Read Original Shona Union Bible 1949 Baiberi Magwaro Matȿene aMŋari I Makoronike 11 Bible Online

I Makoronike 11 - Original Shona Union Bible 1949 Baiberi Magwaro Matȿene aMŋari bible

I Makoronike 11

¹Ɀino ʋaIsraeri ʋose ʋakaʋuŋgana kunaDavidi paHebroni, ʋakati: Tarirai, isu tiri mafupa enyu nenyama yenyu.

²Kare, kunyaŋge Sauro akaŋga ari mambo, ndimi maiɓuɗa nokupinda naIsraeri; Jehova Mŋari wenyu akati kwamuri: Iwe ucafudza ʋanhu ʋaŋgu ʋaIsraeri, nokuʋa mutuŋgamiriri waIsraeri.

³Naiɀoɀo ʋakuru ʋose ʋaIsraeri ʋakaenda kunamambo paHebroni, Davidi akaita suŋgano paHebroni pamberi paJehova; iʋo ʋakazodza Davidi, kuti aʋe mambo waIsraeri, seɀakaŋga ɀarebga naJehova nomuromo waSamueri.

⁴Davidi naʋaIsraeri ʋose ʋakakwira Jerusarema (ndiro Jebusi); ɀino ʋaJebusi, ʋanhu ʋenyika iyo, ʋakaŋga ʋari’po.

⁵Ipapo ʋanhu ʋaigara paJebusi ʋakati kunaDavidi: Hauŋgapindi pano. Asi Davidi wakakunda nhare yeZioni; ndiro guta raDavidi.

⁶Ipapo Davidi akati: Unotaŋga kuɓaya ʋaJebusi ndiye ucaʋa mutuŋgamiriri nomukuru. Ɀino Joabi mŋanakomana waZeruya akataŋga kukwira, akaitwa mutuŋgamiriri.

⁷Davidi akagara panhare; naiɀoɀo ʋakaritumidza zita rinonzi guta raDavidi.

⁸Akaʋaka guta kumatiʋi ose, kubva paMiro kuȿikira kumatiʋi ose; Joabi akagadzira ɀimŋe ɀeguta.

⁹Davidi akaramba acikura, nokuti Jehova wehondo waiʋa naye.

¹⁰Ɀino ndiʋo ʋakuru ʋaʋarume ʋanesimba ʋaiʋa naDavidi, ʋaimusimbisa paʋushe bgake, pamŋe cete naʋaIsraeri ʋose, kuti ʋamugadze aʋe mambo, seɀakarebga naJehova pamsoro paIsraeri.

¹¹Ndiko kuwanda kwaʋarume ʋanesimba ʋaiʋa naDavidi: Jashobeami mŋanakomana womuHakmoni, mukuru waʋanamakumi matatu; iye wakasimudza pfumo rake akarwa naʋanamazana matatu, akaʋaʋuraya neŋguʋa imŋe.

¹²Wakamuteʋera wakaŋga ari Ereazari, mŋanakomana waDodo muAhohi, mumŋe waʋarume ʋatatu ʋaiʋa nesimba.

¹³Iye wakaŋga anaDavidi paPasi‐damini; ʋaFiristia ʋakaŋga ʋaʋuŋgana’po kuzorwa paɓindu rakaŋga rizere nebari; ʋanhu ʋakatiza pamberi paʋaFiristia.

¹⁴Ʋakamira pakati peɓindu, ʋakarirwira, ʋakaʋuraya ʋaFiristia, Jehova akaʋarwira nokukunda kukuru.

¹⁵Ɀino ʋatatu ʋaʋakuru ʋaʋanamakumi matatu ʋakaɓurukira kuɗombo kunaDavidi kuɓako reAdurami; ɀino hondo yaʋaFiristia yakaŋga yadzika matente pamupata weRefaimi.

¹⁶Ɀino neŋguʋa iyo Davidi wakaŋga ari munhare, ʋuye ɓoka raʋarwi ʋaʋaFiristia raiʋa paBeti‐rehemi neŋguʋa iyo.

¹⁷Davidi akapaŋga, akati: Haiwa! ɗai mumŋe acindipa mvura yetsime reBeti‐rehemi, riri pasuʋo, ndinwe!

