Read Original Shona Union Bible 1949 Baiberi Magwaro Matȿene aMŋari I Makoronike 14 Bible Online

I Makoronike 14 - Original Shona Union Bible 1949 Baiberi Magwaro Matȿene aMŋari bible

I Makoronike 14

¹Ɀino Hirami mambo weTiro wakatuma nhume kunaDavidi, namatanda emisidari, naʋaʋaki, naʋaʋezi, kuti ʋamuʋakire imba.

²Davidi akaʋona kuti Jehova wakamusimbisa kuti aʋe mambo waIsraeri; nokuti ʋushe bgake bgakaŋga bgakudzwa kwaɀo nokuɗa kwaʋanhu ʋake Israeri.

³Davidi akaɀitorera ɀe ʋamŋe ʋakadzi paJerusarema, Davidi akaɓereka ʋamŋe ʋanakomana naʋanasikana.

⁴Ɀino ndiwo mazita aʋana ʋaakaŋga anaʋo paJerusarema: Shamua, naShobabi, naNatani, naSoromoni;

⁵naIbhari, naErishua, naErpereti;

⁶naNoga, naNefegi, naJafia;

⁷naErishama, naBeriada, naErifereti.

⁸Ɀino ʋaFiristia ʋakati ʋanzwa kuti Davidi wazodzwa kuti aʋe mambo waʋaIsraeri ʋose, ʋaFiristia ʋose ʋakakwira kundotȿaka Davidi; Davidi akaɀinzwa, akaɓuɗa kuzorwa naʋo.

⁹Ɀino ʋaFiristia ʋakaŋga ʋaȿika, ʋakapararira pamupata weRefaimi.

¹⁰Davidi akabvunza Jehova, akati: Ndokwira kundorwa naʋaFiristia here? Mucaʋaisa mumaʋoko aŋgu here? Jehova akati kunaDavidi: Kwira, nokuti ndicaʋaisa mumaʋoko ako.

¹¹Ʋakaȿika paBaari‐perazimi, Davidi akaʋaparadza’po; Davidi akati: Mŋari wakapxanya ʋaʋeŋgi ʋaŋgu noruʋoko rwaŋgu, sokupxanya kwemvura. Naiɀoɀo ʋakatumidza nɀimbo iyo Baari‐perazimi.

¹²Ʋakasiya ʋamŋari ʋaʋo’po, Davidi akaraira, ʋakaʋapisa nomŋoto.

¹³ƲaFiristia ʋakapararira ɀe pamupata uyo.

¹⁴Ipapo Davidi akabvunza Mŋari ɀe; Mŋari akati kwaari: Usandoʋateʋera; tsauka ubve kwaʋari, ugoʋaʋamba pakatarisana nemiti yemibarsami.

¹⁵Ɀino kana ucinzwa kutinhira kwokufamba pamisoro yemiti yemibarsami, ipapo unofanira kundorwa; nokuti Mŋari wakutuŋgamirira kundoparadza hondo yaʋaFiristia.

¹⁶Davidi akaita seɀaakarairwa naMŋari; ʋakaparadza hondo yaʋaFiristia kubva paGibeoni kuȿikira paGezeri.

¹⁷Mbiri yaDavidi ikaɓuɗira kunyika dzose; Jehova akavundusa marudzi ose pamsoro pake.