Read Original Shona Union Bible 1949 Baiberi Magwaro Matȿene aMŋari I Makoronike 17 Bible Online

I Makoronike 17 - Original Shona Union Bible 1949 Baiberi Magwaro Matȿene aMŋari bible

I Makoronike 17

¹Ɀino Davidi wakati agere mumba make, Davidi akati kumuprofita Natani: Tarira, ini ndigere muimba yomusidari, asi areka yesuŋgano yaJehova igere pasi pemiceka.

²Natani akati kunaDavidi: Itai henyu ɀose ɀiri mumŋoyo menyu, nokuti Mŋari unemi.

³Ɀino noʋusiku ubgo shoko raMŋari rakaȿika kunaNatani, riciti:

⁴Enda undoʋudza Davidi muranda waŋgu, uti: Iwe hauŋgandiʋakiri imba mandiŋgagara;

⁵nokuti handina‐kugara mumba kubva pazuʋa randakandotora ʋaIsraeri, kuȿikira zuʋa ranhasi; asi ndakabva patente rimŋe ndicienda kunerimŋe, napatabernakeri imŋe ndicienda kuneimŋe.

⁶Pose pandakafamba naʋaIsraeri ʋose, ndakatoŋgotaura here shoko rimŋe kunomumŋe waʋatoŋgi ʋaIsraeri ʋose, ʋandakaraira kufudza ʋanhu ʋaŋgu, ndiciti: Makaregereiko kundiʋakira imba yomusidari?

⁷Naiɀoɀo ɀino, unofanira kuti kumuranda waŋgu Davidi: Ɀanzi naJehova wehondo: Ndakakutora kumafuro, kwawakaŋga ucifudza makwai, kuti uʋe muɓati waʋanhu ʋaŋgu ʋaIsraeri;

⁸ndikaʋa newe pose pawakafamba, ndikaparadza ʋaʋeŋgi ʋako ʋose pamberi pako; ndicakuitira zita riŋgafanana namazita aʋakuru ʋari panyika.

⁹Ndicagadzirira ʋanhu ʋaŋgu ʋaIsraeri nɀimbo, ndicaʋasima, ʋagare panɀimbo yaʋo, ʋarege kubviswa ɀe; naʋakaipa haʋaŋgaʋaparadzi ɀe sapakutaŋga,

¹⁰nokubva pazuʋa randakaraira ʋatoŋgi kuti ʋaɓate ʋanhu ʋaŋgu ʋaIsraeri; ʋuye ndicakunda ʋaʋeŋgi ʋako ʋose. Ʋuye ndinokuʋudza kuti Jehova ucakumisira imba.

¹¹Ɀino kana ŋguʋa yako yaȿika, yaunofanira kuenda nayo kunamadziɓaɓa ako, ndicamutsa mumŋe worudzi rwako rucakuteʋera, ucaʋa mumŋe waʋanakomana ʋako; ndicasimbisa ʋushe bgake.

¹²Iye ucandiʋakira imba, neni ndicasimbisa cigaro cake coʋushe nokusiŋgaperi.

¹³Ini ndicaʋa ɓaɓa ʋake, naiye ucaʋa mŋanakomana waŋgu; handiŋgabvisi nyasha dzaŋgu kwaari, seɀandakadzibvisa kunaiye wakakutaŋgira;

¹⁴asi ndicamugarisa mumba maŋgu nomuʋushe bgaŋgu nokusiŋgaperi; cigaro cake coʋushe cicasimbiswa nokusiŋgaperi.

¹⁵Natani akaʋudza Davidi mashoko awa ose, neɀose ɀaakaratidzwa.

¹⁶Ipapo mambo Davidi akapinda, akagara pamberi paJehova, akati: Jehova Mŋari, ndini aniko, neimba yaŋgu cinyiko, ɀamakandiȿitsa kuȿikira pano?

¹⁷Asi cinhu ici cakaŋga ciri ciɗuku pamberi penyu, Mŋari, asi makataura pamsoro peimba yomuranda wenyu kuȿikira paŋguʋa huru inozoʋuya, mukandiitira seɀinoitirwa munhu unokudzwa kwaɀo, Jehova Mŋari.

¹⁸Davidi uŋgareʋeiko ɀe kwamuri pamsoro pokukudzwa kwomuranda wenyu? Nokuti munoziʋa muranda wenyu.

¹⁹Jehova, makaita iɀi ɀikuru ɀose nokuɗa kwomuranda wenyu, ʋuye nokuɗa kwomŋoyo wenyu, kuti muziʋise ɀinhu iɀi ɀose ɀikuru.

²⁰Jehova, hakunomumŋe wakafanana nemi, hakunomumŋe Mŋari asi imi moga, seɀatakanzwa ɀose nenzeʋe dzeɗu.

²¹Rumŋe rudzi ruripiko panyika rwakafanana naʋanhu ʋenyu ʋaIsraeri, ʋakandodzikinurwa naMŋari, ʋaʋe ʋanhu ʋake, kuti imi mukurumbire neɀinhu ɀikuru neɀinotyisa, ɀamakadziŋga ndudzi pamberi paʋanhu ʋenyu, ʋamakadzikinura paEgipita?

²²Nokuti ʋanhu ʋenyu ʋaIsraeri makaʋaita ʋanhu ʋenyu paruzima nokusiŋgaperi; imi Jehova mukaʋa Mŋari waʋo.

²³Ɀino Jehova, shoko ramakataura pamsoro pomuranda wenyu napamsoro peimba yake ŋgarisimbiswe nokusiŋgaperi, muite seɀamakataura.

²⁴Ʋuye zita renyu ŋgarisimbiswe nokukudzwa nokusiŋgaperi, ɀicinzi: Jehova wehondo ndiye Mŋari waIsraeri, ndiye Mŋari kunaIsraeri; imba yaDavidi muranda wenyu icamiswa pamberi penyu.

²⁵Nokuti imi, Mŋari waŋgu, makaziʋisa muranda wenyu kuti mucamumisira imba; saka muranda wenyu wakatsuŋga kunyeŋgetera pamberi penyu.

²⁶Ɀino Jehova, ndimi Mŋari, makapikira muranda wenyu cinhu ici;

²⁷ɀino makafara naɀo kuropafadza imba yomuranda wenyu, kuti irambe iri’po pamberi penyu nokusiŋgaperi; nokuti imi Jehova makairopafadza, ɀino icaropafadzwa nokusiŋgaperi.