Read Original Shona Union Bible 1949 Baiberi Magwaro Matȿene aMŋari II Madzimambo 6 Bible Online

II Madzimambo 6 - Original Shona Union Bible 1949 Baiberi Magwaro Matȿene aMŋari bible

II Madzimambo 6

¹Ɀino ʋanakomana ʋaʋaprofita ʋakati kunaErisha: Tarirai ɀino, apa patigere pamberi penyu pakamanikana, hapatiriŋgani.

²Titenderei henyu tiende kwaJoridani, mumŋe nomumŋe atore ɗanda’po, tiɀiʋakire’po patiŋgagara. Iye akapindura, akati: Endai henyu.

³Ɀino mumŋe akati: Tinokumbira kuti imi mutende kuenda ʋo naʋaranda ʋenyu. Akapindura, akati: Ndicaenda.

⁴Naiɀoɀo akaenda naʋo. Ʋakati ʋaȿika kwaJoridani, ʋakatema matanda.

⁵Asi mumŋe wakati acitema ɗanda, cese ndokuwira mumvura; akaɗanidzira, aciti: Haiwa! tenzi waŋgu! nokuti rakaŋga rakumbirwa.

⁶Munhu waMŋari akati: Yawirepiko? Akamuratidza payakaŋga yawira. Erisha akatema rutanda, akarukandira’ko, akapapamadza ɗare.

⁷Akati: Ciritora hako. Iye akatambanudza ruʋoko rwake, akaritora.

⁸Ɀino mambo weSiria wakarwa naʋaIsraeri; akaraŋgana naʋaranda ʋake, akati: Matente aŋgu anofanira kudzikwa pokuti nopokuti.

⁹Ɀino munhu waMŋari ndokutuma shoko kunamambo waIsraeri, akati: Cenjerai, murege kupfuʋura nopokuti, nokuti ʋaSiria ʋoɓurukira ipapo.

¹⁰Ipapo mambo waIsraeri akatuma ʋanhu ikoko kwaakaʋudzwa nokunyeʋerwa nomunhu waMŋari, akaɀiŋgwarira’po asiŋgaɗaro kamŋe nakaʋiri ɓedzi.

¹¹Naiɀoɀo mŋoyo wamambo weSiria ukadzianiswa kwaɀo pamsoro pecinhu ici; akaɗana ʋaranda ʋake, akati kwaʋari: Hamuŋgandiratidzi here, kuti ndianiko pakati patiri unonzwana namambo waIsraeri?

¹²Mumŋe waʋaranda ʋake akati: Kwete, ishe waŋgu mambo, asi Erisha muprofita, uri pakati paIsraeri, ndiye unoʋudza mambo waIsraeri mashoko amunotaura muimba yenyu yomukati.

¹³Akati: Endai mundotarira kwaari, nditume ʋanhu kuzomutora. Akaʋudzwa, ɀicinzi: Uri paDotani.

¹⁴Naiɀoɀo akatumira’ko mabiza, neŋgoro, nehondo huru; ʋakafamba ʋusiku, ʋakakomba guta.

¹⁵Ɀino muranda womunhu waMŋari wakati amuka maŋgwanani, akaɓuɗa, ndokuʋona hondo namabiza neŋgoro ɀakakomba guta. Muranda wake akati kwaari: Haiwa! tenzi waŋgu, ticaɗiniko?

¹⁶Iye akapindura, akati: Usatya hako, nokuti ʋari kwatiri ʋanopfuʋura ʋari kwaʋari pakuwanda.

¹⁷Ɀino Erisha akanyeŋgetera, akati: Jehova, ȿinudzai henyu meso ake, aʋone. Ipapo Jehova akaȿinudza meso ejaya, akaʋona gomo rizere namabiza, neŋgoro dzomŋoto ɀakaŋga ɀakakomba Erisha.

¹⁸Ɀino ʋakati ʋaciɓurukira kwaari, Erisha akanyeŋgetera kunaJehova, akati: Ƌoroʋai ʋanhu aʋa noʋupofu. Jehova akaʋaroʋa noʋupofu, seɀakaŋga ɀarebga naErisha.

