Read Original Shona Union Bible 1949 Baiberi Magwaro Matȿene aMŋari II Madzimambo 9 Bible Online

II Madzimambo 9 - Original Shona Union Bible 1949 Baiberi Magwaro Matȿene aMŋari bible

II Madzimambo 9

¹Ɀino muprofita Erisha wakaɗana mumŋe waʋanakomana ʋaʋaprofita, akati kwaari: Ciɀisuŋga ciʋuno cako, utore cinu ici camafuta muruʋoko rwako, uende Ramoti‐gireadi.

²Ɀino kana waȿika’po, utȿake’po Jehu mŋanakomana waJehoshafati mŋanakomana waNimshi; upinde mumba, ugomuraira asimuke pakati pehama dzake, apinde muimba yomukati.

³Ipapo utore cinu camafuta, ugoaɗira pamusoro wake, uciti: Ɀanzi naJehova: Ndakuzodza, kuti uʋe mambo waIsraeri. Ipapo uzarure mukoʋa, utize, usanonoka.

⁴Naiɀoɀo jaya, iro jaya romuprofita, rakaenda Ramoti‐gireadi.

⁵Wakati aȿika’po, akawana ʋakuru ʋehondo ʋagere pasi; akati: Ndineshoko nemi, imi mukuru. Jehu akati: Kunani, kwatiri tose? Iye akati: Kunemi, imi mukuru.

⁶Ipapo akasimuka, akapinda mumba; akaɗira mafuta pamusoro wake, akati kwaari: Ɀanzi naJehova Mŋari waIsraeri: Ndakuzodza uʋe mambo waʋanhu ʋaJehova, iʋo ʋaIsraeri.

⁷Ucaparadza imba yatenzi wako Ahabi, kuti nditsiʋe ropa raʋaranda ʋaŋgu ʋaprofita, neropa raʋaranda ʋose ʋaJehova kunaIzeberi.

⁸Nokuti ʋose ʋeimba yaAhabi ʋacaparadzwa: ndicaparadza kunaAhabi ʋana ʋaʋakomana ʋose, ʋakuru naʋaɗuku pakati paIsraeri.

⁹Ndicaita imba yaAhabi seimba yaJeroboami mŋanakomana waNebati, ʋuye seimba yaBaasha mŋanakomana waAhija.

¹⁰Imbga dzicadya Izeberi panyika yeJezreeri, hakuna‐ucamuʋiga. Ipapo akazarura mukoʋa, ndokutiza.

¹¹Ɀino Jehu akaɓuɗa kuʋaranda ʋashe wake, mumŋe akati kwaari: Kunomufaro here? Ƃenzi iri rakaʋiŋgeiko kwauri? Iye akati kwaʋari: Munoziʋa henyu munhu uyu, nokutaura kwake.

¹²Iʋo ʋakati: Inhema! Tiʋudze. Iye akati: Wandiʋudza ɀokuti neɀokuti, akati: Ɀanzi naJehova: Ndakakuzodza uʋe mambo waIsraeri.

¹³Ipapo ʋakakurumidza, mumŋe nomumŋe akatora ŋguʋo yake, akaiisa pasi pake pamsoro peɀikwiriso, ʋakaridza hwamanda, ʋakati: Jehu ndimambo!

¹⁴Naiɀoɀo Jehu mŋanakomana waJehoshafati, mŋanakomana waNimshi, akamukira Jorami. (Ɀino Jorami wakaŋga acidziʋirira Ramoti‐gireadi, iye naʋaIsraeri ʋose, nokuɗa kwaHazaeri mambo weSiria.

¹⁵Asi mambo Jorami wakaŋga adzokera Jezreeri kuzorapxa maʋaŋga ake, aakaŋga atemŋa naʋaSiria, ŋguʋa yaakarwa naHazaeri mambo weSiria). Ipapo Jehu akati: Kana mucitenda naɀo, ŋgakurege kuʋa nomunhu unotiza muguta, kundoʋudza iɀoɀo paJezreeri.

¹⁶Naiɀoɀo Jehu akafamba neŋgoro, akaenda Jezreeri, nokuti Jorami wakaŋga aʋete’po. Ɀino Ahazia mambo waJuda wakaŋga aenda’ko kuzoʋona Jorami.

¹⁷Ɀino nharirire yakaŋga imire pamsoro peshoŋgwe yeJezreeri, ikaʋona ɓoka raJehu riciʋuya, ikati: Ndinoʋona ɓoka raʋanhu. Jorami akati: Ƌanai mutaȿi webiza, mumutume andosoŋgana naʋo, ati: Kunorugare here?

¹⁸Naiɀoɀo mumŋe akakwira biza, akandosoŋgana naye, akati: Ɀanzi namambo: Kunorugare here? Jehu akati: Uneiko norugare? Enda shure kwaŋgu. Ipapo nharirire yakataura, ikati: Nhume yakaȿika kwaʋari, asi haidzoki ɀe.