¹⁸Ipapo mhare idzo nhatu dzakapasanura napakati pehondo yaʋaFiristia, ʋakandoteka mvura patsime reBeti‐rehemi, riri pasuʋo, ʋakaitora, ʋakaʋuya nayo kunaDavidi; asi Davidi wakaramba kuinwa, akaiɗururira kunaJehova,

¹⁹akati: Mŋari waŋgu ŋgaandidziʋise, ndirege kuita cinhu ici! Ndiŋganwa ropa raʋarume aʋa ʋakaenda ʋasiŋgaraŋgariri ʋupenyu bgaʋo here? Nokuti ʋakaʋuya nayo ʋasiŋgaraŋgariri ʋupenyu bgaʋo. Naiɀoɀo akaramba kuinwa. Ndiɀo ɀakaitwa nemhare idzo nhatu.

²⁰Abishai munuŋuna waJoabi, ndiye wakaŋga ari mukuru waʋatatu aʋo, nokuti wakasimudza pfumo rake akarwa naʋanamazana matatu, akaʋaʋuraya; akaʋa nomukurumbira pakati paʋatatu aʋo.

²¹Pakati paʋatatu ndiye wakaŋga anembiri kukunda ʋamŋe ʋaʋiri, akaʋa mukuru waʋo; asi haana‐kuenzana naʋatatu ʋokutaŋga.

²²Benaya mŋanakomana waJehoyada, mŋanakomana wemhare weKabzeeri, wakaŋga aita maɓasa makuru, iye wakaʋuraya ʋanakomana ʋaʋiri ʋaArieri waMoabi, akandoʋuraya ʋo shumba mukati mehunza paŋguʋa yecando.

²³Akaʋuraya ʋo muEgipita, murume wakaŋga akakura kwaɀo wakaȿika makubiti mashanu; muEgipita uyu wakaŋga akaɓata pfumo muruʋoko rwake, asi iye wakaɓurukira kwaari akaɓata tȿimbo, akabvuta pfumo muruʋoko rwomuEgipita, akamuʋuraya nepfumo rake iro.

²⁴Ɀinhu iɀi ɀakaitwa naBenaya mŋanakomana waJehoyada, wakaŋga akakurumbira pakati pemhare idzo nhatu.

²⁵Tarirai, iye wakaŋga anembiri kukunda ʋanamakumi matatu, asi haana‐kuenzana naʋatatu ʋokutaŋga. Davidi akamuita mutariri waʋarindi ʋake.

²⁶Mhare dzehondo dzaiʋa: Asaheri munuŋuna waJoabi, naErhanani mŋanakomana waDodo weBeti‐rehemi;

²⁷naShamoti muHarori, naHerezi muPeroni;

²⁸naIra mŋanakomana waIkeshi muTekoi, naAbiezeri muAnatoti;

²⁹naSibekai muHushati, naIrai muAhohi;

³⁰naMaharai muNetofati, naHeredi mŋanakomana waBaana muNetofati;

³¹naItai mŋanakomana waRibai weGibea waʋana ʋaBenjamini, naBenaya muPiratoni;

³²naHurai wehoʋa dzeGaashi, naAbieri muArbati;

³³naAzmaveti muBaharumiti, naEriaba muShaarboni;

³⁴naʋanakomana ʋaHashemi muGizoni, naJonatani mŋanakomana waShage muHarari,

³⁵naAhiami mŋanakomana waSakari muharari, naErifari mŋanakomana waUri;

³⁶naHeferi muMekerati, naAhiya muPeroni;

³⁷naHezro muKarmeri, naNaarai mŋanakomana waEzbai;

³⁸naJoeri munuŋuna waNatani, naMibhari mŋanakomana waHagri;

³⁹naZereki muAmoni, naNaharai muBeeroti, muɓati wenhumbi dzokurwa nadzo dzaJoabi mŋanakomana waZeruya;

⁴⁰naIra muItri, naGarebi muItri;

⁴¹naUria muHiti, naZabadi mŋanakomana waArai;

⁴²naAdina mŋanakomana waShiza muRubeni, mukuru waʋaRubeni, naʋanamakumi matatu naye;

⁴³naHanani mŋanakomana waMaaka, naJoshafati muMitni;

⁴⁴naUzia muAshterati, naShama naJeieri ʋanakomana ʋaHotami muAroeri;

⁴⁵naJediaeri mŋanakomana waShimri, naJoha munuŋuna wake, muTizi;

⁴⁶naErieri muMahavi, naJeribai, naJoshavia, ʋanakomana ʋaErnaami, naItma muMuabi;

⁴⁷naErieri, naObedi, naJaasieri muMezoba.