Read Original Shona Union Bible 1949 Baiberi Magwaro Matȿene aMŋari II Madzimambo 7 Bible Online

II Madzimambo 7 - Original Shona Union Bible 1949 Baiberi Magwaro Matȿene aMŋari bible

II Madzimambo 7

¹Erisha akati: Inzwai shoko raJehova: Ɀanzi naJehova: Maŋgwana neŋguʋa ino, ciyero cimŋe[6] coʋupfu bgakatsetseka cicateŋgeswa neshekeri[7] rimŋe, neɀiyero ɀiʋiri ɀebari neshekeri rimŋe pasuʋo reSamaria.

²Ɀino mukuru uyo, mambo waakaŋga akasendama paruʋoko rwake, akapindura munhu waMŋari, akati: Tarirai, kunyaŋge Jehova akaita mawindi kuɗeŋga, cinhu ici ciŋgaitika here? Erisha akati: Tarira, ucaɀiʋona nameso ako, asi hauŋgaɀidyi.

³Ɀino kwakaŋga kunaʋarume ʋanna ʋaiʋa namaperembudzi kunze kwesuʋo; iʋo ʋakataurirana, ʋakati: Tinogarireiko pano kuȿikira tafa?

⁴Kana tikati: Ticapinda muguta, nzara huru iri muguta, ticandofira’mo; kana tikagara pano, ticafa ʋo. Naiɀoɀo ɀino hendei tiende heɗu kuhondo dzaʋaSiria; kana ʋakatirega tiri ʋapenyu, tararama heɗu; kana ʋakatiʋuraya, tafa heɗu.

⁵Ipapo ʋakasimuka mambakwedza, ʋakaenda kumisasa yaʋaSiria; ʋakati ʋaȿika kumisasa yokumudziʋo yaʋaSiria, ʋakawana kusinomunhu.

⁶Nokuti Jehova wakaŋga anzwisa hondo yaʋaSiria kutinhira kweŋgoro, nokutinhira kwamabiza, kuri kutinhira kwehondo huru; ʋakataurirana, ʋakati: Tarirai, mambo waIsraeri wakakoka madzimambo aʋaHiti namadzimambo aʋaEgipita kuzorwa nesu.

⁷Naiɀoɀo ʋakamuka mambakwedza, ʋakasiya matente aʋo, namabiza aʋo, namahesera aʋo, musasa wose wakaŋgoɗaro, ʋakatiza kuti ʋararame.

⁸Ɀino ʋaya ʋaiʋa namaperembudzi ʋakati ʋaciȿika kumisasa yokumidziʋo, ʋakapinda patente rimŋe, ʋakadya nokunwa, ʋakatora’mo sirveri nendarama neŋguʋo, ʋakandoɀiʋiga; ʋakadzoka ɀe, ʋakapinda munerimŋe tente, ʋakatora ɀakaŋga ɀiri’mo ʋo, ʋakandoɀiʋiga.

⁹Ipapo ʋakataurirana, ʋakati: Hatiiti ɀakanaka; nhasi izuʋa reshoko rakanaka, asi isu tinoŋgonyarara heɗu; kana tikanonoka kuȿikira kwaedza, ticaʋiŋgwa nokurobga; naiɀoɀo hendei ɀino, tindoʋudza imba yamambo.

¹⁰Naiɀoɀo ʋakaenda ʋakaɗanidzira kuʋatariri ʋesuʋo reguta, ʋakaʋaʋudza, ʋakati kwaari: Takaȿika kumisasa yaʋaSiria, tikawana kusisinomunhu’po, kunyaŋge inzwi romunhu, asi mabiza akasuŋgirwa, namahesera akasuŋgirwa, namatente akaŋgoɗaro.

¹¹Ipapo ʋatariri ʋesuʋo ʋakaɗanidzira, ʋakaʋudza ʋomumba mamambo mukati.

¹²Mambo akamuka pakati poʋusiku, akati kuʋaranda ʋake: Ndicakuʋudzai ɀataitirwa naʋaSiria. Ʋanoziʋa kuti tinenzara; naiɀoɀo ʋakaɓuɗa pamisasa ʋakandoʋanda kusaŋgo, ʋaciti: Kana ʋakaɓuɗa muguta, ticaʋaɓata ʋari ʋapenyu, isu tigopinda muguta.

¹³Ipapo mumŋe muranda wake akapindura, akati: Ʋamŋe ŋgaʋatore mabiza mashanu kunaakasara, akasiyiwa muguta, (tarirai, ʋakafanana naʋamŋe ʋaIsraeri ʋazhinji ʋakasara’mo; tarirai, ʋakafanana ʋo naʋamŋe ʋaIsraeri ʋazhinji ʋatoparadzwa haʋo;) tiʋatume, tiʋone.

¹⁴Naiɀoɀo ʋakatora ŋgoro mbiri namabiza adzo, mambo akatuma ʋanhu kuzoteʋera hondo yaʋaSiria, akati: Endai, mundoʋona.

¹⁵Iʋo ʋakaenda, ʋakaʋateʋera kuȿikira kwaJoridani, ʋakawana nzira yose izere neŋguʋo, nenhumbi, dzakaŋga dzarashwa naʋaSiria nokumhanya kwaʋo. Nhume dzikadzoka, dzikaʋudza mambo.

¹⁶Ipapo ʋanhu ʋakaɓuɗa, ʋakapamba misasa yaʋaSiria. Naiɀoɀo ciyero coʋupfu bgakatsetseka cakateŋgeswa neshekeri rimŋe, neɀiyero ɀiʋiri ɀebari neshekeri rimŋe, seɀakaŋga ɀarebga naJehova.

¹⁷Mambo akagadza mukuru uya, waakaŋga akasendama paruʋoko rwake, kuti arindire suʋo; ʋanhu ʋakamutsikirira musuʋo, akafa seɀakaŋga ɀarebga nomunhu waMŋari, wakataura shoko iro musi wakaɓurukira mambo kwaari.

¹⁸Ɀikaitika seɀakaŋga ɀataurwa nomunhu waMŋari kunamambo, ɀaakati: Maŋgwana neŋguʋa ino ɀiyero ɀiʋiri ɀebari ɀicateŋgeswa neshekeri, neciyero cimŋe coʋupfu bgakatsetseka neshekeri pasuʋo reSamaria;

¹⁹mukuru uyo akapindura munhu waMŋari, akati: Ɀino tarira, kunyaŋge Jehova akaita mawindi kuɗeŋga, cinhu ici cakaɗai ciŋgaitwa here? Iye akati: Tarira, ucaɀiʋona nameso ako, asi hauŋgaɀidyi.

²⁰Ndiɀo ɀaakazoitirwa; nokuti ʋanhu ʋakamutsikirira musuʋo, akafa.