¹⁹Ɀino akatuma wecipiri, wakaŋga akataȿa biza, iye akaȿika kwaari, akati: Ɀanzi namambo: Kunorugare here? Jehu akapindura, akati: Uneiko norugare? Enda shure kwaŋgu.

²⁰Ɀino nharirire yakataura, ikati: Wakaȿika hake kwaʋari, asi haadzoki ɀe; ʋuye kufambisa kwakafanana nokufambisa kwaJehu mŋanakomana waNimshi, nokuti unofambisa ɀinotyisa.

²¹Ipapo Jorami akati: Suŋgai ŋgoro! Ʋakasuŋga ŋgoro yake. Ipapo Jorami mambo waIsraeri, naAhazia mambo waJuda ʋakaɓuɗa kundosoŋgana naJehu, mumŋe nomumŋe neŋgoro yake, ʋakamuwana paɓindu raNaboti muJezreeri.

²²Ɀino Jorami wakati aciʋona Jehu, akati: Kunorugare here, nhai Jehu? Iye akapindura, akati: Rugare rwei! kana ʋufeʋe bgamai ʋako Izeberi noʋuroyi bgaʋo ʋuciri’po ʋuzhinji bgakaɗai!

²³Ipapo Jorami akadzosa ŋgoro yake, akatiza, akati kunaAhazia: Tanyeŋgerwa Ahazia!

²⁴Ipapo Jehu akahwembura ʋuta bgake nesimba rose, akafura Jorami pakati pamafudzi ake, museʋe ndokuɓuɗa napamŋoyo wake, akawira muŋgoro yake.

²⁵Ɀino Jehu akati kunaBidikari, mukuru wake wehondo: Musimudze, umurashire paɓindu romunda waNaboti muJezreeri; nokuti uraŋgarire kuti Jehova wakataura iɀi pamsoro pake, musi watakataȿa mabiza isu ʋaʋiri ticiteʋera Ahabi ɓaɓa ʋake.

²⁶Ɀanzi naJehova: Ɀirokwaɀo, ndakaʋona zuro ropa raNaboti, neropa raʋanakomana ʋake; ini ndicakutsiʋa paɓindu iri romunda, ndiɀo ɀinotaura Jehova. Naiɀoɀo ɀino, mutore umukandire paɓindu romunda, seɀakataurwa naJehova.

²⁷Asi Ahazia mambo waJuda, wakati aciɀiʋona, akatiza nenzira yakapfuʋura napaimba yomunda, Jehu akamuteʋera, akati: Muʋuraye naiye ʋo muŋgoro. Ʋakamuɓaya pajiŋga pegomo reGuri riri paIbreami. Akatizira Megido, akafira’po.

²⁸Ʋaranda ʋake ʋakamutakurira Jerusarema neŋgoro, ʋakamuʋiga pabgiro bgake kunamadziɓaɓa ake muguta raDavidi.

²⁹Ahazia akataŋga kuɓata ʋushe bgaJuda pagore regumi nerimŋe raJorami mŋanakomana waAhabi.

³⁰Ɀino Jehu wakati aciȿika paJezreeri, Izeberi akaɀinzwa; akazodza kumeso kwake, nokushoŋgedza musoro wake, akatarira napawindi.

³¹Ɀino Jehu wakati acipinda napasuʋo, akati: Kunorugare here, nhai iwe Zimri, muʋurayi watenzi wako?

³²Iye akatarira kumsoro kuwindi, akati: Ndianiko unonzwana neni? Ndianiko? Ipapo ʋaranda ʋaʋiri kana ʋatatu ʋakatarira kwaari napawindi.

³³Akati: Musundire pasi. Naiɀoɀo ʋakamusundira pasi, rimŋe ropa rake rikacambgadzira pamadziro napamabiza, akamutsika namakumbo ake.

³⁴Ɀino wakati apinda, akadya nokunwa, akati: Ɀino ciendai mundotarira mukadzi uyo wakatukwa, mumuʋige, nokuti mukunda wamambo.

³⁵Ʋakaenda kundomuʋiga, asi haʋana‐kuwana cinhu, asi ɗehenya rake, netsoka, neɀanza ɀamaʋoko ake.

³⁶Naiɀoɀo ʋakadzoka ʋakamuʋudza. Iye akati: Ndiro shoko raJehova, raakataura nomuranda wake Eria muTishbi, ɀaakati: Imbga dzicadya nyama yaIzeberi panyika yeJezreeri;

³⁷ʋuye citunha caIzeberi cicaʋa somupfudze pamsoro pomunda panyika yeJezreeri; naiɀoɀo haʋangati: Uyu ndiye Izeberi.