nomufaro. Naiɀoɀo akabva kwaari, akafamba cinhambo ciɗuku.

²⁰Asi Gehazi muranda waErisha, munhu waMŋari, akati: Tarirai, tenzi waŋgu wakarega Naamani uyu muSiria, ɀaasina‐kugamucira kwaari caakaŋga aʋuya naco; asi naJehova mupenyu, ndicamhanya, ndikamuteʋera, nditore cinhu kwaari.

²¹Naiɀoɀo Gehazi akateʋera Naamani. Ɀino Naamani wakati aciʋona munhu acimhanya acimuteʋera, akaɓuruka paŋgoro kuti asoŋgane naye, akati: Makafara henyu mose here?

²²Iye akati: Takafara heɗu tose. Tenzi waŋgu wakandituma, aciti: Tarirai, ɀino‐ɀino majaya maʋiri, ʋanakomana ʋaʋaprofita, ʋakaȿika kwandiri, ʋacibva kunyika yamakomo yaEfraimi; dondipai ʋo tarenta rimŋe resirveri,[3] neŋguʋo mbiri dzakanaka.

²³Naamani akati: Ndinokumbira kuti utore hako matarenta maʋiri. Akamugombedzera, akasuŋgira matarenta maʋiri esirveri muhomo mbiri, pamŋe cete neŋguʋo mbiri dzakanaka, akaɀitakudza ʋaranda ʋake ʋaʋiri, ʋakaɀitakurira pamberi pake.

²⁴Ɀino wakati aȿika pacikomo, akaɀitora pamaʋoko aʋo, akaɀiʋiga mumba, akadzosa ʋanhu, ʋakaenda haʋo.

²⁵Ipapo akapinda, akamira pamberi patenzi wake. Erisha akati kwaari: Wabvepiko, Gehazi? Iye akati: Muranda wenyu wakaŋga aciŋgoʋa pano hake.

²⁶Iye akati kwaari: Mŋoyo waŋgu hauna‐kuenda newe here ŋguʋa iya murume acidzoka paŋgoro kuzosoŋgana newe? Ko ndiyo ŋguʋa yokugamucira mari, nokugamucira ŋguʋo, neminda yemiorivi, neminda yemizambiriŋga, namakwai nenzombe, naʋaranda naʋarandakadzi here?

²⁷Naiɀoɀo maperembudzi aNaamani acakunamatira iwe naʋana ʋako nokusiŋgaperi. Ipapo akaɓuɗa pamberi pake aʋa namaperembudzi, akati mbembe secando.