¹⁹Erisha akati kwaʋari: Haizi iyo nzira, ʋuye guta iri harizi iro; nditeʋerei ini, ndikuisei kumunhu wamunotȿaka. Akaenda naʋo Samaria.

²⁰Ʋakati ʋaȿika Samaria, Erisha akati: Jehova, ȿinudzai meso aʋanhu aʋa, ʋaʋone. Jehova akaȿinudza meso aʋo, ʋakaʋona kuti ʋaʋa mukati meSamaria.

²¹Ɀino mambo waIsraeri wakati aciʋaʋona, akati kunaErisha: Ƃaɓa ʋaŋgu, ndoʋaʋuraya here? Ndoʋaʋuraya here?

²²Iye akapindura, akati: Usaʋaʋuraya; ko uŋgaʋuraya ʋawakatapa nomunondo wako noʋuta bgako here? Gadzika ciŋgwa nemvura pamberi paʋo, ʋadye, ʋanwe, ʋaende kunatenzi waʋo.

²³Iye akaʋagadzirira ɀokudya ɀizhinji; ɀino ʋakati ʋadya nokunwa, akaʋaendisa, ʋakadzokera kunatenzi waʋo. Ɀino hondo dzaʋaSiria hadzina‐kuzopinda ɀe munyika yaIsraeri.

²⁴Shure kwaiɀoɀo, Beni‐hadadi mambo weSiria akaʋuŋganidza hondo yake yose, akandokomba Samaria.

²⁵Nzara huru ikaʋa’po paSamaria; nokuti ʋakarikomba kuȿikira musoro wemboŋgoro uciteŋgeswa namashekeri esirveri anamakumi masere,[4] necitswanda ciɗuku camatoto enjiʋa ciciteŋgeswa namashekeri esirveri mashanu.[5]

²⁶Ɀino mambo waIsraeri wakati acipfuʋura napamsoro poruȿiŋgo, mumŋe mukadzi akaɗanidzira kwaari, akati: Ndiɓatsirei ʋo ishe waŋgu mambo!

²⁷Iye akati: Kana Jehova asiŋgakuɓatsiri, ini ndiŋgakuɓatsira neiko? Neɀinobva paɓuriro kana paciȿiniro cewaini kanhi?

²⁸Mambo akati kwaari: Unoreʋeiko? Akapindura, akati: Mukadzi uyu wakati kwandiri: Ʋuya nomŋanakomana wako, timudye nhasi, maŋgwana tigodya mŋanakomana waŋgu.

²⁹Naiɀoɀo takaɓika mŋanakomana waŋgu, tikamudya; fume maŋgwana ndikati kwaari: Ʋuya nomŋanakomana wako, timudye, iye ndokuʋanza mŋanakomana wake.

³⁰Ipapo mambo wakati acinzwa mashoko omukadzi, akabvarura ŋguʋo dzake; (ɀino wakaŋga acipfuʋura naparuȿiŋgo;) ʋanhu ʋakatarira, ʋakaʋona kuti wakafuka magumbu mukati pamuʋiri wake.

³¹Ipapo akati: Mŋari ŋgaandiroʋe, arambe aciɗaro, kana musoro waErisha mŋanakomana waShafati ukaramba uri pamsoro pake nhasi.

³²Asi Erisha wakaŋga agere mumba make, ʋakuru ʋagere ʋo naye; mambo akatuma munhu kuzomutuŋgamirira; asi nhume icigere kuȿika kwaari, akati kuʋakuru: Munoʋona here kuti mŋana uyu womuʋurayi watuma munhu kuzobvisa musoro waŋgu? Tarirai, kana nhume iciȿika, mupfige mukoʋa, mumutsigirire mukoʋa; kutsika kwetsoka dzatenzi wake hakunzwiki shure kwake here?

³³Ɀino wakati acataurirana naʋo, nhume ikaɓurukira kwaari; iye akati: Tarirai, cakaipa ici cinobva kunaJehova; ndicamirireiko Jehova?